IBUKU LYA KUTANDIKILAKO ILYA MILANDU

5 Ana aonsi yakwe Yafeti yaali a Gomeli, Magogi, Madai, Yavani, Tubali, Misyeki, na Tilasi.

6 Ana aonsi yakwe Gomeli yaali a Asyikenazi, Lifati, na Togama.

7 Ana aonsi yakwe Yavani yaali a Elisya, Tasyisyi, Kitimu, na Lodanimu.

8 Ana aonsi yakwe Hamu yaali a Kusyi, Mizilaimu, Puti, na Kenani.

9 Ana aonsi yakwe Kusyi yaali a Seba, Havila, Sabita, Laama, na Sabiteka.

Ana aonsi yakwe Laama yaali a Syeba, na Dedani.

10 Kusyi wali a isi wakwe Nimulodi. Nimulodi wali ali muntu wa kutandikilako ukukwata sana maka pano nsi.

11 Mizilaimu wali a isi wakwe Ludimu, Anamimu, Lehabimu, Nafutuimu, 12 Patulusi, Kasilu (umwafumile Aina Filisti), na Kafitoli.

13 Kenani wali a isi wakwe Sidoni, uwali iyeli, na Hete, 14 nupya wali a isi wa Ina Yebusi, Aina Amoli, na Aina Giligasi, 15 Aina Hivi, Aina Aliki, Aina Sini, 16 Aina Alivadi, Aina Zemali, na Ina Hamati.

18 Apakisyadi wali a isi wakwe Syila, na Syila nawe wali a isi wakwe Ebali.

19 Ebali wakweti ana aonsi yaili. Wenga wali a Pelegi,* pano lino Pelegi wali nu umi, insi* yankanikiine. Umuze nawe wali a Yokotani.

20 Yokotani wali a isi wakwe Alimodadi, Syelefu, Hazamaveti, Yela, 21 Hadolamu, Uzali, Dikila, 22 Obali, Abimaeli, Syeba, 23 Ofili, Havila, na Yobabu; yaa yonsi yaali ana aonsi yakwe Yokotani.

28 Ana aonsi yakwe Abulahamu yaali a Isaki na Isumaeli.

29 Indupwa izyafumile muli aliyo aezi: Nebayoti wali ali yeli lyakwe Isumaeli, lyene palondeliile Kedali, Adibeeli, Mibisamu, 30 Misyima, Duma, Masa, Hadadi, Tema, 31 Yetuli, Nafisyi, na Kedema. Yaa yaali ali yana yakwe Isumaeli.

32 Ana aonsi yano Abulahamu waviile muli Ketula umuci wakwe na muze yaali a Zimulani, Yokisyani, Medani, Midyani, Isyibaki na Syuwa.

Ana aonsi yakwe Yokisyani yaali a Syeba na Dedani.

33 Ya mwana Midyani aonsi yaali a Efa, Efeli, Hanoki, Abida, na Elidaa.

Yaa yonsi yaviilwe muli Ketula.

34 Abulahamu wali a isi wakwe Isaki. Isaki nawe wali a isi wakwe Esau na Izlaeli.

35 Ana aonsi yakwe Esau yaali a Elifazi, Leweli, Yeusyi, Yalamu, na Kola.

36 Ana aonsi yakwe Elifazi yaali a Temani, Omali, Zefo, Gatamu, Kenazi, Timuna, na Amaleki.

37 Ana aonsi yakwe Leweli yaali a Nahati, Zela, Syama, na Miza.

38 Ana aonsi yakwe Seili yaali a Lotani, Syobali, Zibyoni, Ana, Disyoni, Ezeli, na Disyani.

39 Ana aonsi yakwe Lotani yaali a Holi, na Homamu. Kaci wakwe Lotani wali a Timuna.

40 Ana aonsi yakwe Syobali yaali a Alivani, Manaati, Ebali, Syefo, na Onamu.

Ana aonsi yakwe Zibyoni yaali a Aiya na Ana.

41 Umwana umonsi wakwe Ana wali a Disyoni.

Ana aonsi yakwe Disyoni yaali a Hemudani, Esyibani, Itilani, na Kelani.

42 Ana aonsi yakwe Ezeli yaali a Bilani, Zaavani, na Akani.

Ana aonsi yakwe Disyani yaali a Uzi na Alani.

43 Ya mwene ateekanga umu mpanga ya Edomu lino kutatala kwaya umwene ali wensi uwa kuteeka Aina Izlaeli aeya: Bela mwana Beoli; izina lya musumba wakwe lyali a Diniaba. 44 Lino Bela wafwile, Yobabu mwana Zela uwa ku Bozila u watandike ukuteeka. 45 Lino Yobabu wafwile, Husyamu uwa ku Temani u watandike ukuteeka. 46 Lino Husyamu wafwile, Hadadi mwana Bedadi uwacimvizye Aina Midyani umu ncende ya Moabu u watandike ukuteeka, ni zina lya musumba wakwe lyali a Aviti. 47 Lino Hadadi wafwile, Samula uwa ku Masileka u watandike ukuteeka. 48 Lino Samula wafwile, Syauli uwafumile uku Leoboti, incende iyayelile umupiipi nu Luzi u watandike ukuteeka. 49 Lino Syauli wafwile, Baali-hanani mwana Akiboli u watandike ukuteeka. 50 Lino Baali-hanani wafwile, Hadadi u watandike ukuteeka. Izina lya musumba wakwe lyali a Pau, nupya mamakwe wali a Meetabeli mwana Matiledi nupya Meetabeli wali umwizikulu wakwe Mezaabu. 51 Lyene Hadadi wafwile.

Ya mwene* aafumile muli Edomu aeya: Umwene Timuna, Umwene Aliva, Umwene Yeteti, 52 Umwene Olibama, Umwene Ela, Umwene Pinoni, 53 Umwene Kenazi, Umwene Temani, Umwene Mibizala, 54 Umwene Magidyeli, nu Mwene Ilamu. Yaa yaali ali ya mwene afumile muli Edomu.

2 Ana aonsi yakwe Izlaeli yaali a Lubeni, Simyoni, Levi, Yuda, Isakali, Zebuluni, 2 Dani, Jozefu, Benjamini, Nafutali, Gadi, na Asyeli.

3 Ana aonsi yakwe Yuda yaali a Ere, Onani, na Syila. Yaa yatatu yaviilwe umu mwanaci Umwina Kenani mwana Syuwa. Lelo Ere iyeli lyakwe Yuda wasosyanga Yeova, fwandi wamukomile. 4 Tamala nyinavyala wakwe Yuda, wamuvyaliile Pelezi na Zela. Ana aonsi yakwe Yuda yonsi yali 5.

5 Ana aonsi yakwe Pelezi yaali a Heziloni na Hamuli.

6 Ana aonsi yakwe Zela yaali a Zimuli, Etani, Hemani, Kaukoli, na Dala. Yonsi yaali 5.

7 Umwana umonsi wakwe Kami wali a Akali,* uwaletiile Aina Izlaeli intazi lino wakanyile ukuvwila isunde ilyalandanga pa vintu ivyali nu kononwa.

8 Umwana umonsi wakwe Etani wali a Azaliya.

9 Ana aonsi yakwe Heziloni yaali a Yelameeli, Lamu, na Kelabai.*

10 Lamu wali a isi wakwe Aminadabu. Aminadabu wali a isi wakwe Nasoni intunguluzi ya mutundu wakwe Yuda. 11 Nasyoni wali a isi wakwe Salima. Salima wali a isi wakwe Boasi. 12 Boasi wali a isi wakwe Obedi. Obedi wali a isi wakwe Yese. 13 Iyeli lyakwe Yese wali a Eliabu, wakwe ciili wali a Abinadabu, wakwe citatu wali a Syimea, 14 uwalenga 4 wali a Netaneli, uwalenga 5 wali a Ladai, 15 uwalenga 6 wali a Ozemu, nu walenga 7 wali a Devedi. 16 Ya kaci yao yaali a Zeluya na Abigeo. Ana aonsi yakwe Zeluya yaali yatatu, Abisyai, Yoabu, na Asaeli. 17 Abigeo waviile Amasa, nupya isi wakwe Amasa wali a Yeteli Umwina Isumaeli.

18 Kalebu* mwana Heziloni wakweti ana aonsi muli Azuba na Yelyoti aci yakwe; nupya ana yakwe yaali a Yesyeli, Syobabu, na Alidoni. 19 Lino Azuba wafwile, Kalebu watwazile Efulata, nawe wamuvyaliile Huli. 20 Huli wali a isi wakwe Uli. Uli wali a isi wakwe Bezalele.

21 Lino papisile insita ala Heziloni ali ni myaka 60, watwazile umwana umwanaci wakwe Makili isi wakwe Gilyadi. Wapanzile nawe icupo nawe wamuvyaliile Segubu. 22 Segubu wali a isi wakwe Jaili uwakweti imisumba 23 umu mpanga ya Gilyadi. 23 Pa cisila, Aina Gesyuli na Ina Silya yaposile umusumba wa Havoti-jaili ku yantu aikalangamo kumwi nu musumba wa Kenati ni mizi iyalimo, kuli kuti imisumba 60. Yaa yonsi yaali amu lupwa lwakwe Makili isi wakwe Gilyadi.

24 Pa cisila ca mfwa yakwe Heziloni umu mpanga ya Kalebu-efulata, Abiya umuci wakwe wamuvyaliile Asyuli isi* wakwe Tekoa.

25 Ana aonsi yakwe Yelameeli iyeli lyakwe Heziloni yaali a Lamu iyeli, Buna, Oleni, Ozemu, na Ahiya. 26 Yelameeli wakweti umuci na muze uwi zina lyakuti Atala. Wali a nyina wakwe Onamu. 27 Ana aonsi yakwe Lamu iyeli lyakwe Yelameeli yaali a Maazi, Yamini, na Ekeli. 28 Ana aonsi yakwe Onamu yaali a Syamai na Yada. Ana aonsi yakwe Syamai yaali a Nadabu na Abisyuli. 29 Umuci wakwe Abisyuli wali a Abihaili uwamuvyaliile Abani na Molidi. 30 Ana aonsi yakwe Nadabu yaali a Seledi na Apaimu. Lelo Seledi wafwile ukwaula ukukwata ana. 31 Umwana wakwe Apaimu wali a Isyi. Umwana wakwe Isyi wali a Syesyani, nupya umwana wakwe Syesyani wali a Ahalai. 32 Ana aonsi yakwe Yada umwina wakwe Syamai yaali a Yeteli na Yonatani. Lelo Yeteli wafwile ukwaula ukukwata ana. 33 Ana aonsi yakwe Yonatani yaali a Peleti na Zaza. Yaa yonsi yaali amu lupwa lwakwe Yelameeli.

34 Syesyani wakweti sile ana akazyana. Nupya wakweti umuomvi Umwina Ijipti uwi zina lyakuti Yaha. 35 Syesyani wapeezile umwanakwe umukazyana kuli Yaha kuti aye a mamakwe, nawe wamuvyaliile Atai. 36 Atai wali a isi wakwe Natani. Natani wali a isi wakwe Zabadi. 37 Zabadi wali a isi wakwe Efulala. Efulala wali a isi wakwe Obedi. 38 Obedi wali a isi wakwe Yeu. Yeu wali a isi wakwe Azaliya. 39 Azaliya wali a isi wakwe Helezi. Helezi wali a isi wakwe Eleasa. 40 Eleasa wali a isi wakwe Sisimai. Sisimai wali a isi wakwe Syalumu. 41 Syalumu wali a isi wakwe Yekamiya. Yekamiya wali a isi wakwe Elisyama.

42 Ana aonsi yakwe Kalebu* umwina wakwe Yelameeli yaali a Mesya uwali iyeli nupya isi wakwe Zifu, na ana aonsi yakwe Malesya isi wakwe Hebuloni. 43 Ana aonsi yakwe Hebuloni yaali a Kola, Beti-tapua, Tapua, Lekemu, na Syema. 44 Syema wali a isi wakwe Lahamu isi wakwe Yokeamu. Lekemu wali a isi wakwe Syamai. 45 Umwana umonsi wakwe Syamai wali a Maoni. Maoni wali a isi wakwe Beti-zuli. 46 Efa umuci na muze wakwe Kalebu waviile Halani, Moza, na Gazezi. Halani wali a isi wakwe Gazezi. 47 Ana aonsi yakwe Yadai yaali a Legemu, Yotamu, Gesyani, Peleti, Efa, na Syaafu. 48 Maaka umuci na muze wakwe Kalebu waviile Syebeli na Tihana. 49 Lino papisile insita waviile Syaafu isi wakwe Madimana alino na Syeva isi wakwe Makibena na Gibya. Umwana umwanaci wakwe Kalebu wali a Akisa. 50 Yaa yonsi yaali amu lupwa lwakwe Kalebu.

Ana aonsi yakwe Huli iyeli lyakwe Efulata yaali a Syobali isi wakwe Kilyati-yelimu, 51 Salima isi wakwe Betelemu, na Halefu isi wakwe Beti-gadeli. 52 Syobali isi wakwe Kilyati-yelimu wakweti ana yaa: Haloe na afu wa Ina Menuhoti. 53 Indupwa izikalanga umu Kilyati-yelimu aezi: Aina Itili, Aina Puti, Aina Syumati, na Ina Misyilai. Mukwene umwafumile Aina Zola na Ina Esyitaoli. 54 Aafumile muli Salima aantu aikalanga umu Betelemu, mu Netofa, mu Atiloti-beti-yoabu, na afu wa yantu aikalanga umu Manaati, na aikalanga umu Zole. 55 Indupwa zyakwe ya kalemba aikalanga umu Yabezi aezi: Aina Tilati, Aina Syimeati, na Ina Sukati. Yaa yaali a Ina Kenite aafumile muli Hamati isi wa ya mu ng’anda yakwe Lekabu.

3 Ana yakwe Devedi aonsi aavyaliilwe umu Hebuloni aeya: iyeli wali a Amunoni uwaviilwe muli Ainoamu uwa ku Yezileele; wakwe cili wali a Danieli uwaviilwe muli Abigeo Umwina Kalimeli; 2 wakwe citatu wali a Abusalomu uwaviilwe muli Maaka umwana umukazyana wakwe Talimai umwene wa ku Gesyuli; uwalenga 4 wali a Adoniya uwaviilwe muli Hagiti; 3 uwalenga 5 wali a Syefatiya uwaviilwe muli Abitali; nu walenga 6 wali a Itilyamu uwaviilwe muli Egila umuci wakwe Devedi. 4 Yaa yonsi 6 yavyaliilwe umu Hebuloni; Devedi wateesile imyaka 7 ni myezi 6 umu Hebuloni, mu Yelusalemu namo wateesile imyaka 33.

5 Ana yakwe aavyaliilwe umu Yelusalemu aeya: Syimea, Syobabu, Natani, na Solomoni; yaa yonsi 4 yaviilwe muli Batisyeba mwana Amiyeli. 6 Wakweti ana na yauze aonsi 9, Ibaala, Elisyama, Elifeleti, 7 Noga, Nefegi, Yafiya, 8 Elisyama, Eliyada, na Elifeleti. 9 Yonsi yaa yaali ana yakwe Devedi, ukufumyako yano wakweti mu yaci ya pa mbali, nupya Tamala wali a kaci wao.

10 Umwana umonsi wakwe Solomoni wali a Leoboamu, Leoboamu waviile Abiya, Abiya waviile Asa, Asa waviile Yeosyafati, 11 Yeosyafati waviile Yeolamu, Yeolamu waviile Ahaziya, Ahaziya waviile Yeoasyi, 12 Yeoasyi waviile Amaziya, Amaziya waviile Azaliya, Azaliya waviile Yotamu, 13 Yotamu waviile Ahazi, Ahazi waviile Hezekiya, Hezekiya waviile Manase, 14 Manase waviile Amoni, Amoni nawe waviile Yosiya. 15 Ana aonsi yakwe Yosiya aeya: Yoanani wali iyeli, wakwe ciili wali a Yeoyakimu, wakwe citatu wali a Zedekiya, nu walenga 4 wali a Syalumu. 16 Umwana umonsi wakwe Yeoyakimu wali a Yekoniya uwali a isi wakwe Zedekiya. 17 Ana aonsi yakwe Yekoniya umufungwa yaali a Salatieli, 18 Malikilamu, Pedaiya, Syenaza, Yekamiya, Hosyama, na Nedabiya. 19 Ana aonsi yakwe Pedaiya yaali a Zelubabeli na Syimei; nupya ana aonsi yakwe Zelubabeli yaali a Mesyulamu na Hanani (nupya Syelomiti wali a kaci wao); 20 nupya ana yakwe na yauze 5 yaali a Hasyuba, Oeli, Belekiya, Hasadiya, na Yusyabu-hesedi. 21 Ana aonsi yakwe Hanani yaali a Pelatiya na Yesyaya; umwana umonsi wakwe Yesyaya wali a Lefaya; umwana umonsi wakwe Lefaya wali a Alinani; umwana umonsi wakwe Alinani wali a Obadiya; umwana umonsi wakwe Obadiya wali a Syekaniya; 22 Syekaniya wakweti umwana umonsi na izikulu. Umwanakwe wali a Syemaya, nupya ana aonsi yakwe Syemaya yaali a Hatusyi, Igali, Baliya, Nealiya, na Syafati; yonsi pamwi yaali 6. 23 Nealiya wakweti ana aonsi yatatu, Elioenai, Hizikiya, na Azilikamu. 24 Elioenai nawe wakweti ana aonsi 7, Hodaviya, Elyasibu, Pelaya, Akubu, Yoanani, Delaya, na Anani.

