Isamu
Ku mukalamba wakwe ya kiimba. Lwimbo luno Devedi wimvile.
20 Si Yeova akwasuke mu wanda wa ntazi.
Si zina lyakwe Leza wakwe Yakobo likucingilile.
2 Akutumile uwazwilizyo ukufuma uku ncende ya muzilo
Nupya akusakamale ukufuma umu Zioni.
3 Si aiusye upe wako onsi;
Nupya apokelele ilambo lyako ilya koca. (Selah)
4 Si akupeele ivintu vino umwenzo wako ukalondesya
Nupya aleke ukuti amapange yako yonsi yafikiliziwe.
5 Tulapunda ni nsansa pa kupususya kwako;
Tulakatusya ivimanyililo vitu ivya kucimvya umwi zina lyakwe Leza witu.
Si Yeova akupeele vyonsi vino wamulenga.
6 Lyene namanya ukuti Yeova akapususya umusoololwe wakwe.
Akamwasuka ukufuma ukwi yulu lyakwe ilya muzilo
Nu kupususya kwakwe ukukalamba ukuomvya ikasa lyakwe ilya kwi lunji.
7 Yamwi yasintilila pa maceleta, yauze nayo yasintilila pa mfwalasi,
Lelo swemo tukaama api zina lyakwe Yeova Leza witu.
8 Yene iyasila maka nu kupona,
Lelo swemo itukatuka nu kwimilila ndi.
9 We Yeova, pususya umwene!
Uce utwasuke umu wanda uno tulalenga uwazwilizyo kuli wewe.