Nnawuupuwela?

Nyuuva nnawuupuwela citthu cisomileenyu nhina irevista Ukhalenla co ula mwaakhoola? Mwakhala wiira nnawuupuwela, moone khampa nnaakhitiri waakhula ala makohwaala:

Isiyani inniiriha unttitthimiha Yehova?

Hiiva ninonttitthimiha Yehova kontha ninanhisimu ni ninanfenta cinene. Ciicammo ninanttitthimiha kontha nimpheela wiira atthu akiina ancuwele.—Ukhalenla 01/2025 ipaag. 3.

Ntthu anithweelaka inaasi, ninhala uthoonyera cani wiira hiiva naatthu owiivaraca?

Kahi wiira hi khanniwacera itthu inniira wanrimani; masi nahiyaka imweeni urusiya wihu ni naahaasunkereke nruukwa akhwiihu, ninaakhitiri unyema wiiphwanyiha masakha nasineeneehu.—Ukhalenla 02/2025 ipaag. 15-16.

Kontha isiyani ntthari a Yesu eehaniya Markus khanlyaawe ntakihero nomaana naamirawo?

Markus ahotthuna ninrimaawe wotheene uvara nteko waavahiyaawe. Hataa ukhalaka wiira uyova atthunaka ahoviruwa ni unanriipale nrima nlattu wo itthu yeerihiyaawe, Markus khaanyoonyiye. Uyo aaholipihaca upatthannyaawe ni apostolu Paulu ni makristau akhwaawe ookhomaala mminepani.—Ukhalenla 04/2025 ipaag. 27.

Isiyani Yesu yaapheelaawe uhimya ulompa wawe, eeraka: “Mi kihaacuweliha ncina naa?” (Joau 17:26)

Attharyaawe Yesu yancuwela ncina nawe Nluku. Masi wiira ancuweleehe, Yesu ahaakavihera uncuwela Yehova tipani, ahimeryaka citthuni uyova cilakenlyaawe wiirannyeeha, miteko cawe ni makhalelwaawe.—Ukhalenla 05/2025 ipaag. 20-21.

Nakhalaka atthu owiiyeviha, isiyani hiiva ninhaleehu uthoonyihera?

Ninaahala uthoonyihera wiira cihaavo citthu cihincuweleehu. Wootakihera, khanincuwela nihuku ninhalaaya umala ituniya awula manannani Yehova nohalaawe umaliha. Khanincuwela ciicammo isiyani inhala wiirannya meelo awula unicuwela wawe Yehova unvelavela vayi.—Ukhalenla 06/2025 ipaag. 15-18.

Isiyani inhala unikavihera uphwanyera ifayita mwaha unsomeehu nrevistani awula myaha cineeweehu citaphuleliyaka mmikutthaanoni wihu?

Nihaana niikohaka co: ‘Ikhweelini cihimiye ni cinvareliya nteko wiira akaviheriye atthu ukupali? Nihaavo ntakihero nowiiwannya nihimiye mi kinlamuliyaaka uvarela nteko ukati wonsomiha ntthu Ibiibiliya? Tipani unhala uncivela ula mwahoola?’ (1 Mam. 9:4, 5) Nluku aalevelelaka, khansunka itampi yantthu ivanryaawe khalayi ni khanhokoleela wuupuwela wiira anttaruse wahoolo uyo ntthuuyo.—Ukhalenla 08/2025 ipaag. 19.

Ntthu nonsomiheenyu Ibiibiliya yanirikaka wiiweeha ipontu immwiittuciheenyu, isiyani inlamuliyeenyu upanka?

Yanrikaka wiiweeha iyo ipontwiiyo hataa ukhalaka wiira nhonkavihera sana-saana nvarelaka nteko Ibiibiliya, ntuphe iyo ipontwiiyo ni nhokoleele unkavihera wiiweeha ukati nkhwaawe.—Ukhalenla 09/2025 ipaag. 17.

Ibiibiliya ineera wiira itampi ihaana “ikuru yoothepya”. (Maberewu 3:13) Manannani?

Itampi pooti uniiriha upanka citthu coohinamaana. Ciicammo pooti wancera unithepya ni uniiriha utikhinaca woohinikhuma mmuru, khweeliini Nluku naanifenta awula mena—Ukhalenla 10/2025 ipaag. 16.

Citthuni tthaaru cinhala unikavihera ulompa ratta ni wiira ulompa wihu wiiwannye?

(1) Wuupuwela makhalelo arinaawe Yehova. (2) Wuupuwela itthu inaananeehu ni uhimyaca yeeyo itthwiiyo nalompaka, toko wakhalaka wiira haavo nitthekenle ni nimpheeleehu cinene unlevelela. (3) Uhaakuvihaca woolompa. Upanka commo pooti unikavihera wuuluma yotheene irineehu wanrimani—Ukhalenla 10/2025 ipaag. 19-20.

Ninhala ukhitiri cani waakavihera atthu owuuluvala?

Nihaana nawootolaka awula naalikareraka. Ciicammo hiiva pooti waaveleela yarwaaka uwoonanana mameetiku. Awula pooti wanaakhumaneehu nkhayi wuulalyaani.—Ukhalenla 11/2025 ipaag. 6-7.

Isiyani ineeriha uthelana weekristau ukhala womaana?

Weettela malamulo.Uwehera wakhala wiira ikacamentu intthenkaciya khampa cinrumaawe Nluku ni khampa nihuku ninthelaniya inaatthapiya ifesta yokacamento khampa Nluku cimpheelaawe. Nware nno nihukunno ikuwo comaana ni nnyeme utakiha ilema cinvirikaniha Ibiibiliya. Anhala uthelana, ahaana yaleehanaka ratta mananna anhalaaya upheela upanka ikacamentwaaya.—Ukhalenla 12/2025 ipaag. 21-24.