Tongava mihaino ilay lahateny ampahibemaso hoe:

Ny rariny ho an’ny rehetra noho ilay Mpitsara voatendrin’Andriamanitra

Tamin’ny fotoana rehetra, ireo fitondram-panjakana dia nitady izay hanorenana ny ‘rariny ho an’ny rehetra’. Aoka horaisintsika ho ohatra ny amin’ireo Grika fahizay, izay ireo mpitsarany dia nikarakara raharaha nanahirana tao amin’ny Areopago, na havoan’i Aresy (Marsa). 1 900 taona lasa izay, ny lehilahy iray dia nanazava teo anoloan’io fitsarana io mihitsy ny hoe amin’ny fomba ahoana no hahatongavan’ny tena rariny ho an’ny rehetra ho zavatra tena hisy. Ny fanazavana izany dia hodinihina amin’ny andinindininy ao amin’ny faritry ny lahateny lehibe indrindra hatao amin’ny fivoriamben’ny distrikan’ny Vavolombelon’i Jehovah, dia fivoriambe hanana ny foto-kevitra hoe “Ny fahamarinan’Andriamanitra”.

Azonao atao ny mihaino an’io lahateny io ao amin’ny anankiray amin’ireo fivoriambe hatao amin’izao lohataona izao eto Madagasikara, any Frantsa, Belzika, Soisa sy any amin’ny tany hafa koa. Omanina ao anatin’ny fandaharana koa ny fifanakalozan-kevitra araka ny Baiboly mahasoa momba ny foto-kevitra mahakasika ny fampiharana, sy tantara araka ny Baiboly roa hahitana fianarana be dia be.

Mba hahafantarana ny toerana hanaovana fivoriambe akaiky anao indrindra, dia anontanio ny Mpianatra ny Baiboly ao amin’ny faritra misy anao, na manorata amin’ireo mpampanonta ity gazety ity.