Nyuuva pooti waakavihera amuciinyu utepa ukhala ootteeliya

Yehova nopheela wiira amuci akhale ootteeliya (Isaa. 127:3-5; Ekles. 9:9; 11:9) Masi masakha annikhumelela nhina ila ituninyeela ni citthu cinvonyaaya asimuciihu pooti umaliha utteeliya wihu. Isiyani khula ntthu watthokoni inlamuliyaawe upanka wiira aakavihere amuci otheene utepa ukhala ootteeliya?

Nlopwana haana aahisimaka amwaarawe. (1 Pet. 3:7) Uyo naaviriha ukati nkhayi naayo. Uyo nawaasukhurweela nlattu wo citthu cotheene cinompankelaaya uyova ni cinaapankelaaya amuci otheene, ni khanaakhanyereriha wiira apanke citthu cihinkhitiryaaya. (Akol. 3:15) Uyo nawoonihera wiira nawaafenta nhina citthu cinoolumaawe ni cimpankaawe ni khanhiya waattottopela amwaarawe.—Miru. 31:28, 31.

Athiyana anawaakavihera awannyaya. (Miru. 31:12) Ayo anawaahisima ni anawiiwanana naayo. (Akol. 3:18) Ayo anaawuulumana niihisima ni anaawuuluma saana.—Miru. 31:26.

Ayari anaaviriha ukati nkhayi naasaanaaya. (Deut. 6:6, 7) Ayo anawaahimerya asaanaaya inanna cinaafentaaya. (Mat. 3:17) Ukati wo waalaka asaanaaya, anawoonihera nifento ni ureera nrima.—Efesu 6:4.

Asaana anawaahisima ni anaawiiwelela asithumwanaya. (Miru. 23:22) Ayo anawaahimerya asithumwanaya citthu cinoopuwelaaya ni citthu cinwiira. Asaana anaatthuna ulakiya naasithumwanaya ni anawaahisima.—Miru. 19:20.

MOONE IVIDIYU NKHALE OOTTEELIYA WATTHOKONI. MWAMALIHAKA, MWAAKHULE NNA NIKONNA:

Isiyani khula ntthu watthokoni inlamuliyaawe upanka wiira aakavihere amuci ukhala ootteeliya?