Nruku wo mananna oosoma

Nhele mmuru “icipo co mminepani”

“Kakhalaka nimasukhuli, Yehova naakilipiha niicipo co JW Broadcasting^®.”—Lorraine, Estados Unidos.

Ukhuma nenne nokhalayi, makristau anawiipa “Icipo co mminepani” ukati wooswali. (Akol. 3:16) Nyuuva mwahelaka mmuru nnyo iciponnyo, cinaahala wuukaviherani mwaahikhalaneke ilivuru yocipo awula telefooni wiira moonele. Wiira nkhitiri uhela mmuru, mmananihe upanka nnya citthunnya.

• Nsome icipo wiira ncuwele itthu inhimyaaya. Khunhala wuurikani wuupuwela nnyo iciponnyo wakhalaka wiira nnaacuwela inhimyaaya. Ileetra cocipo cotheene, icipo co phiyaaru ni caasinamwane cinaaphwanyannya nhina jw.org. Mpotole wantikhiye Ibibliyoteka, vano nrwee wantikhiye Icipo.

• Moonele ni mwantikhe nipuro nnyo iciponnyo. Mwapankaka commo, nnaahala waakuva uhela mmuru moolumwaayo.—Deut. 17:18.

• Mwiipe nkumiheraka ncu vate. Nsome ni mwiipe ikwaha cinci.

• Nttehe wiipa woohoonela. Mmananihe wiipa woohoonela nlivuruni yocipo. Vano, moonele wiira ncuwele wakhala wiira nhohela mmuru awula mena.