BETI-MERAKA

(Bèti-meràka) [Trano any An-tany Lavitra; Trano Lavitra].

Toerana niatoan’i Davida Mpanjaka tamin’izy niala tao Jerosalema noho ny fikomian’i Absaloma zanany lahy. Teo angamba no nisy ny trano farany tao Jerosalema, talohan’ny hiampitana ny Lohasahan’i Kidrona, raha ho any amin’ny Tendrombohitra Oliva. (2Sa 15:17, 23) Toa teo i Davida Mpanjaka no namerina nisafo ny tafiny talohan’ny hiampitana an’ilay lohasaha. Tsy nikoropaka na nikorontana àry ireo olona niaraka tamin’i Davida, tamin’izy ireo niala tao Jerosalema fa voalamina tsara.​—2Sa 15:18-26.