Niwehero no vathi ipaagina

e Luka 21:20 Masi moonaka isittatti yo Yerusalemu inaruukureeriye naanatoropa, ncuwele wiira uri wakhiviru ukati unhalaaya ukwanyulaciya. 21 Vano, ale anhala ukhala ncoko wo Yuuta atthawele mmamyaakoni, ale anhala ukhala nsittatti, akhume, ni ale anhala ukhala mmamattani, ahikele nhina isittatti, 22 kontha ayo anhala ukhala mahuku oweetteliya isariya, wiira ciirannye citthu cotheene cantikhiye. 23 Ahotakhaliya athiyana anhala ukhalana asaana owaamwa ayo mahukwaayo! Kontha anaahala uwa masakha moolupale va watuninyani va, ni ayo masakhaayo anaahala waaphwanya apoovu otheene ala. 24 Ni anaahala wiivakaciya niikatana ni anaahala urwaaniya ootthukiyeene nlaponi motheene; ni isittatti yo Yerusalemu inaahala unyakelaciya naapoovu amalaponi, mpaka wanhalaaya umala mahuku avahaceriyaaya amalaponi ulamulela.