Watchtower LAIBULALE UWA PA INTANETI
Watchtower
LAIBULALE UWA PA INTANETI
Cimambwe-Lungu
  • BAIBO
  • MPAPULO
  • KULONGANA
  • Ezekeli 26
  • Baibo Uwa Malembo ya Nsi Ipya

Kutaaya vidyo pali vino mwasoolola

Awe icumi catala, vidyo wakaana ukuloleka

Ivili Muli Ezekeli

      • Usesemo pa vilacitikila Tuli (1-21)

        • “Incende apa kwanika masumbo” (5, 14)

        • Mawe nu musili vyasumbilwa umu manzi (12)

Ezekeli 26:7

Futunoti

  • *

    Mu Ciebele: “Nebukadileza,” yii inzila yuze iya kulembelamo izina lii.

Ezekeli 26:9

Futunoti

  • *

    Nanti “ya panga.”

Mabaibo na Yauze

Tinikini pa cikomo pakuti mulole ivikomo ivikolineko
  • Baibo Uwa Malembo ya Nsi Ipya
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
Baibo Uwa Malembo ya Nsi Ipya
Ezekeli 26:1-21

Ezekeli

26 Mu mwaka uwalenga 11, pa wanda uwa kutandikilako mu mwezi, Yeova wanenyile ati: 2 “We mwana wa muntu, pa mulandu wakuti Tuli watalanda pali Yelusalemu ati, ‘Eya! Cazipa, impongolo ya yantu yatiyononeka! Lyene ivintu vimanzipila pano Yelusalemu wataononwa’; 3 Yeova Umwene wa Papelapela walanda wati: ‘Nene mulwani wako we Tuli, nupya ndakatusya inko izingi iziliza umu ku kulwisya, wakwe vino yemba akakatusya maimbi. 4 Yalonona malinga yakwe Tuli nu kuwisya impungu zyakwe, nupya ndasenda umusili onsi nu kusyamo sile mawe. 5 Alaya incende apa kwanika masumbo pakasi kakwe yemba.’

“‘Pano nene indanda,’ avino Yeova Umwene wa Papelapela walanda, ‘nupya antu ya mu nko yalamupokolola ivintu. 6 Nupya antu ya mu mizi yakwe yalakomwa uku lupanga, lyene antu yalamanya ukuti nene Yeova.’

7 “Pano Yeova Umwene wa Papelapela walanda wati: ‘Nkuleta Umwene Nebukadineza* uwa ku Babiloni kuti aize alwisye Tuli ukufuma uku katutu; u mwene wakwe ya mwene, aliza ni mfwalasi, maceleta ya nkondo, aonsi aakakwela pa mfwalasi, ni umba lya yasilika aingi. 8 Alonona imizi yako ukuomvya ulupanga, nupya alapanga ivya kukuzanzilako nu kukulwisya ala watalema icisyangu icikalamba. 9 Alaongolola iviumba vyako ukuomvya ivyanzo vyakwe ivya kuongolwelako nu kuwisya impungu zyako ukuomvya impasa.* 10 Imfwalasi zyakwe zilaya izingi sana icakuti zilakufutumwila ulukungu, nupya icongo ica yonsi yakwe aakakwela pa mfwalasi, ca mateelo, ni ca maceleta yakwe, cilalenga iviumba vyako ukusunkaana lino alingila pa mpongolo wa yonsi aakuzanza umusumba uononeka malinga. 11 Imfwalasi zyakwe zilalyatola imiseo yako yonsi; alakoma antu yako ukuomvya ulupanga, incesi zyako izikome zilavungolwa. 12 Alasenda ivyuma vyako, ukukupokolola ivintu, ukuwisya malinga yako, nu konona mang’anda yako asuma; lyene yalasumbila amawe yako, imbao zyako, alino nu musili wako umu manzi.’

13 “‘Ndaleka ukuti inyimbo zyako zitauvwika, nu kulila kwa mazeeze yako kutalatala kuvwikepo nupya. 14 Ndaleka ukuti usyale mawe yatupu nupya ulaya incende apa kwanika masumbo. Utalatala ukuulwe cipya cipya, pano nene ne Yeova indanda,’ avino Yeova Umwene wa Papelapela walanda.

15 “Yeova Umwene wa Papelapela wanena Tuli wati: ‘Pa mulandu ni congo icilayako lino ulononwa, lino antu yako aakufwa yalaloosya, lino kulaya ukukoma antu muli wewe, uzye ivilila vitalasunkaana? 16 Ya cilolo yonsi aapali yemba yalafuma pa vilimba vyao ivicindame nu kuzuula imingila yao ni vyakuzwala vyao iviyembe, nupya yalaazakaza pa mulandu ni ntete. Yalikala pansi nu kutwalilila ukuzakaza nupya yalakulolekesya ala iyazunguka. 17 Yalimba ulwimbo lwa ku kuloosya nu kukunena iyati:

“Iyee vino walowa wemuno wikazilwemo na antu afumile kuli ya yemba, we musumba uno yalumbanyanga;

Wemo pamwi na antu aikalanga muli wewe mwakweti maka pali yemba,

Mwalenganga antu yonsi amu nsi ukuya ni ntete!

18 Ivilila vilazakaza pa wanda uno ulononwa,

Ivilila vya pali yemba vilavulunganyiziwa lino ulafumiziwapo.”’

19 “Yeova Umwene wa Papelapela walanda wati: ‘Lino ndakulenga ukuya wa misumba umutaaya antu, lino ndaleta manzi aingi sana nupya aali nu mukuku pali wewe, 20 wemo pamwi na antu yano uli nayo ndamutwala uku malindi ku yantu ya mpiti; ndakulenga ukuya umu musili wa ncende izya mpiti; izyononyilwe kumwi na yayo aakuya uku malindi, pakuti kutaca kuye nanti aumwi uwa kwikala muli wewe. Lyene ndalenga impanga ya yantu ya umi ukuya iiyembe.

21 “‘Mu kupumikizya ndakulenga ukuya ni ntete nupya utalatwalilila ukuyako, yalakulonda lelo yatalakuzana,’ avino Yeova Umwene wa Papelapela walanda.”

Impapulo Zya Cimambwe-Lungu (2009-2025)
Fumini
Ingilini
  • Cimambwe-Lungu
  • Tumiliniko Yamwi
  • Vino mukulonda ukucita
  • Copyright © 2025 Watch Tower Bible and Tract Society of Pennsylvania
  • Masunde pa Miomvezye
  • Kusunga Inkaama
  • Privacy Settings
  • JW.ORG
  • Ingilini
Tumiliniko Yamwi