12 “Ary ankehitriny, ry Israely ô, inona moa no angatahin’i Jehovah Andriamanitrao aminao?+ Tsy izao ihany ve: Ny hatahoranao+ an’i Jehovah Andriamanitrao mba handehananao amin’ny lalany rehetra+ sy hitiavanao azy+ sy hanompoanao an’i Jehovah Andriamanitrao amin’ny fonao manontolo sy ny tenanao manontolo,+

3 Tian’i Jehovah mihoatra noho ny sorona ny fanaovana ny marina sy ny rariny.+

17 Mianara manao ny tsara,+ katsaho ny rariny,+ anaro ny mpampahory,+ omeo rariny ny kamboty ray,+ ary miadia ho an’ny mpitondratena.”+

3 Izao no nolazain’i Jehovah: “Manaova ny rariny sy ny hitsiny, ka afaho eo an-tanan’izay nanambaka azy ilay nambakaina. Aza mampijaly ny mpivahiny na ny kamboty ray na ny mpitondratena,+ ary aza misetrasetra aminy.+ Aza mandatsaka ran’olona tsy manan-tsiny eto amin’ity toerana ity.+

9 “Izao no nolazain’i Jehovah Tompo Fara Tampony: ‘Efa tofoka aminareo aho, ry mpiadidy eo amin’ny Israely!’+

“‘Atsaharo ny herisetra sy ny fandrobana,+ ka manaova ny rariny sy ny hitsiny.+ Aoka izay ny fakana an-keriny ny fananan’ny oloko!’,+ hoy i Jehovah Tompo Fara Tampony.

6 “Miverena amin’Andriamanitrao,+ ka manehoa hatsaram-panahy feno fitiavana+ ary manaova ny rariny.+ Aoka koa ianao hanantena foana an’Andriamanitrao.+