Yelemiya

45 Yaa ali mazwi yano Yelemiya kasesema wanenyile Baluki mwana Nelya lino walemvile mazwi yano Yelemiya wamunenyile umu mwaka uwalenga 4 uwa kuteeka kwakwe Yeoyakimu mwana Yosiya umwene wa ku Yuda, wamunenyile ati:

2 “Yeova Leza wakwe Izlaeli walanda pali wewe Baluki ukuti, 3 ‘Ukulanda uti: “Kalanda kuli nene pano nkuwaika, lyene Yeova watandundilapo nu ulanda! Iintonta pa mulandu na vino nkulila lyonsi, nupya nsikupuuza.”’

4 “Umunene uti, ‘Yeova walanda wati: “Vino nakuula nkuongolola, nupya vino nalema nkwipoola, vikwene avino ndacita umu mpanga yonsi. 5 Lelo ukuilondela ivintu ivikalamba. Taa ukulonda ivintu vii.”’

“‘Pano nkuleta intazi pa yantu yonsi,’ avino Yeova walanda, ‘nupya konsi kuno ulaya ndakupususya.’”