Fanamarihana Ambany Pejy
a Ny Dokotera Edgar J. Goodspeed dia nanao izao fanazavana izao, momba io fehin-kevitra nanampy amin’ny Rainay izay any an-danitra io. Amin’ny pejy faha-70, fehin-tsoratra fahaenina, ao amin’ilay boky nosoratany mitondra ny lohateny hoe: “The Goodspeed Parallel New Testament” (1943):
“6:13. Tsy hita mihitsy na aiza na aiza amin’ireo boky sora-tanana grika tsara indrindra sady tranainy io teny amaranana ny vavaka nampianarin’ny Tompo io (Aleph, B. D. Z), ary tsy hita amin’ny fandikan-teny latina antitra indrindra koa, fa nanampy vao haingana izany, momba ny fitariham-pivavahana am-pahibemaso. Misy endrika hafa nahafantarana io, fehin-kevitra io efa tamin’ny andron’i Chrysostome, tamin’ny faran’ny taon-jato faha-IV. Teny nanampy sy nalahatra an-tsoratra hatao amin’ny fiangonana izany, ary tokony ho nalaina marina tao amin’ny I Tantara 29:11.’’
Afa-tsy izany, ny gazety atao hoe: “La Tour de Garde de Sion” (fanontàna anglisy, nivoaka tamin’ny 15 Janoary 1898, pejy faha-31, fehin-tsoratra faharoa, dia nilaza toy izao: “Fa anao ny fanjakana, sy ny hery ary ny voninahitra, mandrakizay. Amena!’’ Na dia hita ao amin’ny Fandikan-teny ampiasain’ny be sy ny maro sy ireo boky sora-tanana grika sasany aza ireo teny ireo, dia tsy hita mihitsy ao amin’ireo MSS grika “tranainy indrindra’’: dia ny Codex Sinaïticus sy Vaticanus. Koa hita fa teny vao nanampin’ny olombelona amin’ny tenin’ny Tompontsika izany. Raha ny momba ny tanintsika, dia tsy hita izay mahamarina izany nandritra ny Fotoanan’ny Filazantsara: ny fanapahana ny tany tsy an’ny Tompo: ny hery nanapaka teto an-tany tsy an’ny Tompo: ary ny voninahitry ny tany tsy an’ny Tompo akory koa. (...)”