Isiyani inlamuliyeenyu upanka wiira nkhitiri usoma Ibiibiliya khula mahuku?

Nlattu wookhalana citthu cinci coovara, nyuuva unawuurikani utthara iporokaraama yoosoma Ibiibiliya khula mahuku? (Jos. 1:8) Vano nnoonela cani utthara ala malakiherwaala?

• Mpanke itthu inhala uwuupuserani. Mwaativari alaarme ntelefooneni winyu awuupusereni usoma Ibiibiliya.

• Nhiye Ibiibiliyeenyu nipuro nowoonya. Wakhala wiira nyuuvano nnovarela nteko Ibiibiliya yo makhanta, mweese nipuro nnohaleenyu ukhitiri woona khula mahuku.—Deut. 11:18.

• Nviriyane Ibiibiliya cookaravariya. Nviriyane yookaravariya uno nwavaraka miteko co wapuwani. Tara, anuunu amoca anvara nteko weepiyoneera ayari ni anvara nteko uhiyu, aneera: “Uviriyana Ibiibiliya yookaravariya kivaraka miteko co wapuwani unaakikavihera uhihiyerera usoma Ibiibiliya khula mahuku.”

• Nhoocye. Wakhala wiira cihaavo citthu cinhala uwiirihani uhikhitiri, nsome pooti ukhala iveerusu vakaani nhinaaya urwaa urupa. Usoma khula nihuku pooti ukhala vakaani unaavirikana uhisoma nanka vakaani.—1 Pet. 2:2.