4 Ana aonsi yakwe Yuda yaali a Pelezi, Heziloni, Kami, Huli, na Syobali. 2 Leaya mwana Syobali wali a isi wakwe Yaati; Yaati wali a isi wakwe Ahumai na Lahadi. Zii zyali ali ndupwa zya Ina Zola. 3 Ana aonsi yakwe isi* wakwe Etamu yaali a Yezileele, Isyima, na Idibasyi (nupya Hazeleleponi wali a kaci wao), 4 Penueli wali a isi wakwe Gedoli, Ezeli nawe wali a isi wakwe Husya. Yaa yaali ali ya mwana Huli iyeli lyakwe Efulata nupya isi wakwe Betelemu. 5 Asyuli isi wakwe Tekoa wakweti aci yaili, Hela na Naala. 6 Naala wamuvyaliile Auzamu, Hefeli, Temeni, na Haasyitali. Yaa yaali ali yana aonsi yakwe Naala. 7 Nupya ana aonsi yakwe Hela yali a Zeleti, Izali, na Etinani. 8 Kozi wali a isi wakwe Anabu, Zobeba, ni ndupwa zyakwe Ahalieli mwana Halumu.

9 Yabezi wacindikwe sana ukucila aina yakwe; nupya nyina wamutemiile izina lyakuti Yabezi,* pano walanzile ati: “Nawaikwe pa kumukwata.” 10 Yabezi wapefile kuli Leza wa Ina Izlaeli ati: “Cingazipa ndi cakuti wampaazile nu kukuzya impanga yane alino nu kungazwilizya nu kuncingilila uku ntazi.” Fwandi Leza wamucitile vino walenzile.

11 Kelabu umwina wakwe Syua wali a isi wakwe Meili uwali a isi wakwe Esyitoni. 12 Esyitoni wali a isi wakwe Beti-lafa, Paseya, na Teina isi wakwe Ili-nahasyi. Aonsi yaa ikalanga umu Leka. 13 Ana aonsi yakwe Kenazi yaali a Otinieli na Selaya, nupya umwana umonsi wakwe Otinieli wali a Hatati. 14 Meonotai wali a isi wakwe Ofula. Selaya wali a isi wakwe Yoabu isi wa yantu aikalanga umu Ge-halasyimu, incende yii yamwanga vivyo pano aikalangamo yamanyikisye ivya kupangapanga.

15 Ana aonsi yakwe Kalebu mwana Yefune yaali a Ilu, Ela, na Naamu; nupya umwana umonsi wakwe Ela wali a Kenazi. 16 Ana aonsi yakwe Yealeleli yaali a Zifu, Zifa, Tiliya, na Asaleli. 17 Ana onsi yakwe Ezila yaali a Yeteli, Meledi, Efeli, na Yaloni; wenga pa yaci* yakwe Meledi wizile akwata inda nu kuvyala Milyamu, Syamai, na Isyiba isi wakwe Esyitemoa. 18 (Nupya muci wakwe Umuyuda wamuvyalile Yeledi isi wakwe Gedoli, Hebeli isi wakwe Soko, Yekutieli isi wakwe Zanowa.) Yaa yaali ali yana aonsi yakwe Bitiya, umwana umwanaci wakwe Falao wino Meledi watwazile.

19 Umuci wakwe Hodiya kaci wakwe Nahamu wakweti ana aonsi, kuli kuti isi wakwe Keila Umwina Galimu na isi wakwe Esyitemoa Umwina Maakati. 20 Nupya ana aonsi yakwe Syimoni yali a Amunoni, Lina, Beni-hanani, na Tiloni. Ana aonsi yakwe Isyi yaali a Zoeti na Beni-zoeti.

21 Ana aonsi yakwe Syila mwana Yuda yaali a Ere isi wakwe Leka, Laada isi wakwe Malesya na amu ndupwa zyakwe Asyibea aombanga umulimo wa kusuma ivyakuzwala, 22 na Yokimu, aonsi ya ku Kozeba, Yoasyi na Salafu aatwazile anaci Aina Moabu na Yasyubu-lehemu. Vii i vyalembwa vya mpiti. 23 Yaali aanakamata aikalanga uku Netaimu nu ku Gedela. Ikalanga kuuku kwene nupya yaombelanga umwene.

24 Ana aonsi yakwe Simyoni yaali a Nemueli, Yamini, Yalibu, Zela, na Syauli. 25 Syauli wali a isi wakwe Syalumu, Syalumu wali a isi wakwe Mibisamu, Mibisamu nawe wali a isi wakwe Misyima. 26 Nupya Misyima wali a isi wakwe Hamueli, Hamueli wali a isi wakwe Zakuli, Zakuli nawe wali a isi wakwe Syimei. 27 Syimei wakweti ana aonsi 16 na akazyana 6; lelo aina yakwe yataakweti ana aingi, kusi ulupwa umu ndupwa zyao aakweti ana aingi sana ukucila amu mutundu wakwe Yuda. 28 Nupya ikalanga umu Belisyeba, mu Molada, mu Hazali-syuali, 29 mu Biuha, mu Ezemu, mu Toladi, 30 mu Betueli, mu Holima, mu Zikilagi, 31 mu Beti-malikaboti, mu Hazali-susimu, mu Beti-bili, nu mu Syaalaimu. Yii yonsi yaali i misumba yao kufika lino Devedi watandike ukuteeka.

32 Misumba yao yaali a Etamu, Aini, Limoni, Tokeni, na Asyani, kuli kuti misumba 5, 33 kumwi ni mizi iyazingulwike imisumba iiyo kufika nu ku Baali. Yaa ali mazina aaya umu vyalembwa vya lupwa lwao na kuno ikalanga. 34 Yauze afumile muli Simyoni aeya: Mesyobabu, Yamuleki, Yosya mwana Amaziya, 35 Yoweli, Yeu mwana Yosyibiya mwana Selaya, mwana Asieli, 36 na Elioenai, Yaakoba, Yesyoaya, Asaiya, Adiyeli, Yesimieli, Benaya, 37 alino na Ziza mwana Syifi mwana Alooni mwana Yedaya mwana Syimuli mwana Syemaya; 38 yaa alumbulwa mazina yaali intunguluzi mu ndupwa zyao, nupya indupwa zya vikolwe vyao zyavulileko. 39 Nupya yaile ukunzi ya musumba wa Gedoli lwa ku ufumondaka wa mukonko ku kulonda umulemvwe wa kulya iviteekwa vyao. 40 Yazanyile incende umwali umulemvwe uwingi nupya incende iiyo yali ikalamba, mutaali icongo nupya mwali umutende. Mpiti Aina Hamu aikalangamo. 41 Aonsi atiyalumbulwa yaile uku matenti ya Ina Hamu na Ina Meuni nu kuya yazanza mu manda yano Hezekiya umwene wa ku Yuda wateekanga. Yayalovizye wakwe vino caya ukufika na ndakai; nupya yatandike ukwikalamo pa mulandu wakuti mwali umulemvwe wa kulya iviteekwa vyao.

42 Aonsi yamwi amu mutundu wakwe Simyoni ali 500 yaile uku Mwamba wa Seili pamwi na Pelatiya, Nealiya, Lefaya, na Uzieli, ya mwana Isyi aayatungululanga. 43 Yakomile Aina Amaleki yonsi autwike nupya yatandike ukwikala umu mpanga yao kufika na ndakai.

5 Iyeli lyakwe Izlaeli wali a Lubeni. Lelo pa mulandu wakuti waizi nu muci wakwe isi* yamuposile insambu zyakwe izya uyeli nu kupeela ya mwana Jozefu umwana wakwe Izlaeli, fwandi lino yalumbulanga mazina ya mu lupwa lwao ukulingana na muno yakonkaniile Lubeni ataalumbwilwe ngi iyeli. 2 Nanti cakuti Yuda wacizile aina yakwe nupya muli aliwe umwafumile intunguluzi, insambu zya uyeli zyene zyapeezilwe kuli Jozefu. 3 Ana aonsi yakwe Lubeni iyeli lyakwe Izlaeli yaali a Hanoki, Palu, Heziloni, na Kami. 4 Umwana umonsi wakwe Yoweli wali a Syemaya, Syemaya wali a isi wakwe Gogi, Gogi wali a isi wakwe Syimei, 5 Syimei wali a isi wakwe Mika, Mika wali a isi wakwe Leaya, Leaya wali a isi wakwe Baali, 6 Baali nawe wali a isi wakwe Beela, wino Tigilati-pinesa umwene wa ku Asilya wasenzile umu uzya, wali intunguluzi mu ya mu mutundu wakwe Lubeni. 7 Aina yakwe Beela ukulingana ni ndupwa zyao muno yakonkaniile aeya: Yeiyeli u wali intunguluzi, Zekaliya, 8 na Bela mwana Azazi mwana Syema mwana Yoweli. Amu ng’anda yakwe Bela iikalanga uku Aloeli kufika nu ku Nebo nu ku Baali-meoni. 9 Ku ufumondaka incende yao yafisile nu kwatandikile ulwanga uku Luzi Lwa Yufuleti, pano iviteekwa vyao vyavuzile sana umu mpanga ya Gilyadi. 10 Mu manda yakwe Saulo yaile umu kulwisya Aina Hagili nupya yayacimvizye, lyene yatandike ukwikala umu matenti yao umu ncende yonsi iyaali uku ufumondaka wa Gilyadi.

11 Amu mutundu wakwe Gadi iikalanga umupiipi na amu mutundu wakwe Lubeni mu mpanga ya Basyani ukufika nu ku Saleka. 12 Mu Basyani, Yoweli u wali ali mukalamba, nupya palondelile Syafamu, Yanai, na Syafati. 13 Nupya aina yao aafumile umu mitundu yao yaali a Mikaeli, Mesyulamu, Syeba, Yolai, Yakani, Ziya, na Ebali, yonsi pamwi yaali 7. 14 Yaa yaali ali yana aonsi yakwe Abihaili mwana Huli mwana Yalowa mwana Gilyadi mwana Mikaeli mwana Yesisyai mwana Yaado mwana Buzi. 15 Ahi mwana Abidieli mwana Guni u wali intunguluzi ya mu mutundu wao. 16 Iikalanga umu Gilyadi, mu Basyani, nu mu mizi iyalimo, alino nu mu ncende ya mulemvwe yonsi iya Syaloni. 17 Yonsi kwene yalemvilwe ukulingana na muno yakonkaniile umu manda yakwe Yotamu umwene wa ku Yuda nu mu manda yakwe Yeloboamu* umwene wa ku Izlaeli.

18 Mu mutundu wakwe Lubeni, mutundu wakwe Gadi, na afu wa mutundu wakwe Manase mwali asilika ya maka 44,760 aasendanga ivisyangu na ya panga alino na maulapwa nupya yasambilile ivya kulwa inkondo. 19 Yaile umu kulwisya antu aikalanga uku Hagili, ku Yetuli, ku Nafisyi, nu ku Nodabu. 20 Lino yalwanga Leza wayavwile nupya walenzile yacimvye Aina Hagili na yonsi yano yaali nayo, wacisile vivyo pa mulandu wakuti yalenzile uwazwilizyo kuli aliwe lino yaali umu ulwi nupya yamutaile. 21 Yaposile iviteekwa vyao, kuli kuti ingamila 50,000, imfwele 250,000 na ya punda 2,000 nupya yasenzile na antu 100,000. 22 Antu aingi yakomilwe pa mulandu wakuti ulwi wali uwakwe Leza wa cumi. Nupya yatandike ukwikala umu mpanga yao ukufikila lino yasenzilwe umu uzya.

23 Aafumile muli afu wa mutundu wakwe Manase iikalanga umu mpanga iyafumilile uku Basyani ukuya uku Baali-helimoni nu ku Senili nu ku Mwamba wa Helimoni.Yaali aingi sana. 24 Intunguluzi zya mu mitundu yao aezi: Efeli, Isyi, Eliyeli, Aziliyeli, Yelemiya, Hodaviya, na Yaadieli; yaali asilika ya maka, aonsi amanyikwe sana nupya intunguluzi zya mitundu yao. 25 Yataali acumi kuli Leza wa vikolwe vyao nupya yaombelanga ya leza ya yantu ya mu mpanga zino Leza ononyile. 26 Fwandi Leza wa Ina Izlaeli walesile ukuti Pulu, kuli kuti Tigilati-pinesa umwene wa ku Asilya akasende amu mutundu wakwe Lubeni, amu mutundu wakwe Gadi, na afu wa mutundu wakwe Manase umu uzya nupya wayatwazile uku Hala, ku Haboli, ku Hara, nu ku luzi lwa Gozani kuno yaya ukufika na ndakai.

6 Ya mwana Levi aonsi yaali a Gesyoni, Koati, na Melali. 2 Ya mwana Koati aonsi yaali a Amulamu, Izali, Hebuloni, na Uzieli. 3 Ana yakwe Amulamu yaali a Aloni, Mose, na Milyamu. Nupya ana yakwe Aloni aonsi yaali a Nadabu, Abihu, Elieza, na Itamali. 4 Elieza wali a isi wakwe Finiasi, Finiasi wali a isi wakwe Abisyua. 5 Abisyua wali a isi wakwe Buki, Buki wali a isi wakwe Uzi. 6 Uzi wali a isi wakwe Zelaya, Zelaya wali a isi wakwe Melaiyoti. 7 Melaiyoti wali a isi wakwe Amaliya, Amaliya wali a isi wakwe Aitubi. 8 Aitubi wali a isi wakwe Zadoki, Zadoki wali a isi wakwe Aimaazi. 9 Aimaazi wali a isi wakwe Azaliya, Azaliya wali a isi wakwe Yoanani. 10 Yoanani wali a isi wakwe Azaliya. Azaliya wali a simapepo umu ng’anda ino Solomoni wakuuzile umu Yelusalemu.

11 Azaliya wali a isi wakwe Amaliya, Amaliya wali a isi wakwe Aitubi. 12 Aitubi wali a isi wakwe Zadoki, Zadoki wali a isi wakwe Syalumu. 13 Syalumu wali a isi wakwe Hilikiya, Hilikiya wali a isi wakwe Azaliya. 14 Azaliya wali a isi wakwe Selaya, Selaya wali a isi wakwe Yeozadaki. 15 Nupya Yeozadaki wasenzilwe umu uzya lino Yeova walesile ukuti Nebukadineza asende Ayuda na antu aikalanga umu Yelusalemu mu uzya.

16 Ya mwana Levi aonsi yaali a Gesyomu,* Koati, na Melali. 17 Yaa ali mazina ya ana aonsi yakwe Gesyomu: Libini na Syimei. 18 Ya mwana Koati aonsi yaali a Amulamu, Izali, Hebuloni, na Uzieli. 19 Ya mwana Melali aonsi yaali a Maali na Musyi.

Zii ali ndupwa zya Ina Levi ukulingana ni vikolwe vyao: 20 Gesyomu wali a isi wakwe Libini, Libini wali a isi wakwe Yaati, Yaati wali a isi wakwe Zima, 21 Zima wali a isi wakwe Yowa, Yowa wali a isi wakwe Ido, Ido wali a isi wakwe Zela, Zela wali a isi wakwe Yeatelai. 22 Yeatelai wali a isi wakwe Koati, Koati wali a isi wakwe Aminadabu, Aminadabu wali a isi wakwe Kola, Kola wali a isi wakwe Asili, 23 Asili wali a isi wakwe Elikana, Elikana wali a isi wakwe Ebiyasafu, Ebiyasafu wali a isi wakwe Asili, 24 Asili wali a isi wakwe Tahati, Tahati wali a isi wakwe Uliyeli, Uliyeli wali a isi wakwe Uziya, Uziya wali a isi wakwe Syauli. 25 Ya mwana Elikana aonsi yaali a Amasai na Aimoti. 26 Umwana umonsi wakwe Elikana wali a Zofai, Zofai wali a isi wakwe Nahati, 27 Nahati wali a isi wakwe Eliabu, Eliabu wali a isi wakwe Yeloamu, Yeloamu wali a isi wakwe Elikana. 28 Ya mwana Samweli aonsi yaali a Yoweli iyeli na Abiya wakwe ciili. 29 Mwana Melali umonsi wali a Maali, Maali wali a isi wakwe Libini, Libini wali a isi wakwe Syimei, Syimei wali a isi wakwe Uza, 30 Uza wali a isi wakwe Syimea, Syimea wali a isi wakwe Hagiya, Hagiya wali a isi wakwe Asaiya.

31 Devedi wasonsile aakutungulula ya kimba ya pa ng’anda yakwe Yeova pa cisila cakuti waleta Imbokosi ya Upangano. 32 Aliyo imbanga api tenti lya kupepelapo kufika lino Solomoni wakuuzile ing’anda yakwe Yeova umu Yelusalemu, nupya yaombanga umulimo wao ukulingana na vino yayanenyile. 33 Yaa ali yonsi aimbanga pamwi na ana yao: Mu Ina Koati, Hemani kimba mwana Yoweli mwana Samweli 34 mwana Elikana mwana Yeloamu mwana Eliyeli mwana Toya 35 mwana Zufi mwana Elikana mwana Mahati mwana Amasai 36 mwana Elikana mwana Yoweli mwana Azaliya mwana Zefaniya 37 mwana Tahati mwana Asili mwana Ebiyasafu mwana Kola 38 mwana Izali mwana Koati mwana Levi mwana Izlaeli.

39 Asafu wimililanga ukwi kasa li lunji lyakwe Hemani umwina wakwe; nupya Asafu wali umwana wakwe Belekiya mwana Syimea 40 mwana Mikaeli mwana Baaseya mwana Malikiya 41 mwana Etini mwana Zela mwana Adaya 42 mwana Etani mwana Zima mwana Syimei 43 mwana Yaati mwana Gesyomu mwana Levi.

44 Aina yao aafumile muli Melali iimililanga ukwi kasa lyakwe cimani lyakwe Hemani; paali Etani mwana Kisyi mwana Abidi mwana Maluki 45 mwana Hasyabiya mwana Amaziya mwana Hilikiya 46 mwana Amuzi mwana Bani mwana Syema 47 mwana Maali mwana Musyi mwana Melali mwana Levi.

48 Aina Levi aina yao yasonsilwe ukulaangalila imilimo ya pa cikuulwa ca kupepelapo, kuli kuti pa ng’anda yakwe Leza wa cumi. 49 Aloni na ana yakwe yapeelelanga malambo ya koca pa ulambo wa kupeelelapo malambo ya koca na pa ulambo wa kocelapo ivinunkile, kuomba imilimo ya muzilo sana nu kufuutilako Aina Izlaeli imembu ukulingana na vyonsi vino Mose umuomvi wakwe Leza wa cumi wayanenyile. 50 Aafumile muli Aloni yaali a Elieza, Finiasi mwana Elieza, Abisyua mwana Finiasi, 51 Buki mwana Abisyua, Uzi mwana Buki, Zelaya mwana Uzi, 52 Melaiyoti mwana Zelaya, Amaliya mwana Melaiyoti, Aitubi mwana Amaliya, 53 Zadoki mwana Aitubi na Aimaazi mwana Zadoki.

