Atthu ookhuluvelya khanhiya weettela itthu ikhuluvelihilyaaya

Nsome Masuwiisi 11:30-40 ni moone ntakihero nomaana Jefté ni mwanaawe ahilyaaya nhina weettela itthu ikhuluvelihilyaaya.

Muupuwele murwaaya. Mananna asarayeli ookhuluvelya yaaweheraaya citthu cankhuluvelihilyaaya Yehova? (Manu. 30:2) Manannani Jefté ni mwanaawe woonihenryaaya wiira yammwamini Yehova? —Masuw. 11:9-11, 19-24, 36.

Ntothe-tho. Isiyani Jefté yankhuluvelihilyaawe Yehova ni isiyani yaapheelaawe uhimya niiyo itthwiiyo? (Sentinela 04/2016 ipaag. 7 iparaag. 12) Itthuvoni Jefté ni mwanaawe yaapankilyaaya wiira yiirannyeehe itthu yankhuluvelihilyaaya Yehova? (Sentinela 04/2016 ipaag. 7-8 iparaag. 14-16) Manannani aswali a Yehova anhalaaya unkhuluveliha mahukwaala? —Sentinela 04/2017 ipaag. 5-8 iparaag.10-19.

Moonenele itthu ineetthuceehu. Mwiikohe:

• ‘Isiyani inhala ukikavihera uhihiyerera weettela itthu inkhuluvelihilyaka Yehova?’ (Ukhalenla 03/2020 ipaag. 13 iparaag. 20)

• ‘Isiyani inlamuliyaka upanka wiira kinvarele nteko cinene Yehova?’

• ‘Manannani kinhalaka ulipihaca ulakela waka wiirannyeeha ile ikhuluvelihilyaka uthela waka?’ (Mat. 19:5, 6; Efesu 5:28-33)