Waawacera atthu

Isiyani Yesu yaapankilyaawe?

IVIDIYU: Yesu ni athiyana o Samariya

1. Moone IVIDIYU awula nsome Joau 4:6-9. Mwamalihaka, mwaakhule ala makohwaala:

1. Isiyani Yesu yaaweheehilyaawe muukumini waya ayo athiyanaayo hinancera uwoopana mwaha?

2. Yesu eerenle co: “Nkimeele maaci kiwurye.” Kontha isiyani ala mananna owancera woopa mwahaala waakhanlyaaya omaana?

Isiyani ntakihero na Yesu ninnitthucihaaya?

2. Wiira mwaha unoopeehu ukhale womaana, nihaana nuulumaka itthu ntthuuyo inoonaawe ukhala yofayita.

Muntakihe Yesu

3. Mwaakuve urukunusa mwahooyo. Nhikhanyerere wuuluma mwaha nyuuva urineenyu mmuru. Mpacere muulumaka itthu atthwaayo anoopelaaya mwaha mahuku olelo. Mwiikohe co:

1. ‘Ihaparini cinoolumiya ala mahukwaala?’

2. ‘Isiyani amwaattamanannyaaka, atthu anaavaranaaka nteko awula atthu anaasomanaaka ucikolani anuulumaaya ala mahukwaala?’

4. Nkhale oowehaweha. Mwiikohe co:

1. ‘Isiyani ula ntthuula invaraawe nna co? Nuupuwelani?’

2. ‘Ikuwo ciwaanryaawe ni inupa inkhalaawe inthoonyera cani citthu cinkupalyaawe ni ikhapilaawe?’

3. ‘Niireke ula ukhanle ukati womaana woomoopana mwaha ula ntthuula?’

5. Nviriyane.

1. Nhuulume venci.

2. Munkurumice ntthuuyo wiira oolume itthu inoopuwelaawe. Moona wiira wanaareera, munkohakohe.