54 Cipendwilo ca kutandikilapo caponiile pali ya mwana Aloni amu lupwa lwa Ina Koati, nupya incende ino yayapeezile ukulingana na muno yapangile inkambi aeyi: 55 yayapeezile umusumba wa Hebuloni mu mpanga ya Yuda kumwi ni ncende ya kucemelamo iviteekwa iyazingulwikeko. 56 Lelo impanga ya mu musumba ni mizi iyalimo yapeezilwe kuli Kalebu mwana Yefune. 57 Aafumile muli Aloni yayapeezile imisumba* ya kuutukilako, kuli kuti Hebuloni, kumwi na Libina ni ncende izya kucemelamo iviteekwa izyalimo, Yatili, Esyitemoa ni ncende zya kucemelamo iviteekwa izyalimo, 58 Hileni ni ncende izya kucemelamo iviteekwa izyalimo, Debili ni ncende izya kucemelamo iviteekwa izyalimo, 59 Asyani ni ncende izya kucemelamo iviteekwa izyalimo na Beti-syemesyi ni ncende izya kucemelamo iviteekwa izyalimo; 60 nupya umu mutundu wakwe Benjamini yayapeezilemo Geba ni ncende izya kucemelamo iviteekwa izyalimo, Alemeti ni ncende izya kucemelamo iviteekwa izyalimo, na Anatoti ni ncende izya kucemelamo iviteekwa izyalimo. Misumba yonsi ino yapeezile indupwa zyao yaali 13.

61 Nupya Aina Koati asyala, yapeezilwe imisumba 10 ukufuma umu mutundu uze nu kufuma muli afu wa mutundu wakwe Manase.

62 Aina Gesyomu yayapeezile imisumba 13 kufuma umu mutundu wakwe Isakali, mu mutundu wakwe Asyeli, mu mutundu wakwe Nafutali, nu mu mutundu wakwe Manase mu Basyani.

63 Aina Melali ukulingana ni ndupwa zyao yapeezilwe imisumba 12 kufuma umu mutundu wakwe Lubeni, umu mutundu wakwe Gadi, nu mu mutundu wakwe Zebuluni.

64 Yii ali misumba ino Aina Izlaeli yapeezile Aina Levi kumwi ni ncende izya kucemelamo iviteekwa izyalimo. 65 Nupya yapendozile nu kuyapeela imisumba yii kufuma umu mutundu wakwe Yuda, mutundu wakwe Simyoni nu mu mutundu wakwe Benjamini, kuli kuti imisumba iikaamilwa uku mazina yao.

66 Indupwa zimwi ukufuma umu Ina Koati zyapeezilwe misumba kufuma umu mutundu wakwe Efulemu. 67 Yapeezilwe imisumba* ya kuutukilamo, kuli kuti musumba wa Syekemu ni ncende zya kucemelamo iviteekwa izyali umu ncende ya myamba yakwe Efulemu, yapeezilwe ni misumba yii: Gezeli ni ncende zya kucemelamo iviteekwa izyalimo, 68 Yokomeamu ni ncende zya kucemelamo iviteekwa izyalimo, Beti-holoni ni ncende zya kucemelamo iviteekwa izyalimo, 69 Aijaloni ni ncende zya kucemelamo iviteekwa izyalimo, na Gati-limoni ni ncende izya kucemelamo iviteekwa izyalimo; 70 nupya indupwa zya mu mutundu wa Ina Koati izyasyala zyapeezilwe umusumba uwa Aneli ni ncende zya kucemelamo iviteekwa izyalimo, nu musumba wa Bileamu ni ncende zya kucemelamo iviteekwa izyalimo, kufuma muli afu wa mutundu wakwe Manase.

71 Aina Gesyomu yapeezilwe Golani mu Basyani ni ncende zya kucemelamo iviteekwa izyalimo na Asyiteloti ni ncende zya kucemelamo iviteekwa izyalimo; kufuma muli afu wa mutundu wakwe Manase, 72 nupya ukufuma umu mutundu wakwe Isakali yapeezilwe umusumba uwa Kedesyi ni ncende zya kucemelamo iviteekwa izyalimo, musumba wa Dabelati ni ncende zya kucemelamo iviteekwa izyalimo, 73 Lamoti ni ncende zya kucemelamo iviteekwa izyalimo na Anemu ni ncende zya kucemelamo iviteekwa izyalimo; 74 nupya ukufuma umu mutundu wakwe Asyeli yapeezilwe Masyali ni ncende zya kucemelamo iviteekwa izyalimo, Abadoni ni ncende zya kucemelamo iviteekwa izyalimo, 75 Hukoki ni ncende zya kucemelamo iviteekwa izyalimo, na Leobu ni ncende zya kucemelamo iviteekwa izyalimo; 76 kufuma umu mutundu wakwe Nafutali yapeezilwe Kedesyi umu Galili ni ncende zya kucemelamo iviteekwa izyalimo, Hamoni ni ncende zya kucemelamo iviteekwa izyalimo, na Kilyataimu ni ncende zya kucemelamo iviteekwa izyalimo.

77 Aina Melali asyala yapeezilwe ukufuma umu mutundu wakwe Zebuluni musumba wa Limono ni ncende zya kucemelamo iviteekwa izyalimo, musumba wa Taboli ni ncende zya kucemelamo iviteekwa izyalimo; 78 nupya ukufuma umu mutundu wakwe Lubeni ku Yodani mupiipi na Yeliko, yapeezilwe umusumba wa Bezeli mu lwanga ni ncende zya kucemelamo iviteekwa izyalimo, umusumba wa Yahazi ni ncende zya kucemelamo iviteekwa izyalimo, 79 Kedemoti ni ncende zya kucemelamo iviteekwa izyalimo, na Mefaati ni ncende zya kucemelamo iviteekwa izyalimo; 80 nupya ukufuma mu mutundu wakwe Gadi yapeezilwe umusumba wa Lamoti mu Gilyadi ni ncende zya kucemelamo iviteekwa izyalimo, musumba wa Mahanaimu ni ncende zya kucemelamo iviteekwa izyalimo, 81 musumba wa Hesyiboni ni ncende zya kucemelamo iviteekwa izyalimo nu musumba wa Yazeli ni ncende zya kucemelamo iviteekwa izyalimo.

7 Ana aonsi yakwe Isakali yaali a Tola, Puwa, Yasyubu, na Syimuloni, yonsi pamwi yaali 4. 2 Nupya ana aonsi yakwe Tola yaali a Uzi, Lefaya, Yeliyeli, Yamai, Ibisamu, na Syemueli, nupya yaali akalamba umu mitundu yao. Aafumile muli Tola yaali aasilika ya maka, nupya umu manda yakwe Devedi yaali 22,600. 3 Nupya umwana wakwe Uzi wali a Izila, ana aonsi yakwe Izila yaali a Mikaeli, Obadiya, Yoweli, na Isiya, yonsi kwene 5 yaali intunguluzi. 4 Intunguluzi pamwi na amu lupwa lwao yakweti aci aingi na ana aingi, nupya yaakweti asilika 36,000 aipekinye ukulwa. 5 Aina yao amu ndupwa zyonsi zyakwe Isakali yaali asilika ya maka, aali 87,000 ukulingana na vino yalemvilwe.

6 Ana aonsi yakwe Benjamini yaali a Bela, Bekeli, na Yediaeli, yonsi pamwi yaali yatatu. 7 Ana aonsi yakwe Bela yaali a Eziboni, Uzi, Uzieli, Yelimoti, na Ili, yonsi 5 yaali akalamba umu mitundu yao, asilika ya maka, nupya aali 22,034 aalemvile umu vyalembwa vyao. 8 Nupya ana aonsi yonsi yakwe Bekeli yaali a Zemila, Yoasyi, Elieza, Elioenai, Omuli, Yelemoti, Abiya, Anatoti, na Alemeti. 9 Aalemvilwe ukufuma umu ndupwa zyao ukulingana na akalamba ya mitundu yao yaali asilika ya maka 20,200. 10 Nupya umwana umonsi wakwe Yediaeli wali a Bilani, ana aonsi yakwe Bilani yaali a Yeusyi, Benjamini, Eudi, Kenaana, Zetani, Tasyisyi, na Aisyaha. 11 Yonsi kwene yaa yaali ana yakwe Yediaeli ukulingana na akalamba ya vikolwe vyao, yakweti asilika ya maka 17,200 aali aipekanye ukulwa.

12 Nupya Aina Syupimu na Ina Hupimu* yaali ana yakwe Ile; Aina Husyimu yaali ana yakwe Aheli.

13 Ana aonsi yakwe Nafutali yaali a Yazieli, Guni, Yezeli, na Syalumu, yonsi kwene yafumile muli Biuha.

14 Ana aonsi yakwe Manase aeya: Asilieli, wino waviile umu muci na muze uwa pa mbali Umwina Silya. (Waviile Makili isi wakwe Gilyadi. 15 Makili walondiile Hupimu na Syupimu aci, nupya Maaka wali akaci wakwe.) Umwana wakwe ciili wali a Zelofeadi, lelo Zelofeadi wene wakweti sile ana akazyana. 16 Maaka umuci wakwe Makili wamuvyaliile umwana umonsi nu kumutemela izina lyakuti Pelesyi; izina lya mwina wakwe wali a Syelesyi; nupya ana yakwe aonsi yaali a Ulamu na Lekemu. 17 Umwana umonsi wakwe Ulamu wali a Bedani. Yakwene aali yana aonsi yakwe Gilyadi mwana Makili mwana Manase. 18 Hamoleketi wali akaci wakwe Gilyadi. Waviile Isyodi, Abi-eza, na Maala. 19 Nupya ana aonsi yakwe Syemida yaali a Ahiyani, Syekemu, Liki, na Aniyamu.

20 Umwana umonsi wakwe Efulemu wali a Syutela, Syutela wali a isi wakwe Beledi, Beledi wali a isi wakwe Tahati, Tahati wali a isi wakwe Eleada, Eleada wali a isi wakwe Tahati, 21 Tahati wali a isi wakwe Zabadi, Zabadi wali a isi wakwe Syutela. Efulemu waviile na Ezeli na Eleadi. Lelo aonsi ya ku Gati yayakomile pano yaile umu kwiya iviteekwa vyao. 22 Efulemu isi wayaloosizye pa manda aingi, nupya aina yakwe izanga umu kumuteekezya. 23 Lino papisile insita, Efulemu wapanzile icupo nu muci, nawe wizile akwata inda nu kuvyala umwana umonsi. Lelo wamutemile ukuti Beliya* pano wamukweti ala umu ng’anda yakwe muli ucuzi. 24 Nupya umwanakwe umukazyana wali a Syeela uwakuuzile umusumba wa Beti-holoni uwa kupela nu wa kwisika nu musumba wa Uzeni-syeela. 25 Nupya wakweti na Lefa, na Lesyefu, Lesyefu wali a isi wakwe Tela, Tela wali a isi wakwe Tahani, 26 Tahani wali a isi wakwe Ladani, Ladani wali a isi wakwe Amiudi, Amiudi wali a isi wakwe Elisyama, 27 Elisyama wali a isi wakwe Nuni, Nuni nawe wali a isi wakwe Yoswa.*

28 Impanga yao ni misumba muno ikalanga yaali a Betele ni mizi iyalimo, ku ufumondaka umusumba wa Naalani, ku uwondaka umusumba wa Gezeli ni mizi iyalimo, na Syekemu ni mizi iyalimo ukufika nu ku Aya* ni mizi iyalimo; 29 ku lusansa luze ulwa mupaka, amu mutundu wakwe Manase yakweti umusumba wa Beti-syeani ni mizi iyalimo, musumba wa Taanaki ni mizi iyalimo, musumba wa Megido ni mizi iyalimo, nu musumba wa Doli ni mizi iyalimo. Yii ali misumba muno amu lupwa lwakwe Jozefu mwana Izlaeli ikalanga.

30 Ana aonsi yakwe Asyeli yaali a Imuna, Isyiva, Isyivi, na Beliya, nupya kaci wao wali a Sela. 31 Ya mwana Beliya aonsi a Hebeli na Malikieli uwali a isi wakwe Bilizaiti. 32 Hebeli wali a isi wakwe Yafuleti, Syoma, na Hotamu, nupya Syuwa wali akaci wao. 33 Ana aonsi yakwe Yafuleti yaali a Pasaki, Bimali, na Asyivati. Yaa yaali ali yana yakwe Yafuleti. 34 Ana aonsi yakwe Syema* yaali a Ahi, Loga, Yeuba, na Alamu. 35 Ana aonsi yakwe Helemu* umwina wakwe yaali a Zofa, Imuna, Syelesyi, na Amali. 36 Ana aonsi yakwe Zofa yaali a Suwa, Halenefa, Syuali, Beli, Imula, 37 Bezeli, Hodi, Syama, Syilisya, Itilani, na Beela. 38 Ana aonsi yakwe Yeteli yaali a Yefune, Pisipa, na Ala. 39 Ana aonsi yakwe Ula yaali a Ala, Hanieli, na Liziya. 40 Yaa yonsi yaali ana aonsi yakwe Asyeli, akalamba ya mitundu, acindame, asilika ya maka nupya akalamba ya ntunguluzi; nupya yakweti aonsi 26,000 aalinzile ukuya uku nkondo.

8 Benjamini wali a isi wakwe Bela iyeli lyakwe, wakwe ciili wali a Asyibeli, wakwe citatu wali a Ahala, 2 uwalenga 4 wali a Noa, nu walenga 5 wali a Lafa. 3 Ana aonsi yakwe Bela yaali a Adali, Gela, Abiudi, 4 Abisyua, Naamani, Ahowa, 5 Gela, Syefufamu, na Hulamu. 6 Yaa aali ya mwana Eudi aonsi aali akalamba ya mitundu iikalanga umu Geba asenzilwe umu uzya uku Manaati. 7 Naamani, Ahiya, na Gela aayasenzile umu uzya. Gela u watungulwile antu yaa umu uzya nupya wali a isi wakwe Uza na Ahiudi. 8 Syahalaimu wali a isi wa yana aikalanga umu ncende ya Moabu pa cisila ca kuzinga Aina Moabu.* Husyimu na Baala yaali aci yakwe. 9 Nupya muli Hodesyi umuci wakwe wizile avyalamo Yobabu, Zibiya, Mesya, Malikamu, 10 Yeuzi, Sakiya, na Milima. Yaa yaali ali yana yakwe, akalamba ya mitundu.

11 Muli Husyimu waviilemo Abitubu na Elipaali. 12 Nupya ana aonsi yakwe Elipaali yaali a Ebali, Misyamu, Syemedi (uwakuuzile umusumba wa Ono nu musumba wa Lodi ni mizi iyalimo), 13 Beliya, na Syema. Yaa yaali ali yakalamba ya mitundu iikalanga umu Aijaloni. Yazinzile antu aikalanga umu Gati. 14 Nupya ana aonsi yakwe Beliya yaali a Ahiyo, Syasyaki, Yelemoti, 15 Zebadiya, Aladi, Edeli, 16 Mikaeli, Isyipa, na Yoa; 17 ana aonsi yakwe Elipaali yaali a Zebadiya, Mesyulamu, Hiziki, Hebeli, 18 Isyimelai, Iziliya, na Yobabu; 19 ana yakwe Syimei aonsi yaali a Yakimu, Zikilai, Zabidi, 20 Elienai, Ziletai, Eliyeli, 21 Adaya, Belaya, na Syimulati; 22 ana aonsi yakwe Syasyaki yaali a Isyipani, Ebali, Eliyeli, 23 Abadoni, Zikilai, Hanani, 24 Hananiya, Elamu, Antotiya, 25 Ifideya, na Penueli; 26 ana aonsi yakwe Yeolamu yaali a Syamusyelai, Syehaliya, Ataliya, 27 Yaalesiya, Eliya, na Zikilai. 28 Yaa yaali ali yakalamba ya mitundu ukulingana ni ndupwa zyao. Akalamba yaa ikalanga umu Yelusalemu.

29 Yeiyeli wikalanga umu Gibyoni, aliwe watandikilepo ukwikala umu musumba uuwa. Maaka wali ali muci wakwe. 30 Iyeli lyakwe wali a Abadoni, ipakonka Zuli, Kisyi, Baali, Nadabu, 31 Gedoli, Ahiyo, na Zekeli. 32 Mikiloti wali a isi wakwe Syimea. Nupya yonsi ikalanga na ina yao umu Yelusalemu umupiipi na aina yauze.

33 Neli wali a isi wakwe Kisyi, Kisyi wali a isi wakwe Saulo, Saulo wali a isi wakwe Yonatani, Malikisyua, Abinadabu, na Esyibaali.* 34 Nupya mwana Yonatani umonsi wali a Melibu-baali.* Melibu-baali nawe wali a isi wakwe Mika. 35 Ana aonsi yakwe Mika yaali a Pitoni, Meleki, Talea, na Ahazi. 36 Ahazi wali a isi wakwe Yehoada; Yehoada wali a isi wakwe Alemeti, Azimaveti, na Zimuli. Zimuli nawe wali a isi wakwe Moza. 37 Moza wali a isi wakwe Bineya, Bineya nawe wali a isi wakwe Lafa, Lafa nawe wali a isi wakwe Eleasa, Eleasa nawe wali a isi wakwe Azeli. 38 Azeli wakweti ana aonsi 6, nupya mazina yao yaali a Azilikamu, Bokelu, Isumaeli, Syealiya, Obadiya, na Hanani. Yaa yonsi yaali ana aonsi yakwe Azeli. 39 Ana aonsi yakwe Esyeki umwinakwe yaali a Ulamu iyeli, wakwe ciili wali a Yeusyi, na wakwe citatu wali a Elifeleti. 40 Ana yakwe Ulamu aonsi yaali aasilika ya maka amanyile ivya kuomvya maulapwa, nupya yaakweti ana na aizikulu aingi afisile 150. Yonsi yaa yaali amu mutundu wakwe Benjamini.

