Ezaya

18 Kalanda uku mpanga umwaya ivizizi ivikapapuka

Iyayela uku nguzi zya ku Etiopia!

 2 Ikatuma inkombe pali yemba,

Izikapita pa manzi ukuomvya mawato aapangile ni mpunga, ati:

“Pitangini mwe nkombe izicincile,

Muye uku yantu ya mu nko atali nupya atelepe inkanda,

Ku yantu yano yonsi yakatiina,

Uku luko lwa maka nupya ulukacimvya,

Luno umusili wa mu mpanga iiyo wasendwa na manzi.”

 3 Mwe yantu ya mu mpanga mwensi na mwe ikazi ya mu nsi,

Cino mukulola cilaya wa cimanyililo cino iimika pa myamba,

Nupya muluvwa iciunda icili wa kulila kwi penga.

“Ndatwalilila ukuya mya nu kulolekesya uku ncende yane iyayako lyonsi,

Kuyapo kwane kulaya wa cikaye icikufuma ukwi lanzi,

Nupya wakwe kungwi lino kuli cikaye umu nsita ya kuzombola.

 5 Pano lino kutatala kwaya ukuzombola,

Lino iluwa lyalukuta ni myangazi yatandika ukuca,

Misambo ilaputulwa ukuomvya ica kutungwililako

Nupya utukamela uku musambo nu kuutungilila tulaputulwa.

 6 Vitumbi vyao vilaya ivyakulya vya vyunyi vya mu myamba

Ni vilyanyi vya mu nsi.

Vyunyi vilalya ivitumbi vyao mu nsita ya cisanya,

Nupya ivilyanyi vyonsi ivya mu nsi vilalya vitumbi vyao mu nsita ya kuzombola.

 7 Pa nsita iiya kulaya ukutwala ica upe kuli Yeova wa maumba,

Ku Mwamba wa Zioni uku ncende ukwaya izina lyakwe Yeova,

Kufuma uku yantu ya mu nko atali nupya atelepe inkanda,

Kufuma ku yantu yano yonsi yakatiina,

Kufuma uku luko lwa maka nupya ulukacimvya

Luno umusili wa mu mpanga iiyo wasendwa na manzi.”