Isiyani nnolamuliyeenyu upanka wiira mphwanyere ifayita myaha co mbiiblyani ciri nhina ila ibroxureela?

Yowimpirimiriya

Munlepele Saahiti a Yehova wuusomihani: Munlepele wuusomihani Ibiiblya ntthu oovahileni ila ibroxureela awula nlepele nsayitini wihu jw.org.

MPHANTTE WOOPACERA

Nsome khula iparaagarafu ni makoho oopintariyaayo (A). Ciicammo nsome ilivuru co mbiiblyani cantikhiye “nsome.” Uhiya commo, ciicammo unaareera usoma ilivuru cikhwaawe co mbiiblyani cantikhiye mparaagarafuni (B), ukhala wiira nnyo cinthoonyihera ipontu cuulupale.

Ilatarato inoonihera mphantte A ni B umphwanyannya wuupaceroni mpantta.

MPHANTTE WO WARIYARI

Vathiwaya nipuro nantikhiye Muncerere Wiitthuca Winyu amphwanyannya moolumo anthikilela mwaha wotheene (C). Isuputiitulu (D) cinttonkaca ipontu cuulupale. Nsome iveerusu co mbiiblyani, mwaakhule makoho ni moone ividiyu (E).

Ilatarato inoonihera mphantte C, D, ni E umphwanyannya iriya mpantta.

Moone ilatarato ni nsome moolumo yantikhiye vathiwaya (F), ni muupuwele mananna owaakhula mphantte uneera Atthu Akiina Aneera (G).

Ilatarato inoonihera mphantte F ni G umphwanyannya iriya mpantta.

MPHANTTE WOOMALELA

Khula mpantta ummalela nimiphantte cineera Uthikilela ni Wuupuwela (H). Mwantikhe nihuku nimalihileenyu usoma mpanttooyo. Nipuro nantikhiye Itthu Yoohala Upanka (I) inttonkaciya itthu nyuuva inlamuliyeenyu upanka. Vathiwaya nipuro nantikhiye Mwapheelaka Ucuwela Citthu Cikiina (J) cimphwanyannya myaha awula ividiyu, cinlamuliyeenyu usoma awula woona, mwatthunaka.

Ilatarato inoonihera mphantte H, I, ni J umphwanyannya wuumaleloni mpantta.

Ilatarato inoonihera mphantte A, B, ni C umphwanyannya mbiiblyani.

Iverisiikulu co mbiiblyani cimphwanyiya cani?

Itthu yoopacera inkhala ilivuru yo mbiiblyani (A), yo waakulela inkhala ikapiitulu (B), woomalihera iverisiikulu awula iveerusu (C). Wootakihera, Joau 17:3 maanaaya wiira ilivuru ya Joau, ikapiitulu 17, iverisiikulu 3.