9 Aina Izlaeli yonsi yalemvilwe umwi buku ilikalanda pali ya mwene ya mu Izlaeli ukulingana na muno yakonkaniile. Ayuda yasenzilwe umu uzya uku Babiloni pa mulandu na ucipondoka wao. 2 Aina Izlaeli yamwi, ya simapepo, Aina Levi, na aomvi ya pi tempele* aatandikile ukuswilila uku misumba yao. 3 Nupya amu mutundu wakwe Yuda yamwi, amu mutundu wakwe Benjamini, amu mutundu wakwe Efulemu, na amu mutundu wakwe Manase aikazile umu Yelusalemu aeya: 4 Utai mwana Amiudi, Amiudi mwana Omuli, Omuli mwana Imuli, na Imuli mwana Bani; yaa yonsi yafumile muli Pelezi mwana Yuda. 5 Nupya muli Syela mwafumile Asaiya na anakwe. 6 Mu yana yakwe Zela namo mwafumile Yewele na ina yakwe 690.

7 Nupya umu mutundu wakwe Benjamini mwafumile Salu mwana Mesyulamu mwana Hodaviya mwana Hasenua, 8 Ibeneya mwana Yeloamu, Ela mwana Uzi mwana Mikili, na Mesyulamu mwana Syefatiya mwana Leweli mwana Ibiniya. 9 Nupya aina yao ukulingana na muno yafumile yaali 956. Yonsi kwene yaali akalamba ya mitundu yao.

10 Nupya muli ya simapepo mwali Yedaya, Yeoyalibu, Yakini, 11 Azaliya mwana Hilikiya mwana Mesyulamu mwana Zadoki mwana Melaiyoti mwana Aitubi, uwali intunguluzi ya pa ng’anda yakwe Leza wa cumi, 12 Adaya mwana Yeloamu mwana Pasyuli mwana Malikiya, Maasai mwana Adiyeli mwana Yazela mwana Mesyulamu mwana Mesyilemiti mwana Imeli, 13 na ina yao akalamba ya mitundu, yonsi pamwi yaali aonsi ya maka 1,760, aonsi afikepo ukuomba umulimo wa pa ng’anda yakwe Leza wa cumi.

14 Umu Ina Levi mwali Syemaya mwana Hasyubu mwana Azilikamu mwana Hasyabiya uwa mu lupwa lwakwe Melali; 15 na Bakibaka, Helesi, Galali, Mataniya mwana Mika mwana Zikilai mwana Asafu, 16 Obadiya mwana Syemaya mwana Galali mwana Yedutuni, na Belekiya mwana Asa mwana Elikana uwikalanga umu mizi ya Ina Netofa.

17 Aombelanga pa mpongolo yaali a Syalumu, Akubu, Talimoni, na Ahimani, nupya Syalumu umwinao u wayatungululanga, 18 kufika pa nsita iiya waombelanga pa mpongolo ya mwene iyayeliile uku ufumondaka. Yakwene aaombelanga pa mpongolo umu ncende zino Aina Levi ikalangamo. 19 Syalumu mwana Kole mwana Ebiyasafu mwana Kola na ina yakwe akalamba ya mutundu wakwe, kuli kuti Aina Kola yaombanga imilimo yonsi iya pa mulyango wi tenti, nupya ivikolwe vyao vyaombelanga pa milyango ya cikuulwa ca kupepelapo cakwe Yeova. 20 Ku cisila, Finiasi mwana Elieza u wayatungululanga; nupya Yeova wali nawe. 21 Zekaliya mwana Mesyelemiya u waombelanga pa mulyango wi tenti lya kupepelapo.

22 Yonsi aasoolwilwe ukulaombela pa mpongolo yaali 212. Iikalanga umu mizi yao ukulingana na muno yalembiilwe. Devedi na Samweli kalola wa vilolwa aayasonsile ukulaomba imilimo yao. 23 Yene pamwi na ana yao yaombanga umulimo wa kulinda impongolo pa ng’anda yakwe Yeova, kuli kuti itenti. 24 Alinzi yaali uku mbali zyonsi 4, ku ufumondaka, ku uwondaka, ku katutu nu ku kaeya. 25 Insita izingi, aina yao yafumanga kuno ikalanga nu kuya umu kuombela pamwi nayo pa manda 7. 26 Kwali akalamba ya yalinzi 4 aatailwe. Yaali Aina Levi angalilanga imiputule ya kulilamo ni miputule ya vipao vya mu ng’anda yakwe Leza wa cumi. 27 Yalindanga ing’anda yakwe Leza wa cumi usiku onsi, pano yapeezilwe umulimo wa ulinzi nupya yasunganga makii nu kuyula imilyango cila katondo.

28 Yamwi pali aliyo yasakamalanga iviya vya kuomvya pa kupepa; yavipendanga lyonsi lino yavileta na lyonsi lino yakuvisenda. 29 Yauze nayo yasakamalanga iviya vyuze, iviya vyonsi ivya muzilo, fulaulo umusuma, waini, mafuta, ivinunkile na mafuta yakwe basamu. 30 Ana yamwi yakwe ya simapepo nayo yasakanyanga mafuta anunkile yakwe basamu. 31 Nupya Matitiya uwa mu Ina Levi, uwali iyeli lyakwe Syalumu Umwina Kola, wapeezilwe umulimo wa kusakamala ivyapangilwanga umu mapani. 32 Aina yao yamwi amu Ina Koati yapeezilwe umulimo wa kupanga umukate uwa kuomvya lyonsi api sabata.

33 Yaa yaali ali ya kimba akalamba ya mitundu ya Ina Levi aombelanga umu miputule ya kulilamo, yataombanga imilimo yuze; pano umusanya nu usiku yaombanga imilimo ino yapeezilwe. 34 Yaa yaali ali yakalamba ya mitundu ya Ina Levi ukulingana ni ndupwa zyao. Iikalanga umu Yelusalemu.

35 Yeiyeli wikalanga umu Gibyoni, aliwe watandikilepo ukwikala umu musumba uuwa. Maaka wali ali muci wakwe. 36 Iyeli lyakwe wali a Abadoni alino ipakonka Zuli, Kisyi, Baali, Neli, Nadabu, 37 Gedoli, Ahiyo, Zekaliya, na Mikiloti. 38 Mikiloti wali a isi wakwe Syimeamu. Nupya yonsi ikalanga na ina yao umu Yelusalemu umupiipi na ina yauze. 39 Neli wali a isi wakwe Kisyi, Kisyi wali a isi wakwe Saulo, Saulo wali a isi wakwe Yonatani, Malikisyua, Abinadabu, na Esyibaali. 40 Nupya mwana Yonatani umonsi wali a Melibu-baali. Melibu-baali nawe wali a isi wakwe Mika. 41 Ya mwana Mika aonsi yaali a Pitoni, Meleki, Talea, na Ahazi. 42 Ahazi wali a isi wakwe Yala, Yala wali a isi wakwe Alemeti, Azimaveti, na Zimuli. Zimuli nawe wali a isi wakwe Moza. 43 Moza wali a isi wakwe Bineya, Bineya wali a isi wakwe Lefaya, Lefaya wali a isi wakwe Eleasa, Eleasa nawe wali a isi wakwe Azeli. 44 Azeli wakweti ana aonsi 6, nupya mazina yao yaali a Azilikamu, Bokelu, Isumaeli, Syealiya, Obadiya, na Hanani. Yaa yonsi yaali ana aonsi yakwe Azeli.

10 Aina Filisti yalwanga na Ina Izlaeli. Aina Izlaeli yutwike Aina Filisti nupya aingi yakomilwe pa Mwamba wa Giliboa. 2 Lyene Aina Filisti yapalamile kuli Saulo na ana yakwe aonsi, nupya yakomile Yonatani, Abinadabu, na Malikisyua, ya mwana Saulo aonsi. 3 Ulwi wakomiile Saulo, nupya aali na maulapwa yamuzanyile nu kumucisa. 4 Lyene Saulo wanenyile uwamusendelanga ivyanzo ati: “Tola ulupanga lwako nu kunkoma pakuti aonsi yaa aatazembululwa yatiza yankome ukwaula uluse.” Lelo uwamusendelanga ivyanzo wakanyile ukumukoma pano uvwile sana intete. Fwandi Saulo watozile ulupanga nu kuponelapo. 5 Lino uwamusendelanga ivyanzo waweni ukuti Saulo wafwa, nawe kwene waponiile pa lupanga lwakwe nupya wafwile. 6 Vikwene avino Saulo na ana yakwe aonsi yatatu yafwile, pamwi na amu ng’anda yakwe yonsi aali nawe. 7 Lino Aina Izlaeli aikalanga umu ncende ya mu mukonko yaweni ukuti yonsi iyutuka nu kuti Saulo na anakwe iyafwa, yatandike ukuutuka kufuma umu misumba yao, nupya Aina Filisti iizile nu kutandika ukwikala umu misumba iiyo.

8 Uwanda uwalondelilepo, lino Aina Filisti yaile umu kusenda ivintu vya yantu aakomilwe, yazanyile Saulo na ana yakwe aonsi ala iyafwa pa Mwamba wa Giliboa. 9 Fwandi yatozile vino wali navyo nu kumuputula umutwe iyamuzuula ni vyakuzwala vyakwe ivya mu ulwi, nupya yatumile antu mu mpanga yonsi iya Ina Filisti pakuti yasalanganye ilyasi uku vilubi vyao alino nu ku yantu. 10 Lyene isile ivyakuzwala vivyo mu ng’anda yakwe leza wao nu kupoopela icipanga cakwe Saulo mu ng’anda yakwe Dagoni.

11 Lino yonsi aikalanga umu Yabesyi umu Gilyadi yuvwile vino Aina Filisti yacisile kuli Saulo, 12 asilika yonsi yakatwike nu kusenda icitumbi cakwe ni vitumbi vya yana yakwe. Yaleesile ivitumbi vyao uku Yabesyi nu kuziika mafupa yao umwisika lya cimuti, nupya ikazile ukwaula ukulya pa manda 7.

13 Vikwene avino Saulo wafwile pa mulandu nu kukanaya ni cisinka kuli Yeova, pano atuvwilile mazwi yakwe Yeova nupya waile auzya kuli wino uvwananga ni mipasi 14 mu cifulo ca kuzya kuli Yeova. Fwandi Leza wamukomile nu kupeela uwene kuli Devedi mwana Yese.

11 Umu kuya kwa nsita, Aina Izlaeli yonsi yaile kuli Devedi uku Hebuloni nu kumunena iyati: “Swemo sweswe ina yako. 2 Umu manda ya ku cisila lino Saulo watuteekanga, wewe watungululanga Aina Izlaeli umu ulwi. Nupya Yeova Leza wako wakunenyile ati: ‘Ulacema antu yane Aina Izlaeli nupya wewe ulaya intunguluzi yao.’” 3 Fwandi akalamba yonsi amu Izlaeli yaile uku mwene uku Hebuloni nupya Devedi wapangine nayo upangano umu Hebuloni pa nkoleelo yakwe Yeova. Lyene yamwitulwilile mafuta pa mutwe pakuti aye umwene wa Ina Izlaeli ukulingana na vino Yeova walanzile ukupitila muli Samweli.

4 Pa cisila, Devedi na Ina Izlaeli yonsi yaile uku Yelusalemu kuli kuti uku Yebusi, kuno Aina Yebusi ikalanga. 5 Aikalanga umu Yebusi yatumfyanga Devedi iyati: “Utalatala uwize kuno.” Lelo Devedi waposile umusumba wa Zioni ucingililwe ni linga uno ndakai ukaamwa ukuti Umusumba Wakwe Devedi. 6 Lyene Devedi walanzile ati: “Wensi aalatandikilapo ukuzanza Aina Yebusi, alaya intunguluzi nupya cilolo.” Fwandi Yoabu mwana Zeluya u watandikilepo, nupya wizile aya intunguluzi. 7 Lyene Devedi watandike ukwikala umu musumba ucingililwe acino yawamilanga ukuti Umusumba Wakwe Devedi. 8 Watandike ukukuula ukuzingulusya umusumba ukufuma pa Mulundu* kufika uku ncende izyauzingulwike, nupya Yoabu wakuuzile cipya cipya umwasyazile. 9 Fwandi Devedi wakwatilangako maka, nupya Yeova wa maumba wali nawe.

10 Lyene zii ali ntunguluzi zya yasilika yakwe Devedi aamaka, izyamutungililanga sana umu wene wakwe pamwi na Ina Izlaeli yonsi, pakuti aye umwene ukulingana na vino Yeova walanzile pa Ina Izlaeli. 11 Asilika yakwe Devedi aamaka aeya: Yasyobeamu mwana Hakimoni umukalamba pali yotatu. Wakomile aonsi 300 umu ulwi sile onga kuomvya isumo lyakwe. 12 Uwakonsile pali aliwe a Elieza mwana Dodo Umwina Ahoi. Wali pa yasilika yayo yatatu aamaka. 13 Wali na Devedi uku Pasi-damimu kuno Aina Filisti yakolongine umu ulwi. Kwali icalo cakwe baale nupya antu yapuusile pa mulandu wa Ina Filisti. 14 Lelo wimilile pakasi ka calo nu kucicingilila, nupya watwalilile ukukoma Aina Filisti icakuti Yeova wamwavwile ukucimvya.

15 Yatatu pa ntunguluzi izili 30 yaile uku ciliwe ukwi cele lya Adulamu ukwali Devedi, ala asilika Aina Filisti iyapanga inkambi umu Mukonko wa Ina Lefa. 16 Devedi wali muno wafisime, nupya asilika yamwi Aina Filisti yapangiile inkambi umu Betelemu. 17 Lyene Devedi walanzile ati: “Ninguvwa ningo sana ndi cakuti namwile manzi aaya umu cisima icaya umupiipi ni mpongolo ya musumba wa Betelemu.” 18 Lyene asilika yatatu yaile iingila umu nkambi ya Ina Filisti uku maka, nupya yaile iyatapa manzi umu cisima icayelile umupiipi ni mpongolo ya musumba wa Betelemu nu kutwalila Devedi; lelo wakanyile ukumwa manzi yayo nupya waitiile pansi pa nkoleelo yakwe Yeova. 19 Walanzile ati: “Ntanga incite ica musango uu pa mulandu wakuti nacindika Leza. Uzye imwe uwazi wa yantu yaa atiika maumi yao umu uzanzo? Pano iika maumi yao umu uzanzo pakuti yalete manzi yaa.” Fwandi Devedi wakanyile ukumwa manzi yayo. Vikwene ali vino asilika yakwe yatatu aamaka yacisile.

20 Abisyai umwina wakwe Yoabu wali pa yasilika na yauze yatatu, u watungululanga auze; wakomile antu 300 ni isumo, nawe kwene wamanyikwe kwati avino asilika ya maka yatatu yamanyikwe. 21 Umwi umba lii aliwe walumbwike ukucila auze yaili nupya aliwe wayatungululanga; lelo ataakweti icifulo icalingine na cino asilika yatatu aakutandikilapo yaakweti.

22 Benaya mwana Yeoyada wali u monsi umusipe uwaomvile imilimo ya maka umu Kabizeele. Wakomile ana aonsi yaili yakwe Alyeli uwa ku Moabu, nupya wingiile umu ciwina uwanda uno kwali usu wa mvula nu kukoma cisama. 23 Wakomile nu monsi umwi Umwina Ijipti uwali ipombolo, uwatalimfile mamita ukucilako pali yaili.* Nanti cakuti Umwina Ijipti wakweti isumo ilyali ilikulu wa cimuti cakwe ya kapikula, Benaya waile kuli aliwe ala ali ni ntuwa, waile asompola isumo uku Mwina Ijipti nupya wamukomile ni isumo kwene lilyo. 24 Vikwene ali vino Benaya mwana Yeoyada wacisile, nupya nawe kwene wamanyikwe wakwe vino aonsi yatatu aamaka yamanyikwe. 25 Nanti cakuti walumbwike ukucila asilika yaya 30, ataakweti icifulo icalingine ni ca yasilika yatatu. Lelo Devedi wamusonsile ukuya pali yano yamulindanga.

26 Asilika ya maka pa yasilika yonsi yaali a Asaeli umwina wakwe Yoabu, Elianani mwana Dodo uwa ku Betelemu, 27 Syamoti Umwina Haloli, Helezi Umwina Peloni, 28 Ila mwana Ikesyi Umwina Tekoa, Abi-eza Umwina Anatoti, 29 Sibekai Umwina Husya, Ilai Umwina Ahoi, 30 Maalai Umwina Netofa, Heledi mwana Baana Umwina Netofa, 31 Itai mwana Libai uwa ku Gibeya uwa mutundu wakwe Benjamini, Benaya Umwina Pilatoni, 32 Hulai uwa ku mikonko ya Gaasyi, Abiyeli Umwina Beti-alaba, 33 Azimaveti Umwina Baulimu, Elyaba Umwina Syaaliboni, 34 ana aonsi yakwe Hasyemu Umwina Gizoni, Yonatani mwana Syage Umwina Halali, 35 Ahiyamu mwana Sakali Umwina Halali, Elifala mwana Uli, 36 Hefeli Umwina Mekelati, Ahiya Umwina Peloni, 37 Hezilo Umwina Kalimeli, Naalai mwana Ezibai, 38 Yoweli umwina wakwe Natani, Mibali mwana Hagili, 39 Zeleki Umwina Amoni, Nahalai Umwina Beeloti uwasendelanga Yoabu mwana Zeluya ivyanzo; 40 Ila Umwina Itili, Galebu Umwina Itili, 41 Uliya Umwina Hiti, Zabadi mwana Ahalai, 42 Adina mwana Syiza uwa mu mutundu wakwe Lubeni, umukalamba wa mu mutundu wakwe Lubeni uwali na auze 30; 43 Hanani mwana Maaka, Yosafati Umwina Mitini, 44 Uziya Umwina Asyiteloti, Syama na Yeiyeli ana yakwe Hotamu Umwina Aloeli; 45 Yediaeli mwana Syimuli, na Yoa umwinakwe Umwina Tizi; 46 Eliyeli Umwina Mahavi, Yelibai na Yosyaviya ana aonsi yakwe Elinaamu, na Itima Umwina Moabu; 47 Eliyeli, Obedi, na Yaasieli Umwina Mezobai.

