Ukhwa wa Yesu Unoohimeryani Isiyani?

Yesu ahokhwa wiira niphwanye ukumi. Joau 3:16

Anavinrene mahuku mararu nakhwalene Yesu, athiyana araru yaahorwa wootola mahiyaawe ni yaahophwanya woohitthu. Yehova ahomummweleliha Yesu.

Uwakathi nkhwaawe Yesu ahaakhumenla arumyawe.

Yehova ahomummweleliha Yesu toko nlayikha nokuru ni noohiweherera ukhwa. Eetthucyaawe yahomoona arwaaka wiirimu.

Yehova homummweleliha Yesu ni honthanla wiira akhale Mwene Oomwene wa Nluku. Daniele 7:13, 14

Yesu ahovaha ukumyaawe wiira oopole apinaatamu. (Matewus 20:28) Unwiiha-wawe moopoli, Nluku honiphwanyiha mananna oorwa ukhalana ukumi woohimala.

Yehova honthanla Yesu wiira akhale Mwene ooholela nlaponi mootheene. Nuuyova, atthu ikontu 144, ontthunela, anthanliya watuniyani ni yaakhwale anawummwelelihiya wiira arwee wiirimu. Yesu ni ala ikontu 144 akhanlee mamwene ookuverno yo wiirimu yowataannya, ineehaniya Umwene wa Nluku. —Apokalipise 14:1-3.

Umwene wa Nluku unaarwa utatusa ilapo yoothene ipeephoni. Ikhotto, ikhirini, usikhini ni itala khacinrwa ukhala-tho. Atthu oothene ankootteliya wokhweeli.—Isaalimu 145:16.