Wuuluma citthu coohirika wiiwannya

Isiyani Yesu yaapankilyaawe?

IVIDIYU: Yesu nawiitthuciha mananna Apaapeehu Yehova cinniwaceraaya

1. Moone IVIDIYU awula nsome Matewus 6:25-27. Mwamalihaka, mwaakhule ala makohwaala:

1. Manannani Yesu caapankilyaawe nlattanihero ninhimya mananna Yehova cinniwaceraawe?

2. Yesu ancuwela citthu cinci caasinuni masi uhookhalaru commo, Yesu aaweheehile itthu yoohirikarika, yaari isiyani?

Ntakihero na Yesu ninniitthuciha isiyani?

2. Naasomihaka atthu nimannana oohirikarika, ayo khanliyala ile yaasomihileehu ni iyo itthwiiyo inaahala waavara nrima.

Muntakihe Yesu

3. Nhuulume venci. Uhiya wuuluma paasi citthu cincuweleenyu nhina uyo mwahooyo, muulume itthu yantikhiye nhina ilivuru invareleenyu nteko wiira munsomihe ntthuuyo. Mwapankaka nikoho, munweherere ntthu nonsomiheenyu waakhula. Wakhala wiira khancuwela waakhula awula naahimya itthu ihinvaranaca niitthu inhimyaaya Ibiiblya, mpanke makoho oohirikarika wiira munkavihere wiiweeha uyo mwaahooyo. Wakhalaka wiira ntthu nonsomiheenyu heeweeha mwaha unonsomiheenyu, nvire ni nkele ipontu ikhwaawe.

4. Munthoonyere ntthuuyo mananna cinvaranacaaya itthu yiitthucilyaawe niitthu ikhwaawe incuwelaawe. Wootakihera,, nhinaaya wancera unsomiha wunwelelihiya waatthu ookhwa, nyuuva pooti upacera umuupusera itthu inwiirannyeela atthu ookhwa.

5. Ncuwele ulattanihera. Nhinaaya ulattanihera, mwiikohe co:

1. ‘Kiireke nna nlattaniheronna ninaawiiwannya?’

2. ‘Kiireke ntthu nonsomihaaka naahala waakuva wiiweeha ?’

3. ‘Kiireke nna nlattaniheronna ninaahala unkavihera ntthu nonsomihaaka wuupuwela itthu yaamwiitthucihaaka ?’