12 Yaa ali yonsi aizile kuli Devedi uku Zikilagi lino wafisamanga Saulo mwana Kisyi, nupya yaali pa yasilika ya maka aamwazwanga umu ulwi. 2 Yaomvyanga maulapwa nupya yaomvyanga makasa yonsi yoili pa kuvwinta mawe nanti ukulasa inceto. Yaali aina yakwe Saulo uwa mu mutundu wakwe Benjamini. 3 Umukalamba wali a Ahieza alino ipakonka Yoasyi, yonsi yoili yaali ana aonsi yakwe Syema Umwina Gibeya; paali na Yezieli na Peleti ya mwana azimaveti, Belaka, Yeu Umwina Anatoti, 4 Isyimaya Umwina Gibyoni umusilika wa maka uwali pa yasilika 30 nupya u wayatungululanga; na Yelemiya, Yaazieli, Yoanani, Yozabadi Umwina Gedela, 5 Eluzai, Yelimoti, Bealiya, Syemaliya, Syefatiya Umwina Halifi, 6 Elikana, Isyiya, Azaleli, Yoezeli, na Yasyobeamu Aina Kola; 7 na Yowela na Zebadiya ya mwana Yeloamu uwa ku Gedoli.

8 Amu mutundu wakwe Gadi yamwi yaali uku lusansa lwakwe Devedi nupya yaile kuno wafisime umu lwanga; yaali asilika ya maka aasambilile ivya kulwa inkondo, yaakweti ivisyangu ivikulu na masumo, ni vinso vyao vyalolekanga kwati ivinso vyakwe ya cisama nupya yasimulisyanga wakwe ya mpombo ya mu myamba. 9 Ezeli wali ali mukalamba, wakwe ciili wali a Obadiya, wakwe citatu wali a Eliabu, 10 uwalenga 4 wali a Misyimana, uwalenga 5 wali a Yelemiya, 11 uwalenga 6 wali a Atai, uwalenga 7 wali a Eliyeli, 12 uwalenga 8 wali a Yoanani, uwalenga 9 wali a Elizabadi, 13 uwalenga 10 wali a Yelemiya, nu walenga 11 wali a Makibanai. 14 Yaa ali ya mu mutundu wakwe Gadi aali akalamba ya yasilika. Aatakweti sana maka wali nu kukwanisya ukulwisya asilika 100, nu wakweti sana maka wali nu kukwanisya ukulwisya asilika 1,000. 15 Yakwene ali yonsi alamvile Uluzi Lwa Yodani ala lwazuula umu mwezi wa kutandikilako nupya yonsi aikalanga umu mikonko yayazingiile uku ufumondaka nu ku uwondaka.

16 Aonsi yamwi amu mutundu wakwe Benjamini na amu mutundu wakwe Yuda nayo kwene yaile kuno Devedi wafisime. 17 Lyene Devedi waile ayakomenkanya nu kuyanena ati: “Ndi cakuti imwiza kuli nene mu mutende umu kungazwa, ale mumaya ivyuza vyane. Lelo ndi cakuti imwiza ukuti mumpeele uku yalwani yane lino pasi vino induvyanya, Leza wa vikolwe vitu alolekesyepo nu kupingula.” 18 Lyene umupasi wakwe Leza wizile pali Amasai uwali intunguluzi pa yonsi 30, nawe walanzile ati:

“Devedi sweswe yantu yako nupya tuli uku lusansa lwako we mwana Yese.

Fwandi Devedi wayapokelile nu kuyasonta ukuya intunguluzi pa yasilika yakwe.

19 Amu mutundu wakwe Manase yamwi nayo kwene yaile kuli Devedi lino wapisile na Ina Filisti mu kulwisya Saulo; lelo atazwilizye Aina Filisti, pano lino intunguluzi zyao zyalondelizye zyamunenyile ukuti aswilile, pano zyalanzile iziti: “Amaya akaye uku lusansa lwakwe Saulo umusambazi wakwe nupya maumi itu yamaya yakaye umu uzanzo.” 20 Lino Devedi waile uku Zikilagi, aamulondiile ukufuma umu mutundu wakwe Manase aeya: Adina, Yozabadi, Yediaeli, Mikaeli, Yozabadi, Eliu, na Ziletai, aatungululanga antu masauzandi amu mutundu wakwe Manase. 21 Yazwilizye Devedi ukulwisya alwani pano yonsi kwene yaali aonsi aamaka nupya asipe, aizile iyaya intunguluzi zya yasilika. 22 Cila wanda antu yayanga kuli Devedi uku kumwazwa asuka akwata asilika aingi wa yasilika yakwe Leza.

23 Yii ali mpendwa ya ntunguluzi zya yasilika aaipekinye ukuya umu ulwi aile kuli Devedi uku Hebuloni pakuti yakapoke uwene wakwe Saulo nu kuupeela kuli aliwe ukulingana na vino Yeova walanzile. 24 Asilika amu mutundu wakwe Yuda aipekinye uku ulwi aasendanga ivisyangu vikalamba na masumo yaali 6,800. 25 Mu mutundu wakwe Simyoni mwali asilika ya maka nupya aonsi asipe 7,100.

26 Mu mutundu wakwe Levi mwali aali 4,600. 27 Yeoyada u watungululanga ya mwana Aloni nupya wali na aonsi 3,700, 28 kumwi na Zadoki umonsi uwacance uwa maka nupya umusipe ni ntunguluzi 22 izya mu mutundu wakwe.

29 Mu ya mu mutundu wakwe Benjamini aina yakwe Saulo mwali aali 3,000, nupya aingi pali yayo uku cisila yalindanga ningo sana ing’anda yakwe Saulo. 30 Mu mutundu wakwe Efulemu mwali aonsi ya maka 20,800 asipe nupya alumbwike umu mitundu yao.

31 Muli afu wa mutundu wakwe Manase mwali aonsi 18,000 asoolwilwe kuti yakike Devedi pa wene. 32 Mu ya mutundu wakwe Isakali amanyanga insita nu kumanya vino Aina Izlaeli yalinzile ukucita mwali aonsi 200 aali intunguluzi nupya yatungululanga aina yao yonsi. 33 Mu mutundu wakwe Zebuluni mwali aonsi 50,000 aangaya umu ulwi, aonsi yaa yaipekinye uku ulwi nupya yakweti ivyanzo vyonsi ivikaomviwa umu ulwi, yonsi kwene yaile umu kwazwilizya Devedi nu mwenzo onga. 34 Mu mutundu wakwe Nafutali mwali intunguluzi 1,000 izyali na aonsi 37,000 akweti ivisyangu vikalamba na masumo. 35 Mu mutundu wakwe Dani mwali aonsi 28,600 aapitanga umu maumba pa kuya umu ulwi. 36 Nupya umu mutundu wakwe Asyeli mwali aonsi 40,000 aali aipekanye ukuya umu ulwi mu maumba.

37 Ku mbalama yuze iya Luzi Lwa Yodani, mu mutundu wakwe Lubeni, mutundu wakwe Gadi na muli afu wa mutundu wakwe Manase, mwali asilika 120,000 aakweti ivyanzo vyonsi ivikaomviwa umu nkondo. 38 Yonsi yaa yaali aonsi ya ulwi aipekinye ukulwa, yaile uku Hebuloni ni myenzo yao yonsi ku kwika Devedi pa wene kuti ateeka Aina Izlaeli yonsi, nupya Aina Izlaeli asyala yalemine pakuti ike Devedi pa wene. 39 Nupya ikazile kuuku kwene na Devedi pa manda yatatu ala yakulya nu kumwa vino aina yao yayapekanyizizye. 40 Nupya na antu ya mupiipi kumwi na akutali, kufika uku mutundu wakwe Isakali, mutundu wakwe Zebuluni, nu mutundu wakwe Nafutali, yaletanga ivyakulya pali ya punda, pa ngamila na pa ng’ombe, kuli kuti ivyakulya ivyapangilwa na fulaulo, ya keke aapangilwa na masamvu na aapangilwa ni myangazi iyume, waini, mafuta, ni ng’ombe ni mfwele izingi sana, pano mu mpanga iya Izlaeli mwali sana insansa.

13 Devedi walanzile na akalamba ya pa yantu masauzandi na apa yantu 100 alino ni ntunguluzi zyonsi. 2 Lyene wanenyile Aina Izlaeli yonsi ati: “Ndi cakuti cili ningo kuli mwemwe nupya Yeova Leza witu akucizumilizya, lekini tutume amazwi uku ina itu asyala umu vitungu vyonsi vya mu Izlaeli na kuli ya simapepo nu ku Ina Levi aakaikala umu misumba yao iya kucemelamo iviteekwa kuti ize kuli sweswe. 3 Nupya lekini tuwezye Imbokosi ya Upangano yakwe Leza witu.” Pano yataisakamalanga umu manda yakwe Saulo. 4 Aina Izlaeli yonsi yazumile ukucita vivyo kwene, pano yonsi cayazipiile. 5 Fwandi Devedi wakolonganike Aina Izlaeli yonsi ukufuma uku luzi* lwa Ijipti ukufika nu ku Lebo-hamati* pakuti yalete Imbokosi ya Upangano yakwe Leza wa cumi ukufuma uku Kilyati-yelimu.

6 Devedi na Ina Izlaeli yonsi yaile uku Baala uku Kilyati-yelimu, umusumba uwayela umu mpanga yakwe Yuda umu kusenda Imbokosi ya Upangano yakwe Yeova Leza wa cumi uwikala papela* pali ya kelubi apaya izina lyakwe. 7 Nomba pa kufumya Imbokosi ya Upangano yakwe Leza wa cumi uku ng’anda yakwe Abinadabu, yaisile pa cikocikala icipya nupya Uza na Ahiyo aatungululanga ing’ombe izyatintanga icikocikala. 8 Devedi na Ina Izlaeli yonsi yazevyanga pa nkoleelo yakwe Leza wa cumi na maka yao yonsi ala yakulizya inyimbo ukuomvya mazeeze, mabanjo, viwaya,* mapenga na vyuze ivya kulizizyako inyimbo. 9 Nomba lino yafisile pa lwano lwakwe Kidoni, Uza watambalike ikasa nu kulema Imbokosi ya Upangano pano ing’ombe zyakasi ziiponye. 10 Fwandi Yeova wasokiile sana Uza nu kumukoma, pa mulandu wakuti watambalike ikasa lyakwe nu kulema Imbokosi ya Upangano, nupya wafwilile pa nkoleelo yakwe Leza. 11 Nomba Devedi wasosile pa mulandu na vino Yeova wasokiile Uza; nupya incende iiya ikaamwa ukuti Pelezi-uza* ukufika na ndakai.

12 Fwandi Devedi watiinyile sana Leza wa cumi pa wanda uuwa nu kulanda ati: “Uzye ningawezya uli Imbokosi yakwe Leza wa cumi kuno nkaikala?” 13 Devedi ataawezizye Imbokosi ya Upangano mu musumba uno wikalangamo uno yamanga ukuti Musumba Wakwe Devedi, lelo walesile ukuti yaitwale uku ng’anda yakwe Obedi-edomu Umwina Gati. 14 Mbokosi ya Upangano yakwe Leza wa cumi yatwalilile ukwikala umu ng’anda yakwe Obedi-edomu pa myezi itatu, nupya Yeova wapaalanga Obedi-edomu na vyonsi vino wakweti.

14 Umwene Hilamu uwa ku Tuli watumile antu kuli Devedi kuti yatwale imbao zya mikedali, na aakuputula amawe* na ya kawaza kuti yakamukuulile ing’anda.* 2 Nupya Devedi wamanyile ukuti Yeova u walenzile ukuti aye umwene wa Ina Izlaeli, pano uwene wakwe walumbwike pa mulandu na Ina Izlaeli antu yakwe Leza.

3 Devedi watwazile anaci aingi umu Yelusalemu nupya wizile akwata ana aingi aonsi na akazyana. 4 Ana yakwe aavyaliilwe umu Yelusalemu aeya: Syamua, Syobabu, Natani, Solomoni, 5 Ibaala, Elisyua, Elipeleti, 6 Noga, Nefegi, Yafiya, 7 Elisyama, Beeliyada, na Elifeleti.

8 Lino Aina Filisti yuvwile ukuti Devedi watasontwa ukuya umwene wa Ina Izlaeli, Aina Filisti yonsi yaile umu kumulonda. Lino Devedi uvwile vivyo waile umu kuyalwisya. 9 Lyene Aina Filisti yaile nu kutandika ukuzanza antu aikalanga umu Mukonko wa Ina Lefa. 10 Devedi uzizye kuli Leza ati: “Uzye inje umu kulwisya Aina Filisti? Uzye umayapeela kuli nene?” Lyene Yeova wamwaswike ati: “Yanga, pano nimayapeela kuli wewe.” 11 Fwandi Devedi waile uku Baali-pelazimu nu kukoma Aina Filisti. Nupya walanzile ati: “Leza wa cumi watangavwa ukucimvya alwani yane wakwe vino manzi yakaponya iciumba.” Aali mulandu uno yatemeliile incende iiya ukuti Baali-pelazimu.* 12 Aina Filisti yasile ya leza yao kuuku kwene, nupya lino Devedi walanzile ukuti yoce ya leza yayo umu moto, yacisile vivyo kwene.

13 Lino papisile insita Aina Filisti yawezile umu kuzanza aikalanga umu mukonko wa Ina Lefa. 14 Nupya Devedi uzizye kuli Leza, lelo Leza wa cumi wamunenyile ati: “Utayalungama. Uye ukwi tundu lyao nu kuyalwisizya pa nkoleelo ya miti ya baka. 15 Nupya ndi cakuti uvwa icongo papela ya miti ya baka kwati antu yakupita, uyazanze pano ala Leza wa cumi watakukoleelela uku kukoma asilika ya Ina Filisti.” 16 Fwandi Devedi wacisile viivi kwene vino Leza wa cumi wamunenyile, nupya Aina Izlaeli yakomile Aina Filisti ukutandikila uku Gibyoni ukufika uku Gezeli. 17 Devedi walumbwike umu mpanga zyonsi, nupya Yeova walesile ukuti inko zyonsi zyamutiina.

15 Nupya watwalilile ukuikuulila mang’anda umu Musumba Wakwe Devedi, wapekinye ni ncende apa kwika Imbokosi ya Upangano yakwe Leza wa cumi aikapo ni tenti. 2 Lyene Devedi walanzile ati: “Kusi alinzile ukulasenda Imbokosi ya Upangano yakwe Leza wa cumi suka sile Aina Levi, pano ayano Yeova wasoolola ukulasenda Imbokosi ya Upangano yakwe Yeova nu kulamuombela lyonsi.” 3 Lyene Devedi wakolonganike Aina Izlaeli yonsi umu Yelusalemu kuti yakasende Imbokosi ya Upangano yakwe Yeova nu kuitwala uku ncende ino wapekinye.

4 Yano Devedi wakolonganike ukufuma umu lupwa lwakwe Aloni nu mu Ina Levi aeya: 5 mu Ina Koati, Uliyeli intunguluzi na ina yakwe 120; 6 mu Ina Melali, Asaiya intunguluzi na ina yakwe 220; 7 mu Ina Gesyomu, Yoweli intunguluzi na ina yakwe 130; 8 mu lupwa lwakwe Elizafani, Syemaya intunguluzi na ina yakwe 200; 9 mu lupwa lwakwe Hebuloni, Eliyeli intunguluzi na ina yakwe 80; 10 nu mu lupwa lwakwe Uzieli, Aminadabu intunguluzi na ina yakwe 112. 11 Nupya Devedi wamile Zadoki na Abiata ya simapepo, aama na Uliyeli, Asaiya, Yoweli, Syemaya, Eliyeli, na Aminadabu aali Aina Levi 12 nu kuyanena ati: “Mwemwe yakalamba ya ndupwa zya Ina Levi. Isangululini pamwi na ina inu nu kuyaleta Imbokosi ya Upangano yakwe Yeova Leza wa Ina Izlaeli pa ncende ino impekanya. 13 Vino mutaasenzile imbokosi ya upangano pa kutandika, Yeova Leza witu watusokiile sana pa mulandu wakuti tutaalondelizye vino tulinzile ukucita pa kuisenda.” 14 Fwandi ya simapepo na Ina Levi yaisangulwile kuti yakalete Imbokosi ya Upangano yakwe Yeova Leza wa Ina Izlaeli.

15 Lyene Aina Levi yasenzile Imbokosi ya Upangano yakwe Leza wa cumi pa viye vyao ukuomvya utumiti twa kunyemwilako wakwe vino Yeova wanenyile Mose. 16 Lyene Devedi wanenyile akalamba ya Ina Levi kuti yanene aina yao ya kiimba yaimba ni nsansa ala yakulizya ivya kulizizyako inyimbo kuli kuti ya banjo, mazeeze ni viwaya.*

17 Fwandi Aina Levi yasoolwile Hemani mwana Yoweli, nupya umu ina yao yasoolwile Asafu mwana Belekiya, nu mu Ina Melali aina yao yasoolwile Etani mwana Kusyaya. 18 Yaali na ina yao amwi umba lyakwe ciili, kuli kuti Zekaliya, Beni, Yaaziyeli, Syemilamoti, Yehiyeli, Uni, Eliabu, Benaya, Maaseya, Matitiya, Elifeleu, na Mikineya, alino na Obedi-edomu na Yeiyeli aali alinzi ya pa mpongolo. 19 Hemani, Asafu, na Etani yaali nu kulalizya iviwaya vyakwe koopa; 20 Zekaliya, Aziyeli, Syemilamoti, Yehiyeli, Uni, Eliabu, Maaseya, na Benaya nayo yalizyanga ya banjo akweti iviunda vya papela; 21 Matitiya, Elifeleu, Mikineya, Obedi-edomu, Yeiyeli, na Azaziya nayo yatungulwile ala yakulizya mazeeze aaciunda ca pansi. 22 Kenaniya umukalamba wa Ina Levi u wangalilanga imisendele ya mbokosi ya upangano pano wamanyile sana umulimo uu, 23 nupya Belekiya na Elikana yalindanga Imbokosi ya Upangano. 24 Syebaniya, Yosafati, Netaneli, Amasai, Zekaliya, Benaya, na Elieza aombanga umulimo wa usimapepo yalizyanga mapenga ni ciunda icikulu pa nkoleelo ya Mbokosi ya Upangano yakwe Leza wa cumi, nupya Obedi-edomu na Yeaya nayo kwene yalindanga Imbokosi ya Upangano.

