Kot to été Bondié?

Le 11 septembre 2001: 8:46 gramatin, enn avion ti defonce la tour nord World Trade Center dan New York—sa ti premier dan enn serie attak terroriste bien organisé. Dan bann 102 minute ki finn suive, environ 3,000 dimoune finn perdi zot la vie.

26 décembre, 2004

Dan l’ocean Indien, enn grand tremblement de terre ti provok enn serie vague ki ti touche 11 pays, parmi ena l’Afrique, ki trouve environ 5,000 kilometre pli loin. Dan enn sel jour, 150,000 dimoune inn mort ou-soit inn disparette, ek plus ki enn million dimoune inn perdi zot lakaz.

Le 1^er août 2009: enn missié 42 an pé faire scooter lor la mer avek so garson ki ena 5 an kan zot tape avek enn la jetté en di-bois. Papa-la mort desuite, lendemain so garson aussi mort. Enn so famille proche ki ti bien bouleversé dire: “Nou ti pensé ki ti pou ena enn mirak ek ki garson-la ti pou sapé.”

Kan ou lire lor bann attak terroriste ou-soit bann catastrophe naturel ou-soit kan ou-mem ou faire face ar enn malheur, eski ou demann ou si Bondié pé trouve seki pé passé? Eski ou demann ou si Li’nn abandonne nou? Couma nou pou trouvé, la Bible donne enn reponse ki reconforte nou.

[Remerciement photo page 3]

PRAKASH SINGH/AFP/Getty Images