Ifayita irinaaya ireferensia krusaata

Ireferensia krusaata co mbiibiliyani Tradução do Novo Mundo da Bíblia Sagrada cinawoonihera mananna miphantte cinci co mbiibiliyani cinvaranacaaya nicikhwaaya. Nnyo cinawoonihera iveerusu cikhwaawe cinhimya mwaha mmocaaru ni cinaakavihera ucuweleeha saana. Wiira mphwanye ireferensia krusaata, woopacera, nwehawehe ileetera yankaani imphwanyannya wiimaleloni waya moolumo makhwaawe. Vano, wakhalaka wiira nyuuva nrina Ibiibiliya yo makhanta, nwehawehe ileetera imocaaru wariyari waya ipaagina nriinywiiyo wiira mphwanye iveerusu invaranaca. Vano wakhala wiira nnovarela nteko Ibiibiliya iri nhina jw.org awula iri mwaaplikatiivuni JW Library^® mpotole ileetera yankaani inkhumela wuumaleloni nuulumo wiira moone iveerusu invaranaca.

Ireferensia krusaata pooti wuukaviherani woonenela myaha cikhwaawe coovirikana, khampa:

Ihantisi imocaaru: Iyo ireferensiyeeyo inawuurwaanani mapuro makhwaawe unuulumiya ihantisi imocaaru, masi iveerusu ikhwaawe yo mbiibiliyani. Wootakihera, nwehe 2 Samuweli 24:1 ni 1 Ikoronika 21:1.

Unkhumaaya moolumwaayo: Iyo ireferensiyeeyo inawoonihera ninkhumaaya nuulumonno awula moolumwaayo. Wootakihera, nwehe Matewus 4:4 ni Deuteronomiyu 8:3.

Inatiri yiirannyeele: Iyo ireferensiyeeyo inawoonihera iveerusu inooluma inatiri yiirannyeele. Wootakihera, Matewus 21:5 ni Zakariya 9:9.