25 Lyene Devedi na akalamba ya mu Izlaeli ni ntunguluzi zya pa yantu masauzandi yalondiile imbokosi ya upangano yakwe Yeova ni nsansa lino yaifumyanga uku ng’anda yakwe Obedi-edomu. 26 Lino Leza wa cumi wazwilizye Aina Levi asenzile imbokosi ya upangano yakwe Yeova, yapeezile ya cipambasi 7 na ya suuku 7. 27 Devedi, Aina Levi asenzile Imbokosi ya Upangano, ya kiimba, na Kenaniya uwangalilanga imisendele ya mbokosi ya upangano na ya kiimba, yazwite ivyakuzwala vya nsalu isuma ivyaula amakasa; nupya Devedi wazwite na efodi wa nsalu isuma. 28 Aina Izlaeli yonsi yawezyanga imbokosi ya upangano yakwe Yeova ala yakupunda ni nsansa nu kulizya mapenga, viwaya, ya banjo na mazeeze.

29 Lelo lino yafisizye imbokosi ya upangano yakwe Yeova umu Musumba Wakwe Devedi, Mikala mwana Saulo wasungamile api windo nu kulola Umwene Devedi akutolooka nu kuzevya; nupya watandike ukumutumfya umu mwenzo.

16 Fwandi yaleesile Imbokosi ya Upangano yakwe Leza wa cumi nu kuika umwi tenti lino Devedi wapanzile; nupya yapeezile malambo ya koca na malambo ya mutende pa nkoleelo yakwe Leza wa cumi. 2 Lino Devedi wamazile ukupeela malambo ya koca na malambo ya mutende wapaazile antu umwi zina lyakwe Yeova. 3 Lyene wapeezile Aina Izlaeli yonsi aonsi na anaci, cila muntu mukate uulungane, keke uwapangilwa ni vizao vya tuncindu, na keke uwapangilwa ni myangazi iyume. 4 Lyene wasonsile Aina Levi yamwi aakuti yaombela pa nkoleelo ya Mbokosi ya Upangano yakwe Yeova, kucindika, kutaizya, nu kulumbanya Yeova Leza wa Ina Izlaeli. 5 Asafu wali ali mukalamba, wakwe ciili wali a Zekaliya, nupya Yeiyeli, Syemilamoti, Yehiyeli, Matitiya, Eliabu, Benaya, Obedi-edomu, na Yeiyeli yalizyanga ya banjo na mazeeze; Asafu nawe walizyanga iviwaya,* 6 nupya Benaya na Yaazieli ya simapepo yalizyanga mapenga lyonsi pa nkoleelo ya Mbokosi ya Upangano yakwe Leza wa cumi.

7 Ukwene ali wanda uno Devedi wasisile ulwimbo lwa kutaizya kuli Yeova nu kunena Asafu na ina yakwe ukuti iimbe pa muku wa kutandikilako, ulwakuti:

10 Mwauvwa icilumba api zina lyakwe ilya muzilo.

Lekini imyenzo ya yantu aakalonda Yeova isekelele.

11 Londini Yeova na maka yakwe.

Mwamulonda lyonsi.

14 A Yeova Leza witu.

Upinguzi wakwe waya umu nsi yonsi.

23 Insi yonsi kiimbiile Yeova!

Mwamanyisya ukupususya kwakwe cila wanda!

25 Pano Yeova umukulu nupya uwalinga ukulumbanyiziwa.

Awino tulinzile ukutiina sana ukucila ya leza yauze.

Fukamilini Yeova mu vyakuzwala vya muzilo.*

30 Insi yonsi kizakaze!

Insi yapampamikwa itanga itenkanyiziwe.

Lyene antu yonsi yalanzile iyati, “Ameni!”* nupya yalumbanyizye Yeova.

37 Lyene Devedi wasiile Asafu na ina yakwe pa nkoleelo ya Mbokosi ya Upangano yakwe Yeova kuti yaomba ukwaula ukuta, ukulingana ni milimo ino yaali nu kulaomba cila wanda. 38 Obedi-edomu na ina yakwe, yonsi pamwi 68, na Obedi-edomu mwana Yedutuni na Hosa yaali alinzi ya pa mpongolo; 39 Zadoki simapepo na ya simapepo yauze yaombelanga pa nkoleelo ya cikuulwa cakwe Yeova icayelile pa ncende ya muzilo uku Gibyoni 40 ala yakupeela malambo ya koca kuli Yeova lyonsi pa ulambo wa kupeelelapo malambo ya koca, katondo na manguzi, nu kucita vyonsi ivyalemvilwe umu masunde yakwe Yeova yano wapeezile Aina Izlaeli. 41 Yaali na Hemani na Yedutuni pamwi na aonsi asyala asoolwilwe ukulataizya Yeova, pa mulandu wakuti ukutemwa kwakwe ukwa cumi kukaikalilila manda pe. 42 Nupya Hemani na Yedutuni yaali nayo ala yakulizya mapenga, viwaya ni vya kulizizyako inyimbo vyuze ivyaomviwanga uku kulumbanya Leza wa cumi, nupya ya mwana Yedutuni yaombelanga pa mpongolo. 43 Lyene antu yonsi yaaswilile uku mang’anda yao, nupya Devedi waile umu kupaala amu ng’anda yakwe.

17 Lino Devedi wikazile sile umwi sano lyakwe wanenyile Natani kasesema ati: “Nemo nkwikala umu ng’anda ya mikedali lelo Imbokosi ya Upangano yakwe Yeova ikwikala umwi tenti.” 2 Natani wanenyile Devedi ati: “Cita consi cino ukulonda, pano Leza wa cumi ali naawe.”

3 Pa wanda kwene uuwa usiku, Leza wanenyile Natani ati: 4 “Kanene Devedi umuomvi wane uti, ‘Yeova walanda wati: “Asi wewe ulankuulila ing’anda umwakuti naikala. 5 Pano ntatala nikalapo umu ng’anda ili yonsi kufuma pa wanda uno nafumizye Aina Izlaeli mu Ijipti kufika ni lelo, lelo nkaikala umu matenti nupya nkakuukakuuka. 6 Pa nsita yonsi ino napitanga na Ina Izlaeli yonsi, uzye natazile inena ya kapingula ya Ina Izlaeli yano nasoolwile ukuti yasakamala antu yane Aina Izlaeli, inti, ‘U mulandu ci uno mutankuulila ing’anda ya mikedali?’”’

7 “Lyene unene Devedi umuomvi wane uti, ‘Yeova wa maumba walanda wati: “Nakufumizye umu ncende ya mulemvwe muno wacemelanga imfwele, pakuti uye intunguluzi ya yantu yane Aina Izlaeli. 8 Nupya ndaya naawe konsi kuno ulaya, ndacimvya alwani yako yonsi; nupya ndalenga izina lyako ukulumbuka wa yantu aalumbuka umu nsi. 9 Ndasoolola incende iyakuti antu yane Aina Izlaeli yakikalemo nupya yalikalamo ukwaula ivili vyonsi ivya kuyapumvyanya; yatalayacuzya uku yantu aipe wakwe vino cali mpiti, 10 kufuma pa wanda uno natandike ukusonta ya kapingula pa yantu yane Aina Izlaeli. Nupya ndacimvya alwani yako yonsi. Nkukunena nu kuti, ‘Ne Yeova ndakukuulila ing’anda.’*

11 “‘“Lino ulafwa nu kuziikwa ukwaziikwa ivikolwe vyako, ndasoolola umwanako wenga ukufuma umu yana yako ukuya umwene, nupya ndalenga uwene wakwe ukuya ukome. 12 Aliwe alankuulila ing’anda nupya ndalenga uwene wakwe ukuya ukome manda pe. 13 Ndaya isi nawe alaya umwanane. Ntalata ukumulanga ukutemwa kwa cumi wakwe vino natiile ukulanga ukutemwa kwa cumi kuli wino wakukoleelile. 14 Ndamuleka ukuti aikala umu ng’anda yane na pa wene manda pe, nupya uwene wakwe ulayako manda pe.”’”

15 Lyene Natani wanenyile Devedi mazwi yaa yonsi ni cilolwa cii consi.

16 Devedi nawe wikazile pa nkoleelo yakwe Yeova nu kulanda ati: “Uzye nene weni, we Yeova Leza? Uzye amu lupwa lwane aaweni pakuti uncitile vyonsi vii? 17 Nupya we Leza, walanda na pa vilacitikila amu ng’anda ya muomvi wako uku nkoleelo sana, nupya we Yeova Leza ukandola wa muntu umucindame. 18 I vyani vino ne muomvi wako ningalanda kuli wewe pali vino watuncindamika lino wewe wamanya ningo? 19 We Yeova, pa mulandu na vino ukansakamala na pa mulandu nu kulonda kwako icaticilenga ucite vintu vyonsi vii ivikalamba nu kusokolola ukulu wako. 20 We Yeova, kutaya uwaya wakwe wewe, nupya kutaya Leza muze ukucila pali wewe; vyonsi vino tuvwa vikalenga tusininkizye icisinka cii. 21 Nupya u luko ci pano nsi ulwaya wa yantu yako Aina Izlaeli? We Leza wa cumi waile uyakulula pakuti yaye antu yako. Waipangiile izina pa mulandu ni milimo yako ikalamba, nu kuzinga inko ukufuma uku yantu yako yano wakulwile ukufuma umu Ijipti. 22 Walenzile Aina Izlaeli kuti yaye antu yako manda yonsi; nupya we Yeova, wizile uya Leza wao. 23 We Yeova si ulayo uno walavile uku muomvi wako na amu ng’anda yakwe uye uwa cumi manda yonsi, nupya ucite wakwe viivi kwene vino walavile. 24 Si zina lyako litwalilile ukuyako nu kucindikwa manda pe, pakuti antu yangalanda ukuti, ‘Yeova wa maumba Leza wa Ina Izlaeli, a Leza umu Izlaeli,’ nupya si uleke amu ng’anda yakwe Devedi umuomvi wako yatwalilile ukuyako. 25 Pano we Leza wane, watusokolwela ne muomvi wako ukuti ukulonda ukunkuulila ing’anda.* Ali mulandu uno ne muomvi wako nkupepa ipepo lii mu kusipa. 26 Lyene we Yeova, wewe uli Leza wa cumi, nupya watulaya ne muomvi wako ivintu vii visuma. 27 Fwandi si paala amu ng’anda yane ne muomvi wako, nu kutwalilila ukucita vivyo kwene manda pe, pano we Yeova, watuyapaala nupya ulatwalilila ukuyapaala manda pe.”

18 Lino papisile insita, Devedi walwisizye Aina Filisti nu kuyacimvya nupya wayaposile umusumba wa Gati ni mizi yonsi iyalimo. 2 Lyene wacimvizye Aina Moabu, nayo izile iyaya aomvi yakwe nupya yamutwalilanga umusonko.

3 Devedi wacimvizye Umwene Hadadeza uwa ku Zoba umupiipi na Hamati lino wayanga uku Luzi Lwa Yufuleti pakuti akatandike ukuteeka nako kwene. 4 Wamuposile maceleta 1,000, asilika 7,000 aakwelanga pa mfwalasi, alino na aapitanga ulwa pansi aali 20,000. Lyene Devedi walemalike imfwalasi zyonsi ukufumyako sile izili 100. 5 Lino Aina Silya aku Damasika yaile umu kwazwa Umwene Hadadeza uwa ku Zoba, Devedi wakomile Aina Silya 22,000. 6 Lyene Devedi wapanzile inkambi ya yasilika umu Silya, incende ya mu Damasika nupya Ina Silya izile iyaya aomvi yakwe; yamutwalilanga umusonko. Yeova wamulenganga ukucimvya konsi kuno waya. 7 Nupya Devedi waposile ivisyangu vyakwe goldi uku yaomvi yakwe Hadadeza nu kuvitwala uku Yelusalemu. 8 Devedi wasenzile koopa umwingi sana kufuma umu misumba yakwe Hadadeza, kuli kuti umusumba wa Teba nu musumba wa Kuni. Muli koopa wiyo, Solomoni wapanzilemo itanki lyakwe koopa, incesi ni viya vyakwe koopa.

9 Lino Umwene Tou* uwa ku Hamati uvwile ukuti Devedi watacimvya asilika yonsi aa Mwene Hadadeza uwa ku Zoba, 10 lilyo kwene sile watumile umwanakwe Hadolamu kuli Devedi pakuti akamulamuke nu kumutaizya pali vino walwisizye nu kucimvya Hadadeza (pano ilingi Hadadeza walwanga na Tou), nupya watwalile Devedi iviya vyakwe goldi vipusanepusane, vyakwe siuva, alino na vyakwe koopa. 11 Umwene Devedi wapeezile ivintu vivyo kuli Yeova kumwi na siuva na goldi vino waposile uku nko zii zyonsi, kuli kuti ku Ina Edomu, ku Ina Moabu, ku Ina Amoni, ku Ina Filisti nu ku Ina Amaleki.

12 Abisyai mwana Zeluya wakomile Aina Edomu 18,000 mu Mukonko wa Musilya. 13 Devedi wapanzile inkambi zya yasilika umu Edomu, nupya Aina Edomu yonsi izile iyaya aomvi yakwe. Yeova walenganga Devedi ukucimvya konsi kuno waya. 14 Devedi watwalilile ukuteeka Aina Izlaeli yonsi nupya wapingulanga antu yakwe yonsi mu mulinganya nu mu ulungami. 15 Yoabu mwana Zeluya u watungululanga asilika, nupya Yeosyafati mwana Ailudi u wasunganga ivyeo pali vino vyacitikanga, 16 Zadoki mwana Aitubi na Aimeleki mwana Abiata yaali aa simapepo, nupya Syavisya wali a kalemba. 17 Benaya mwana Yeoyada u watungululanga Aina Keleti na Ina Peleti. Nupya ya mwana Devedi yaali aa cilolo yakalamba.

19 Pa cisila Nahasyi umwene wa Ina Amoni wafwile, nupya umwanakwe u wamupyanyile pa wene. 2 Lyene Devedi walanzile ati: “Ndalanga ukutemwa kwa cumi kuli Hanuni mwana Nahasyi pa mulandu na vino isi wandanzile ukutemwa kwa cumi.” Fwandi Devedi watumile aomvi yakwe kuli Hanuni pakuti yakamuteekezye pa mfwa yakwe isi. Nomba lino aomvi yakwe Devedi yafisile umu mpanga ya Ina Amoni kuti yakateekezye Hanuni, 3 ya cilolo ya Ina Amoni yanenyile Hanuni iyati: “Uzye ukwelenganya ukuti Devedi watatuma aakwizakuteekezya pakuti acindike tata wako? Uzye atatumile aomvi yakwe pakuti ize yalondelezye nu kukufumya pa wene alino nu kuceeceta impanga?” 4 Fwandi Hanuni walemile aomvi yakwe Devedi nu kuyapela nupya wayalepwilile ivyakuzwala vyao ukufuma pansi kufika uku matako ayazinga nu kuyazinga. 5 Lino Devedi uvwile ivyacitikile aomvi yakwe, lilyo kwene sile watumile aakuti yakayakomenkanye, pano alanga iyazewana sana; nupya wayanenyile ati: “Mwikale umu Yeliko kufikila ivilezu vikakule alino muce muwele.”

6 Mu kuya kwa nsita Hanuni na Ina Amoni izile iyalola ukuti Devedi watayapata, fwandi yatumile matalanti yakwe siuva 1,000 uku Mesopotamya, ku Alamu-maaka nu ku Zoba kuti yayazime maceleta na asilika aakakwela pa mfwalasi. 7 Fwandi yazime maceleta 32,000 nupya umwene wa Ina Maaka na antu yakwe yaile umu kuyazwa. Lyene izile nu kupanga inkambi uku Medeba. Aina Amoni yakolongine ukufuma umu misumba yao nupya izile umu kulwa.

8 Lino Devedi uvwile vivyo, watumile Yoabu pamwi na asilika yonsi ukwikako sile na asilika yakwe aamaka sana. 9 Lyene Aina Amoni yaile iyatantama pa mpongolo ya musumba ala ya mwene aile umu kuyazwa yaali uku ncende iwatuke.

10 Lino Yoabu waweni alwani yakwiza umu kumulwisya kufuma uku nkoleelo nu ku cisila, wasoolwile asilika yamwi ukufuma pa yasilika amanyikisye ivya ulwi pa Ina Izlaeli nupya wayatantike umu maumba pakuti yakomenkanye Aina Silya. 11 Nupya walesile ukuti Abisyai umwinakwe aliwe atungulule asilika asyala, pakuti ayatantike umu maumba uku kukomenkanya Aina Amoni. 12 Lyene Yoabu walanzile ati: “Ndi cakuti Aina Silya yakwatisya maka wize ungazwe; lelo ndi cakuti Aina Amoni aliyo yakwatisya maka namaiza nkwazwe. 13 Tulinzile ukuya akome nupya asipe pakuti tucingilile antu itu ni misumba yakwe Leza witu, nupya Yeova amacita cino akulola ukuti ali cisuma.”

14 Lyene Yoabu na antu yakwe yatandike ukuya umu kukomenkanya Aina Silya pakuti yalwe nayo, nupya Aina Silya yutwike. 15 Lino Aina Amoni yaweni ukuti Aina Silya yutuka, nayo kwene yutwike ukufuma kuli Abisyai umwinakwe nu kuya umu musumba. Pa cisila Yoabu waswilile uku Yelusalemu.

