Malakihero aanakonkreesu

NKUTTHAANO MUULUPALE

ICIKOLA YA ANAMALALYEERA UMWENE Mapiyoneeru akhalanne myaakha ukhuma 23 mpaka 65 ampheela wuncerera miteko cinonvarelaaya Yehova, anaalattuliya uviriyana nkutthaano waale ampheela ukela Icikola ya Anamalalyeera Umwene, unhala upankiya itominku uthana. Nipuro ni iwoora inhalaaya upankiya cinaahala uttonkiya.

MALAKIHERO AANAKONKREESU

ANAMATHOONYERA Anamathoonyera athanliye wiira yuukavihere. Upanke inhalaaya wuhimerya, uttharaka inhalaaya wuuhimeerya toko inanna coweemesa ikaaro, weettakaca, uthanla mapuro owonkoma ni citthu cikinaku.

MPATTISO Wakhala wiira khanihimiye nipuro nikinaku, ikhatera caya ale anhala upattisiya cinhala ukhala uhoolo wo ipaaluku. Ale anhala upattisiya ahaana wonkoma ala mapurwaala uhinaaya wancera mwaha wo mpattiso, isaabadu uwicisu. Otheene ahaana uwaana itowaaliya ni uwaana ikuwo cohisima coohala uwara ukati woopattisiya.

MICANKO Uholiviya nsurukhu wiira citthenkaciye ikhatera cowonkomeliya, ikaruma cooruma, ikaruma covidiyu ni citthu cikinaku cinreeriha uviriyana ikonkreeswiila innikavihera ukhala apatthani a Yehova. Micanko cinhalaa uvaha weeva, cinaakavihera utthenkaca cila citthu cila ni cinaakavihera nteko woolalyaa ntuninyani. Wakonkreesuni unaahala uphwanya ikaasa cinci unheliyaaya micanko. Micanko cotheene cinawaakheleliya, ni Mphwinko wo Mahumu Unhoolela unaasukhurweela cinene inanna cinkaviheraa miteko co Umwene.

ITHATAPIRI COOPACERA Uhiliyale: cinhala utafitiya paahi citthu COOHITEPA URIKA.

CIRIMENLE NI CILOKOTTHIYE Citthu cilokotthiye cihaana urwaaniya nipuro cintafitiyaaya Cirimenle ni Cilokotthiye. Wakhala wiira ihaavo itthu yuurimenle, urwee nipuro nenno woone khampa iholokotthiya yuurimenle. Anamwane oorimela ahaana urwaaniya nno nipuronno, masi nhaana wuupuwela wiira khaninakhala nipuro nintafitiya asaana. Phimaana, waatafiti ratta asaanaa ni uhaahiye veekha.

MAPURO OWONKOMA Unaarera waahisimu akhwiihu. Wuupuwele wiira weeva pooti waasunkera mapuro amucyaa, waawannyaa nkaaroni, anaakhalanaa awula anaasomihaa Ibiiblya. Uheese hataa itthu waculu mapuro wattamanannyaa.

NTEKO WOWIIVAHERERIYA Wakhala wiira unaapheela ukavihera miteko co wakonkreesuni, urwee nipuru ninvahiya Ihapari ni utthenkaciya Nteko wo Wiivahereriya.