“Umweneenyu uwe”—Nivekelo nimpankesaaya atthu imiliyau cene
Ikhumelo yo khalayi, atthu imiliyau cene anaalompaka yeeraka: “Umweneenyu uwe.” Kontha isiyani ayo anlompakaaya commo? Kontha Yesu ahowiirela attharyaawe wiira yahaana yalompaka wiira Umwene wa Nluku uwe.
Wuupaceroni, atthari a Yesu khayeeweeha citthu cotheene caahimyaawe cowuumweneni wa Nluku. Phimaana ikwaha imoca ayo yahonkoha co: “Pwiiya, nenna co phinhaleenyu uhokolosera umwene Usarayeli?” Atthunaka ayo yahokhala ootikhinihiya niitthu yaakhunlyaawe Yesu, uyo enre: “Khunoophwanelani ucuwela ukati awula mahuku Apaapa athanlilyaaya nuukhulupale urinaaya.” (Miteko 1:6, 7) Niireke iyo maanaaya wiira ikhanle itthu yoorikarika ucuwela Umwene wa Nluku isiyani ni mwaani unhalaaya uwa? Mena!
Ila irevisteela inaahala wuukaviherani uphwanya waakhuliya wo ala makohwaala:
Kontha isiyani ninaapheela Umwene wa Nluku?
Tipani khanle Mwene o Umwene wa Nluku?
Umwene wa Nluku unhala wancera mwaani ulamulela ituninya?
Umwene wa Nluku unhala upankani?
Kontha isiyani nihaana nithanlaka nenna co ukavihera Umwene wa Nluku?
Umwene wa Nluku isiyani?