Mwiitthenkace ihinoophwanyani itthu inhala uwiirihani utthawihereriya usipiritaali

Kontha isiyani unreeraaya wiitthenkaca? Hi pooti uniphwanya iretta awula unikhumelela itthu inhala uniiriha utthawihereriya usipiritaali ukati wahaaweherereehu. Phimaana, mwiitthenkace nenna co wiira mwawaceriye ratta mwatthawihereriyaka usipiritaali. Mwapankaka commo, nyuuva nnaathoonyera uhisima ukumi ni nlamulo na Yehova ninhimya mananna cinlamuliyeehu uwehera iphome.—Mite. 15:28, 29.

Isiyani inlamuliyeenyu upanka wiira mwiitthenkace?

• Nlompe ni mwantikhace ratta-raatta itukumentu ineehaniya Diretiva Antecipada de Vontade Relativas a Cuidados de Saúde (DPA).a Anamalalyeera oopattisiya pooti unlepela munna nowacera ilivuru co wanlokoni itukumentu DPA, ni ciicammo pooti unlepela itukumentu ineehaniya Cartão de Identificação (ic) wiira awantikhacere asaanaaya ankaani.

• Wakhalaka wiira nri niirukulu, mwaalepele mahumu itukumentu ineehaniya Informação para Grávidas (S-401). Iyo itukumentwiiyo inaahala wuukaviherani uwacera myaha coosipiritaali ukati unkhaleenyu niirukulu mpaka wanhaleenyu uyara.

• Pooti ukhalaka wiira ihaavo iretta inooweryaani ni wiira itafitiye iyo iretteeyo usipiritaali, nyuuva nheereliya wiira nhaana nheleliyaka iphome awula waapaxari. Yeerannyaaka iyo itthwiiyo, mwaahimyeere mahumu khalayiiru ni nhimye usipiritaali wiira naahala uwa uwootolani Saahiti a Yehova.

Mahumu anhala wuukaviherani cani? Ayo anaahala wuukaviherani wantikhaca itukumentu DPA. Masi, mahumu khanhala ulakela citthu nyuuva cinlamuliyeenyu ulakela veekha cinyu. (Aroo. 14:12; Akalas. 6:5) Mwaahimyeeraka mahumu o wanlokoni wiira usipiritaali nholepeliya uheleliya iphome, ayo anaahala uwuulumana mayamunna okhurupu ineehaniya Comissão de Ligação Hospitalar (CLH) wiira yuukavihereni.

Ikhurupu yo mayamunna ineehaniya CLH inhala wuukaviherani cani? Mayamunna anvara nteko nhina ikhurupu cineehaniya CLH anaatthenkaciya wiira awuulumana mameetiku ni anamasoma ni akhitiri waacuweliha mananna hiiva cinwehereehu iphome. Ukati woowuulumana, ayo pooti usikisana nimameetiku mananna makhwaawe ootafitiya iretteenyu woohiheleliya iphome. Ni mwapheelaka, ayo pooti wuukaviherani umphwanya meetiku nhala utthuna utafiti iretteenyu.

MOONE IVIDIYU MANANNA OOLAKELA MATAFITELIYO IRETTA ANHELA NHINA UVARELIYA NTEKO IPHOME. MWAMALIHAKA, MWAAKHULE ALA MAKOHWAALA:

• Nvidiyuni, mwiitthucile isiyani inhala wuukaviherani wiitthenkaca ihinoophwanyani itthu inhala uwiirihani utthawihereriya usipiritaali?

  textarea-1