TOBA

(Tòba).

“Tany” nandehanan’i Jefta tamin’izy nandositra an’ireo rahalahiny hafa reny. Efa nahangona lehilahy maromaro ahafahana manangana tafika iray i Jefta tao Toba, tamin’ireo rahalahiny ireo niangavy azy mba ho mpitari-tafika teo aminy, ka hiady amin’ny Amonita. (Mpts 11:3-11) Raha natao hoe “ny olona avy tany Toba” ilay anarana hoe Istoba ao amin’ny 2 Samoela 10:6-8 (jereo Prot., Kat., DIEM.), dia mety ho lasa misy andinin-teny hafa koa, ankoatra ny ao amin’ny Mpitsara, miresaka momba an’i Toba. Tsy fantatra izay tena nisy an’i Toba. Maro anefa no milaza azy io ho ilay faritra manodidina an’i Taiyiba, tokotokony ho 60 km any atsinanana atsimoatsinanan’ny Ranomasin’i Galilia.