EPAFRODITO

(Epafrôdìto) [avy amin’ny fototeny midika hoe “mandroatra”].

Kristianina mendri-pitokisana anisan’ny fiangonan’i Filipy, tany Makedonia. Nirahina hitondra fanomezana ho an’i Paoly tany am-ponja tany Roma izy. (t. 59-61). (Fi 2:25; 4:18) “Narary saika maty” izy tany Roma “nefa namindra fo taminy Andriamanitra.” Ren’ny Filipianina hoe narary izy ka niasa saina angamba izy ireo ary nanontany ny fahasalamany. Tena te hahita an’ireo Filipianina i Epafrodito, sady nalahelo rehefa henony fa fantatr’izy ireo hoe narary izy. Nalefan’i Paoly nody haingana àry izy raha vao sitrana, ary nampitondrainy taratasy ho an’ny fiangonan’i Filipy. Nampirisihiny ireo rahalahy mba handray tsara an’i Epafrodito “toy ny efa fanao ao amin’ny Tompo”, ary ‘hanaja hatrany ny olona tahaka azy.’ Noho ny asan’ny Tompo mantsy no saika nahafaty an’i Epafrodito, ka nanaovany vivery ny ainy. (Fi 2:25-30) Tsy tokony hafangaro amin’i Epafra avy any Kolosia i Epafrodito.