16 Lino Aina Silya yaweni ukuti yacimviwa uku Ina Izlaeli, yatumile aakuyaama Aina Silya aikalanga umu ncende ya Luzi,* nupya Syofaki umukalamba wa yasilika yakwe Hadadeza u wayatungululanga.

17 Lino yanenyile Devedi ilyasi lilyo, lilyo kwene sile wakolonganike Aina Izlaeli yonsi nu kulamba Uluzi Lwa Yodani iyaya kuli aliyo, nupya yatantime umu maumba kuti yayalwisye. Devedi wayatantike kuti yakakomenkanye Aina Silya, nayo yaile iyamulwisya. 18 Lelo Aina Silya yutwike ukufuma uku Ina Izlaeli nupya Devedi wakomile aonsi 7,000 aali pa maceleta na asilika 40,000 aapitanga ulwa pansi, nupya wakomile na Syofaki umukalamba wa yasilika. 19 Lino aomvi yakwe Hadadeza yaweni ukuti yacimviwa uku Ina Izlaeli, lilyo kwene sile yapanzile umutende na Devedi nupya aliwe watandike ukuyatungulula; nupya Aina Silya yatalondanga ukwazwa Aina Amoni nupya.

20 Pa kutandika kwa mwaka,* apa nsita ino ya mwene yakaya umu ulwi, Yoabu wasenzile asilika nu kuya onona impanga ya Ina Amoni; nupya waile azinguluka umusumba wa Laba ala Devedi watasyala umu Yelusalemu. Yoabu wazanzile umusumba wa Laba nu kuonona. 2 Lyene Devedi wazuzile Malikamu leza wa Ina Amoni cisote ca wene icafinyile italanti* lyonga lyakwe goldi, nupya cakweti mawe ya mutengo; nupya yazwisile Devedi cisote cico. Waposile ni vintu vingi kufuma umu musumba. 3 Nupya wasenzile antu aikalangamo nu kuleka ukuti yaomba umulimo wa kuputula mawe, nu kuomba imilimo ya kuomvya iviombelo vya cela ivikalipe ni mpasa. Vivyo kwene avino Devedi wacisile nu ku misumba yonsi ya Ina Amoni. Lyene waswilile uku Yelusalemu pamwi na asilika yonsi.

4 Pa cisila, nupya kwene ulwi wakatwike pa Ina Izlaeli na Ina Filisti uku Gezeli. Pa nsita kwene iiyo Sibekai Umwina Husya wakomile Sipai uwa mu lupwa lwa Ina Lefa nupya Aina Filisti yacimviwe.

5 Nupya kwene ulwi wakatwike pa Ina Izlaeli na Ina Filisti, nupya Elianani mwana Jaili wakomile Laimi umwina wakwe Golyati Umwina Gati uwali ni isumo ilyakweti icilemelo kwati icimuti cakwe ya kapikula.

6 Nupya kwene ulwi wakatwike uku Gati ukwali umuntu umwi uwali ipombolo, wakweti iminwe 6 ukwi kasa lyonga na lyonga, ni vikando 6 uku lwazo longa na longa, vyonsi pamwi vyali 24, nupya nawe kwene wali uwa mu lupwa lwa Ina Lefa. 7 Watwalilile ukutumfya Aina Izlaeli, fwandi Yonatani mwana Syimea umwina wakwe Devedi wamukomile.

8 Antu yaa yaali amu lupwa lwa Ina Lefa mu Gati, nupya Devedi na aomvi yakwe aayakomile.

21 Lyene Satana* wakatukiile Aina Izlaeli nu kutunka Devedi ukuti apende Aina Izlaeli. 2 Lyene Devedi wanenyile Yoabu ni ntunguluzi zya yantu ati: “Yangini mukapende Aina Izlaeli kufuma uku Belisyeba kufika uku Dani; lyene mwize muneene pakuti imanye impendwa yao.” 3 Lelo Yoabu walanzile ati: “Si Yeova avuzye antu yakwe imiku 100! Musambazi wane uzye antu yonsi, asi aomvi yako? U mulandu ci uno ukulondela ukucita icintu cii? U mulandu ci uno ukulonda ukuletela Aina Izlaeli intazi?”

4 Lelo amazwi ya mwene yakweti sana amaka ukucila mazwi yakwe Yoabu. Fwandi Yoabu wapisile nu kuya umu mpanga iya Izlaeli yonsi, lyene pa cisila waile uku Yelusalemu. 5 Yoabu wizile anena Devedi impendwa ya yantu aalemvilwe. Aina Izlaeli yonsi aonsi aali na ya panga yaali 1,100,000, aonsi amu Yuda nayo ali na ya panga yaali 470,000. 6 Lelo amu mutundu wakwe Levi na amu mutundu wakwe Benjamini yatalemvilwe, pano Yoabu ataatemilwe vino umwene walanzile.

7 Cintu cii casosizye sana Leza wa cumi, fwandi wafulwile Aina Izlaeli. 8 Lyene Devedi wanenyile Leza wa cumi ati: “Injembuka sana pa kucita icintu cii. Fwandi si unjelele ne muomvi wako pano incita icintu ca uwelewele sana.” 9 Lyene Yeova wanenyile Gadi uwalolelanga Devedi ivilolwa ati: 10 “Yanga kanene Devedi uti, ‘Yeova walanda wati: “Namakunena ivintu vitatu. Usoololepo conga cino ndinzile ukuleta pali wewe.”’” 11 Fwandi Gadi waile kuli Devedi nu kumunena ati: “Yeova walanda wati, ‘Soololapo, 12 uzye ndete icipowe umu mpanga pa myaka itatu, nanti alwani inu yace yamucimvye pa myezi itatu ale yakumukoma nu lupanga, nanti Yeova ace alete ulupanga pa manda yatatu, kuli kuti icikuko, muno malaika wakwe Yeova alonona impanga yonsi iya Ina Izlaeli?’ Elenganyapo ningo pakuti unene ivya kuyanena uwatantuma.” 13 Fwandi Devedi wanenyile Gadi ati: “Indi sana nu ulanda. Leka Yeova aliwe amfulule, pano wene wakwata sana uluse; kucila ukuti antu aliyo yankome.”

14 Lyene Yeova watumile icikuko uku Ina Izlaeli icakuti antu 70,000 aafwile. 15 Nupya Leza wa cumi watumile malaika kuti akonone umusumba wa Yelusalemu; lelo lino Yeova waweni ukuti malaika watandika ukonona umusumba uvwilile antu yakwe uluse, nupya wanenyile malaika uwakomanga antu ati: “Casila! Ponya ikasa!” Malaika wakwe Yeova waimi umupiipi nu lwano lwakwe Onani Umwina Yebusi.

16 Lino Devedi wakatwisye manso waweni malaika wakwe Yeova aimi pakasi ka nsi ni yulu ala alemile ulupanga atakonzolola ni ikasa ukulozya uku musumba wa Yelusalemu. Devedi na akalamba ya yantu yazwite ivyakuzwala vya kulangilamo ulanda, nupya yaisumvile pansi iyafupama. 17 Devedi wanenyile Leza wa cumi ati: “Uzye asi nene nalanzile ukuti yapende antu? Nene nayembwike; nupya nene naluvyanyizye; nomba i vyani vino imfwele zii izicita? We Yeova Leza wane, si leka ikasa lyako liye pali nene na pa ya mu ng’anda yakwe tata; lelo utaleta icikuko cii pa yantu yako.”

18 Lyene malaika wakwe Yeova wanenyile Gadi ukuyanena Devedi ukuti apangile Yeova ulambo pa lwano lwakwe Onani Umwina Yebusi. 19 Fwandi Devedi wapisile ukulingana na mazwi yano Yeova wanenyile Gadi. 20 Lyene Onani wapiliwike nu kulola malaika nupya ana yakwe 4 yano wali nayo yafisime. Pa nsita iiya Onani wapuulanga ingaano. 21 Lino Devedi wayanga kuli Onani, Onani wamuweni nupya lilyo kwene wafumile pa lwano aya afupama pa nkoleelo yakwe Devedi. 22 Devedi wanenyile Onani ati: “Nkazye incende ya lwano, pakuti nkuulilepo Yeova ulambo. Unkazye pa mutengo ukumanile. Pakuti icikuko icaticiza pa yantu cisile.” 23 Lelo Onani wanenyile Devedi ati: “Tola iye iyako, nupya si we musambazi wane ucite cino ukulola ukuti icisuma. Nupya nimakupeela ing’ombe izya kupeela ngi lambo lya koca ni ca kupuulilako icakuti uomvye pa kupemba umoto, alino ni ngaano izya kupeela ngu upe wa vyakulya. Nakupeela vii vyonsi.”

24 Lelo Umwene Devedi wanenyile Onani ati: “Awe, nimakala incende yii pa mutengo uukumanile, pano ntanga ntole icintu cako nu kucipeela kuli Yeova nanti ukupeela malambo ya koca ukwaula ukulipila icili consi.” 25 Fwandi Devedi wakazile incende kuli Onani pa masyekele* 600 yakwe goldi. 26 Nupya wakuulile Yeova ulambo pa ncende kwene iiya nu kupeelelapo malambo ya koca na malambo ya mutende, lyene wapefile kuli Yeova, nawe wamwaswike lino waleesile umoto pa ulambo wa kupeelelapo malambo ya koca. 27 Lyene Yeova wanenyile malaika ukuswilizya ulupanga umu cipata. 28 Lino Devedi waweni ukuti Yeova wasuka ipepo lyakwe pa lwano lwakwe Onani Umwina Yebusi, watwalilile ukupeelela malambo paapa kwene. 29 Lelo pa nsita iiya cikuulwa ca kupepelapo Yeova cino Mose wapanzile umu lwanga, nu ulambo wa kupeelelapo malambo ya koca vyali pa ncende ya kupepelapo uku Gibyoni. 30 Lelo Devedi ataayangako umu kuzya kuli Leza, pano watiinanga ulupanga lwakwe malaika wakwe Yeova.

22 Lyene Devedi walanzile ati: “Paa apalaya ing’anda yakwe Yeova Leza wa cumi nupya palaya ulambo uno Aina Izlaeli yalaapeelelapo malambo ya koca.”

2 Devedi watumile aakuti yakolonganike antu afumile uku mpanga zyuze aikalanga umu mpanga iya Ina Izlaeli, nupya wayapeezile umulimo uwa kuputola amawe nu kuyalinganya pakuti yace yaomviwe ukukuulila ing’anda yakwe Leza wa cumi. 3 Devedi wapekinye ivyela ivingi sana ivya kupangila insunga izya kuomvya uku visaasa vya pa mpongolo ni vya kupangila maincezi, nupya wapekinye na koopa umwingi sana aatanga apimwe, 4 ni mbao zya mikedali izitanga zipendwe, pano Aina Sidoni na Ina Tuli yamuletiile imbao zya mikedali izingi sana. 5 Nupya Devedi walanzile ati: “Solomoni umwanane u mwance nupya atamanyile imilimo, alino ing’anda yakwe Yeova iilinzile ukukuulwa ilazipa sana, icakuti ululumbi ulwa ng’anda iiyo nu kuyemba vilamanyikwa umu mpanga zyonsi. Acino nimamupekanyizizya ivya kuomvya.” Fwandi Devedi wapekinye ivya kuomvya ivingi sana lino atatala wafwa.

6 Nupya Devedi wamile Solomoni umwanakwe nu kumunena ukukuula ing’anda yakwe Yeova Leza wa Ina Izlaeli. 7 Devedi wanenyile Solomoni umwanakwe ati: “Nemo nalondanga ukukuula ing’anda apa kucindikila izina lyakwe Yeova Leza wane. 8 Lelo Yeova wanenyile ati, ‘Wakoma antu aingi sana nupya walwa sana inkondo. Utalakuula ing’anda apa kucindikila izina lyane, pano nalola ukuti wakoma antu aingi sana umu nsi. 9 Lola! Ulakwata umwana umonsi aalaya umuntu wa mutende, nupya ndalenga ukuti apuuze uku yalwani yakwe yonsi amuzinguluka, izina lyakwe alaya a Solomoni,* ndalenga Aina Izlaeli ukuya nu mutende nupya ndalenga umu mpanga yao ukuya mya umu manda yakwe. 10 Aliwe alankuulila ing’anda. Alaya umwanane nani ndaya isi. Ndalenga uwene wakwe pa Ina Izlaeli uye ukome manda pe.’

11 “Fwandi mwanane si Yeova aye naawe nupya utunguluke nu kukuulila Yeova Leza wako ing’anda wakwe viivi kwene vino walanzile ukuti avino ulacita. 12 Si Yeova akupeele mano nu kwiluka lino wakupeela maka pa Ina Izlaeli pakuti uwasunga masunde yakwe Yeova Leza wako. 13 Ulatunguluka ndi cakuti ukulondela sana masunde yano Yeova wanenyile Mose ukupeela Aina Izlaeli. Usipe nupya uye umukome. Utuvwa intete nanti ukutiina. 14 Imbombesya sana ukupekanya ivya kuomvya uku ng’anda yakwe Yeova, kuli kuti matalanti* 100,000 yakwe goldi na matalanti yakwe siuva 1,000,000, alino na koopa umwingi sana ni vyela ivitanga vipimwe, nupya impekanya ni mbao na mawe, lelo ulalundilapo na vyuze. 15 Ukweti antu aingi aamaombanga naawe, kuli kuti aakuputula mawe, aakukuula ukuomvya mawe, ya kaapenta na antu yonsi aamanya imilimo ipusanepusane. 16 Goldi, siuva, koopa ni vyela i vingi sana. Katuka utandike ukuomba nupya si Yeova aye naawe.”

17 Lyene Devedi wanenyile ya cilolo ya mu Izlaeli ukwazwa Solomoni umwanakwe, wayanenyile ati: 18 “Uzye Yeova Leza winu asi namwe, nupya uzye atamulenga ukupuuza umu ncende zyonsi? Pano wangavwile ukucimvya antu ya mu mpanga nupya impanga ikatungululwa na Yeova na antu yakwe. 19 Fwandi ipeelesyini ukulonda Yeova Leza winu ni myenzo inu yonsi nu umi winu onsi, nupya tandikini ukukuula icikuulwa ca muzilo cakwe Yeova Leza wa cumi, pakuti muce muwezye imbokosi ya upangano yakwe Yeova ni viya vya muzilo vyakwe Leza wa cumi umu ng’anda iilakuulwa pakuti izina lyakwe Yeova lyacindikilwamo.”

23 Lino Devedi wakosile nupya ala ali mupiipi nu kufwa, wasonsile Solomoni umwanakwe ukuya umwene wa Ina Izlaeli. 2 Lyene wakolonganike ya cilolo yonsi amu Izlaeli, ya simapepo na Ina Levi. 3 Aina Levi aali ni myaka 30 nu kucilapo yapenzilwe; yonsi pamwi yaali 38,000. 4 Pali yaa aali 24,000 yangalilanga umulimo wa pa ng’anda yakwe Yeova, nupya aali 6,000 yaali intunguluzi na ya kapingula, 5 na alinzi ya pa mpongolo 4,000 alino na aali 4,000 alumbanyanga Yeova ukuomvya ivya kulizizyako inyimbo vino Devedi wapanzile nu kulanda ati, “Navipanga kuti vyaomviwa uku kulumbanyizizyako Leza.”

6 Devedi wapaatwile amu ndupwa zyakwe ya mwana Levi mu maumba ukulingana na muno yafumile, kuli kuti muli Gesyoni, muli Koati, na muli Melali. 7 Mu Ina Gesyoni mwali Ladani na Syimei. 8 Ya mwana Ladani yaali yatatu, kuli kuti Yehiyeli uwali intunguluzi ya lupwa na Zetamu na Yoweli. 9 Ya mwana Syimei yaali a Syelomoti, Hazieli, na Halani, yonsi pamwi yaali yatatu. Yakwene yaali ali mitwe ya ndupwa umu lupwa lwakwe Ladani. 10 Ya mwana Syimei yaali a Yaati, Zina, Yeusyi, na Beliya, yonsi pamwi yaali 4. 11 Yaati wali intunguluzi ya lupwa lyene ipakonka Ziza. Lelo vino Yeusyi na Beliya yataakweti ana aonsi aingi yayapendanga wa lupwa longa nupya yayapeezile umulimo uli umwi.

12 Ana yakwe Koati yaali a Amulamu, Izali, Hebuloni na Uzieli, yonsi pamwi yaali 4. 13 Ana aonsi yakwe Amulamu yaali a Aloni na Mose. Lelo Aloni wasoolwilwe ukulaombela umu muputule wa Muzilo Sana pamwi na ana yakwe, kulapeela malambo pa nkoleelo yakwe Yeova, kulamuombela nu kulapaalila antu umwi izina lyakwe lyonsi. 14 Lelo ana yakwe Mose umuntu wakwe Leza wa cumi yapendelwanga uku mutundu wa Ina Levi. 15 Ya mwana Mose aonsi yaali a Gesyomu na Elieza. 16 Muli ya mwana Gesyomu, Syebueli wali ali intunguluzi. 17 Mu lupwa lwakwe Elieza, Lehabiya wali ali intunguluzi; Elieza ataakweti ana aonsi na yauze, lelo ana aonsi yakwe Lehabiya yaali aingi sana. 18 Mu yana aonsi yakwe Izali, Syelomiti wali ali intunguluzi. 19 Ya mwana Hebuloni aonsi yaali a Yeliya intunguluzi, wakwe ciili wali a Amaliya, wakwe citatu wali a Yaazieli, nu walenga 4 wali a Yekameamu. 20 Ana aonsi yakwe Uzieli yaali a Mika intunguluzi, na wakwe ciili wali a Isyiya.

21 Ana aonsi yakwe Melali yaali a Maali na Musyi. Ana aonsi yakwe Maali yaali a Elieza na Kisyi. 22 Elieza wafwile lelo ataakweti ana aonsi, wakweti sile anaci. Fwandi ana aonsi yakwe Kisyi umwinakwe aliyo yayatwazile. 23 Ana aonsi yakwe Musyi yaali a Maali, Edeli, na Yelemoti, yonsi pamwi yaali yatatu.

