Mwaavyaavye nipuro nooreera usoma

Waanuucivelani uphwanyera ifayita usoma winyu wo veekha? Ala malakiherwaala pooti wuukaviherani uphwanyera ifayita ukati woosoma:

• Mwaavyaavye nipuro nomaana. Ntothe nipuro nooreera ni nimpharela ilusu saana wiira nkhitiri woona ukati woosoma. Nyuuva pooti wookoma nipuro ari meeca awula pooti uthanla nipuro nomaana vate.

• Mwaavyaavye nipuro nnohaleenyu ukhala veekha. Yesu ahothanla ulompa “ukati wo wecisu nipuro noomalelyaa.” (Mark. 1:35) Wakhala wiira khannopheela ukhala veekha, mwaahimerye amuciinyu awula ale nnaakhalaneenyu wiira nnokoosoma ni mwaalepele wiira ahuunyakuleleni ukati woosoma.

• Nhiweheehe citthu cinhala wuuselelihani. Wakhalaka wiira nnosoma mwanvarelaka nteko telefooniinyu awula tablet, munhele silensiyu awula mmwativari Modo de voo ntteeke wiira huunyakuleni. Wakhalaka wiira nnawuupuwela upanka itthu ukati unsomeenyu, mwantikhe nipuro wiira nhiliyale upanka ukati nkhwaawe.