UPACERIHA UWOOPANA MWAHA ATTHU
MWAHA 4
Wiiyeviha
Ikano: “Mwiiyevihaka, nwoone akhwiinyu ukhala oolupale wuupwahani nyuuva.”— Afili. 2:3.
Isiyani Paulu yaapankilyaawe?
1. Moone IVIDIYU awula nsome Miteko 26:2, 3. Mwamalihaka, mwaakhule ala makohwaala.
Manannani apostolu Paulu waathoonyenryaawe wiiyeviha ukati waamuulumanaawe mwene Agripa?
Manannani apostolu Paulu waathoonyenryaawe wiira citthu ciitthucihaawe caakhuma wa Yehova, kahi cankhumakhuma mmuruni wawe?—Nwehe Miteko 26:22.
Ntakihero na Paulu ninniitthuciha isiyani?
2. Ihapari comaana cinlalyeereehu cinaahala waacivela atthu noolumaka niiyevihaka ni niihisima.
Muntakihe Paulu
3. Nhuulume mpheelaka uthoonyera wiira nyuuva nkhanle namacuwelaca. Nhuulume mpheelaka uthoonyera wiira nyuuva nhaana ucuwelaca umpwaha ntthuuyo. Mmuulumane niihisima.
4. Moonihere wiira itthu ineetthuciheenyu inkhuma mbiiblyani. Mbiiblyani, ahaavo moolumo ankhuma wa Nluku anhala waavara nrima atthu. Navarelaka nteko Ibiiblya, ninawaakavihera atthu ukhalana moopuwelelo omaana ni ukhalana waamini woolipa.
5. Nkhale oomaala. Mwavaanyihiyaka, nhikhanyerere unthoonyera ntthuuyo wiira thi nyuuva munhimya ikhweeli. Hiiva khanimpheela unyakulihana nintthu. Nthoonyere wiiyeviha, nkhale oomaala ni ncuwele ukati woopheela ukhuma. (Miru. 17:14; Titu 3:2) Moolumaka nthoonyeraka umaala ni woohicaca, pooti umwiiriha ntthuuyo upheela woopaniya mwaha ukati nkhwaawe.