Ukhuluvelya ni moopuwelelweehu

Wiira noonihere ukhala atthu ookhuluvelya, khunahimwe paahi citthu cimpankeehu awula cinoolumeehu, masi ciicammo citthu cinoopuweleehu. (Isaa. 19:14) Phimaana, Ibiiblya inaanivaha ikano wiira nihaana wuupuwela citthu ceekhweeli cotheene, citthu cofayita cotheene, citthu cosariya cotheene, citthu cowaarya cotheene, citthu coofentyaa cotheene, citthu cinoolumiya ratta cotheene, citthu comaana cotheene ni citthu cimphwanela uttottopeliya cotheene, nhihiyerere wuupuwela nnya citthunnya. (Afili. 4:8) Khweeliini, hi khaninhala ukhitiri ukati wotheene uhuupuwela citthu cootakhala mmuru wihu, masi uvilela pooti unikavihera unyema ayo moopuwelelo oohilokaayo ni wuupuwela citthu comaana. Nakhalaka ookhuluvelya nhina moopuwelelweehu ninaahala ukhala ookhuluvelya nhina citthu ninvareehu.—Mark. 7:21-23.

Nnya iverisiikulu cimphwanyannya vathinnya, mwantikhe moopuweleloni nnolamuliyeenyu unyema:

Aroo. 12:3

Luka 12:15

Mat. 5:28

Afili. 3:13