24 Yaa ali ya mwana Levi aonsi aalemvilwe ukulingana ni ndupwa zyao, ukulingana ni ntunguluzi zya mutundu wao, yapenzilwe nu kulembwa mazina nupya yaombanga umulimo wa pa ng’anda yakwe Yeova ukutandika pa wa myaka 20 ukuya papela. 25 Pano Devedi walanzile ati: “Yeova Leza wa Ina Izlaeli watalenga antu yakwe ukupuuza, nupya alikala umu Yelusalemu manda pe. 26 Nupya Aina Levi yatalaasenda icikuulwa ca kupepelapo nanti iviya ivili vyonsi ivya kuomvya pa cikuulwa cico.” 27 Wakwe vino Devedi walanzile pa kusyalikizya, Aina Levi ukutandikila pa wa myaka 20 kuya papela yapenzilwe. 28 Umulimo wao wali uwa kwazwa ya mwana Aloni ukuombela pa ng’anda yakwe Yeova, kusakamala imisolo, miputule ya kuliilamo, nu kusangulula ivintu vyonsi ivya muzilo, alino nu kuomba imilimo yonsi iyalondekwanga pa ng’anda yakwe Leza wa cumi. 29 Yazwilizyanga ukupanga umukate wa muzilo, kupekanya fulaulo umusuma uwa upe wa vyakulya, mukate wa kuzulunzya uwaula icitutumusi, kupanga ya keke ukuomvya pani, kusaakanya umunya na mafuta, nu kupima vyonsi ivyaomviwanga uku upe wa vyakulya. 30 Cila katondo na manguzi yaalinzile ukulaya pa ng’anda yakwe Leza ala yakutaizya nu kulumbanya Yeova. 31 Yaazwilizyanga lyonsi lino malambo ya koca yakupeelwa kuli Yeova pa wanda wi Sabata, lino kwaloleka umwezi upya na pa nsita ya mutebeto ukulingana ni vyalemvilwe umu masunde, nupya vivyo kwene avino yacitanga lyonsi pa nkoleelo yakwe Yeova. 32 Yaombanga nu mulimo wao uwa kusakamala itenti lya kupepelapo ni ncende ya muzilo, nupya yazwilizyanga na ina yao ya mwana Aloni ukuombela pa ng’anda yakwe Yeova.

24 Vii avino Devedi wankiinye amu lupwa lwakwe Aloni umu maumba: ya mwana Aloni yaali a Nadabu, Abihu, Elieza, na Itamali. 2 Nadabu na Abihu yafwile ala isi atatala wafwa nupya yataakweti ana; lelo Elieza na Itamali yatwalilile ukuomba nga ya simapepo. 3 Devedi pamwi na Zadoki ukufuma umu lupwa lwakwe Elieza na Aimeleki ukufuma umu lupwa lwakwe Itamali yaisile umu maumba ukulingana nu mulimo wao. 4 Vino ya mwana Elieza yakweti intunguluzi izingi ukucila ya mwana Itamali, yaisile umu maumba vivyo kwene: Amu lupwa lwakwe Elieza yakweti intunguluzi zya mu ndupwa zyao 16, amu lupwa lwakwe Itamali nayo yakweti intunguluzi zya mu ndupwa zyao 8.

5 Nupya yapendozile nu kwika ya mwana Elieza na ya mwana Itamali umu maumba, pano yaali intunguluzi zya pa ncende ya muzilo nupya yangalilanga umulimo wakwe Leza wa cumi. 6 Lyene Syemaya mwana Netaneli kalemba wa Ina Levi walemvile mazina yao ala pali umwene, ya cilolo, Zadoki simapepo, Aimeleki mwana Abiata, na akalamba ya mu ndupwa zyakwe ya simapepo na Ina Levi, yasoololanga intunguluzi yonga muli Elieza nupya pa muku uze iyasoolola iyuze muli Itamali.

7 Cipendwilo ca kutandikilapo caponiile pali Yeoyalibu; cakwe ciili pali Yedaya, 8 cakwe citatu pali Halimu, icalenga 4 pali Seolimu, 9 icalenga 5 pali Malikiya, icalenga 6 pali Miyamini, 10 icalenga 7 pali Hakozi, icalenga 8 pali Abiya, 11 icalenga 9 pali Yesyua, icalenga 10 pali Syekaniya, 12 icalenga 11 pali Elyasibu, icalenga 12 pali Yakimu, 13 icalenga 13 pali Hupa, icalenga 14 pali Yesyebeabu, 14 icalenga 15 pali Biliga, icalenga 16 pali Imeli, 15 icalenga 17 pali Hezili, icalenga 18 pali Hapizezi, 16 icalenga 19 pali Petaya, icalenga 20 pali Yeezikele, 17 icalenga 21 pali Yakini, icalenga 22 pali Gamuli, 18 icalenga 23 pali Delaya, ni calenga 24 pali Maaziya.

19 Yii ali milimo ino yaali nu kulaomba umu ng’anda yakwe Yeova wakwe viivi kwene vino Aloni icikolwe cao wacitanga, ukulingana na vino Yeova Leza wa Ina Izlaeli wamunenyile.

20 Yaa ali ya mwana Levi aasyazile: muli ya mwana Amulamu mwali Syubaeli; muli ya mwana Syubaeli mwali Yedeiya; 21 muli ya mwana Lehabiya mwali Isyiya intunguluzi; 22 umu Ina Izali mwali Syelomoti, muli ya mwana Syelomoti mwali Yaati; 23 nupya muli ya mwana Hebuloni mwali Yeliya intunguluzi, wakwe ciili wali a Amaliya, wakwe citatu wali a Yaazieli, nu walenga 4 wali a Yekameamu; 24 muli ya mwana Uzieli mwali Mika, muli ya mwana Mika mwali Syamili. 25 Umwina wakwe Mika wali a Isyiya; muli ya mwana Isyiya mwali Zekaliya.

26 Ana aonsi yakwe Melali yaali a Maali na Musyi; muli ya mwana Yaaziya mwali Beno. 27 Umu yana aonsi yakwe Melali: muli Yaaziya mwali Beno, Syoamu, Zakuli, na Ibili; 28 muli Maali mwali Elieza, ataakwetipo umwana umonsi ali wensi; 29 mu yana aonsi yakwe Kisyi mwali Yelameeli; 30 nupya ana aonsi yakwe Musyi yaali a Maali, Edeli, na Yelimoti.

Yaa yaali ali yana aonsi yakwe Levi ukulingana ni ndupwa zyao. 31 Nayo kwene yapendozile wakwe viivi kwene vino aina yao ya mwana Aloni yacisile ala Umwene Devedi, Zadoki, Aimeleki na akalamba ya ndupwa zyakwe ya simapepo na Ina Levi yakulolako. Muli cila lupwa, umukalamba wayanga sile icili cimwi nu mutowakwe.

25 Devedi na akalamba ya maumba yasoolwile ana aonsi yamwi yakwe Asafu, Hemani, na Yedutuni kuti yaomvya mazeeze, ya banjo ni viwaya ku kulumbanya Leza nu kusesema. Aonsi yano yasoolwilwe ukuti yaomba umulimo uu, 2 kufuma umu yana aonsi yakwe Asafu aeya: Zakuli, Jozefu, Netaniya, na Asalela, Asafu isi u wayatungululanga, waombanga umulimo wa kusesema ala akutungululwa nu mwene. 3 Mu yana aonsi yakwe Yedutuni mwali Gedaliya, Zeli, Yesyaya, Syimei, Hasyabiya, na Matitiya, yonsi pamwi yaali 6, Yedutuni isi u wayatungululanga, wasesemanga ala akulizya mazeeze nupya wataizyanga nu kulumbanya Yeova. 4 Mu yana aonsi yakwe Hemani mwali: Bukiya, Mataniya, Uzieli, Syebueli, Yelimoti, Hananiya, Hanani, Eliata, Gidaliti, Lomamuti-eza, Yosyabekeya, Maloti, Hotili, na Maaziyoti. 5 Yonsi yaa yaali ana aonsi yakwe Hemani uwalolelanga umwene ivilolwa pa mazwi yakwe Leza wa cumi pakuti Leza acindikwe; fwandi Leza wa cumi wapeezile Hemani ana aonsi 14 na akazyana yatatu. 6 Yonsi yaa yatungululwanga na isi ala yakwimba inyimbo pa ng’anda yakwe Yeova, ukuomvya iviwaya, ya banjo na mazeeze, pano ali mulimo uno yaombanga umu ng’anda yakwe Leza wa cumi.

Umwene u watungululanga Asafu, Yedutuni, na Hemani.

7 Yene pamwi na ina yao asambiliziwe ivya kwimbila Yeova, kuli kuti yonsi aamanyikisye ukwimba yaali 288. 8 Yapendozile pakuti yamanye imilimo ino yaali nu kupeela cila muntu, asi mulandu umunono nanti umukalamba, mumanyikisye imilimo nanti aakusambilila.

9 Cipendwilo ca kutandikilapo caponiile pali Jozefu mwana Asafu, cakwe ciili caponiile pali Gedaliya, (wene pamwi na ina yakwe na ana yakwe yaali 12); 10 cakwe citatu caponiile pali Zakuli, wene pamwi na ana yakwe na ina yakwe yaali 12; 11 icalenga 4 caponiile pali Izili, wene pamwi na ana yakwe na ina yakwe yaali 12; 12 icalenga 5 caponiile pali Netaniya, wene pamwi na ana yakwe na ina yakwe yaali 12; 13 icalenga 6 caponiile pali Bukiya, wene pamwi na ana yakwe na ina yakwe yaali 12; 14 icalenga 7 caponiile pali Yesalela, wene pamwi na ana yakwe na ina yakwe yaali 12; 15 icalenga 8 caponiile pali Yesyaya, wene pamwi na ana yakwe na ina yakwe yaali 12; 16 icalenga 9 caponiile pali Mataniya, wene pamwi na ana yakwe na ina yakwe yaali 12; 17 icalenga 10 caponiile pali Syimei, wene pamwi na ana yakwe na ina yakwe yaali 12; 18 icalenga 11 caponiile pali Azaleli, wene pamwi na ana yakwe na ina yakwe yaali 12; 19 icalenga 12 caponiile pali Hasyabiya, wene pamwi na ana yakwe na ina yakwe yaali 12; 20 icalenga 13 caponiile pali Syubaeli, wene pamwi na ana yakwe na ina yakwe yaali 12; 21 icalenga 14 caponiile pali Matitiya, wene pamwi na ana yakwe na ina yakwe yaali 12; 22 icalenga 15 caponiile pali Yelemoti, wene pamwi na ana yakwe na ina yakwe yaali 12; 23 icalenga 16 caponiile pali Hananiya, wene pamwi na ana yakwe na ina yakwe yaali 12; 24 icalenga 17 caponiile pali Yosyabekeya, wene pamwi na ana yakwe na ina yakwe yaali 12; 25 icalenga 18 caponiile pali Hanani, wene pamwi na ana yakwe na ina yakwe yaali 12; 26 icalenga 19 caponiile pali Maloti, wene pamwi na ana yakwe na ina yakwe yaali 12; 27 icalenga 20 caponiile pali Eliata, wene pamwi na ana yakwe na ina yakwe yaali 12; 28 icalenga 21 caponiile pali Hotili, wene pamwi na ana yakwe na ina yakwe yaali 12; 29 icalenga 22 caponiile pali Gidaliti, wene pamwi na ana yakwe na ina yakwe yaali 12; 30 icalenga 23 caponiile pali Maaziyoti, wene pamwi na ana yakwe na ina yakwe yaali 12; 31 icalenga 24 caponiile pali Lomamuti-eza, wene pamwi na ana yakwe na ina yakwe yaali 12.

26 Vino yankinye aombelanga pa mpongolo aevi: mu Ina Kola mwali Mesyelemiya mwana Kore uwa mu yana aonsi yakwe Asafu. 2 Nupya ya mwana Mesyelemiya aonsi aeya: Iyeli wali a Zekaliya, wakwe ciili wali a Yediaeli, wakwe citatu wali a Zebadiya, uwalenga 4 wali a Yatinieli, 3 uwalenga 5 wali a Elamu, uwalenga 6 wali a Yeoanani, nu walenga 7 wali a Elieko-enani. 4 Nupya ana aonsi yakwe Obedi-edomu aeya: Iyeli wali a Syemaya, wakwe ciili wali a Yeozabadi, wakwe citatu wali a Yowa, uwalenga 4 wali a Sakali, uwalenga 5 wali a Netaneli, 5 uwalenga 6 wali a Amiyeli, uwalenga 7 wali a Isakali, nu walenga 8 wali a Peuletai; vii avino Leza wapaazile Obedi-edomu.

6 Nupya Syemaya umwanakwe wakweti ana aonsi aatungululanga indupwa zyao, pano yaali aonsi amaka nupya afikepo. 7 Ana aonsi yakwe Syemaya yaali a Otini, Lefaeli, Obedi na Elizabadi; nupya Eliu na Semakiya aina yao nayo kwene yaali aonsi afikepo. 8 Yonsi yaa yafumile muli ya mwana Obedi-edomu; yene pamwi na ana yao na ina yao yaali aonsi afikepo nupya alinge ukuomba umulimo, yonsi 62 yafumile muli Obedi-edomu. 9 Nupya Mesyelemiya wakweti ana aonsi na ina yakwe, yonsi pamwi yaali aonsi afikepo 18. 10 Hosa nawe uwafumile umu yana aonsi yakwe Melali wakweti ana aonsi. Syimuli wali intunguluzi, nanti cakuti ataali iyeli, isi wamusonsile ukuya intunguluzi, 11 wakwe ciili wali a Hilikiya, wakwe citatu wali a Tebaliya, nu walenga 4 wali a Zekaliya. Ana aonsi yonsi na ina yakwe Hosa yaali 13.

12 Pa maumba ya yalinzi ya pa mpongolo, intunguluzi zyapeezilwe imilimo ili imwi na ina yao iya kuombela pa ng’anda yakwe Yeova. 13 Fwandi yapendozile pakuti yamanye impongolo ino yali nu kulaombelako asi mulandu ulupwa ulunono nanti ulukalamba. 14 Cipendwilo ca ku ufumondaka caponiile pali Syelemiya. Pano icipendwilo cakwe Zekaliya umwanakwe uwali impandamano icenjele caponiile uku katutu. 15 Cipendwilo cakwe Obedi-edomu caponiile uku kaeya, nupya ana yakwe aonsi yapeezilwe umulimo wa kusakamala ukwa kusungila ivintu. 16 Cipendwilo cakwe Syupimu na Hosa caponiile uku uwondaka mupiipi ni Mpongolo ya Syaleketi iyayeelile umu museo uwaya ukupela; cila umba lya yalinzi lyalozyanyizye ni lyuze; 17 ku ufumondaka kwayanga Aina Levi 6; ku katutu nu ku kaeya kwayanga ali 4 cila wanda; nupya ukwa kusungila ivintu kwayanga yaili yaili; 18 ku ng’anda ya ncesi iya ku ufumondaka kwali alinzi 4 lwa ku museo, nupya yaili yaali pa ng’anda ya ncesi kwene. 19 Vikwene avino yankinye alinzi ya pa mpongolo kufuma mu yana ya Ina Kola na Aaina Melali.

20 Mu Ina Levi, Ahiya u wasakamalanga ivipao vya mu ng’anda yakwe Leza wa cumi ni vipao umwali ivintu vya muzilo.* 21 Mu yana yakwe Ladani kuli kuti ana aonsi afumile muli Gesyoni, mwali Yeeiyeli uwali pa ntunguluzi zya mu lupwa lwakwe Ladani 22 na ana yakwe aonsi kuli kuti Zetamu na Yoweli umwinakwe. Yasakamalanga ivipao vya pa ng’anda yakwe Yeova. 23 Kufuma umu Ina Amulamu, mu Ina Izali, mu Ina Hebuloni, nu mu Ina Uzieli, 24 Syebueli mwana Gesyomu mwana Mose u wali intunguluzi pa yantu asakamalanga umwa kusungila ivintu. 25 Aina yakwe Syebueli afumile muli Elieza yaali a Lehabiya, Yesyaya, Yolamu, Zikilai, na Syelomoti. 26 Syelomoti na ina yakwe yasakamalanga ivipao vyonsi umwali ivintu vya muzilo vino Umwene Devedi, akalamba ya mitundu, akalamba ya pa yantu masauzandi na pa yantu 100, na akalamba ya yasilika yapaatwile ukuya ivya muzilo. 27 Ivintu vino yapokolwile umu ulwi yavipaatwile ukuti viye ivya muzilo pakuti vyaomviwa uku ng’anda yakwe Yeova; 28 kumwi na vyonsi vino Samweli kalola wa vilolwa, Saulo mwana Kisyi, Abineli mwana Neli, na Yoabu mwana Zeluya yapaatwile ukuya ivya muzilo. Syelomiti na ina yakwe aliyo yasakamalanga vyonsi vino yapaatwile ukuya ivya muzilo.

29 Kufuma muli Izali, Kenaniya na ana yakwe yapeezilwe imilimo yuze isi ya pa ng’anda yakwe Leza; kuli kuti yaali intunguluzi nupya ya kapingula umu Izlaeli.

30 Kufuma umu Ina Hebuloni, Hasyabiya na ina yakwe, kuli kuti aonsi 1,700 afikepo yatungululanga Aina Izlaeli aku uwondaka wa Luzi Lwa Yodani mu milimo yonsi yakwe Yeova ni milimo ya mwene. 31 Kufuma mu ya mu lupwa lwakwe Hebuloni, Yeliya wali i ntunguluzi. Mu mwaka uwalenga 40 uwa kuteeka kwakwe Devedi, yalondelizye nu kuzana aonsi aamaka nupya afikepo mu musumba wa Yazeli mu Gilyadi. 32 Aina yakwe Yeliya, aonsi afikepo nupya intunguluzi zya ndupwa yaali 2,700. Fwandi Umwene Devedi wayasonsile ukulaangalila amu mutundu wakwe Lubeni, amu mutundu wakwe Gadi, na amuli afu wa mutundu wakwe Manase mu milimo yonsi yakwe Leza wa cumi ni milimo ya mwene.

27 Yaa ali maumba ya Ina Izlaeli aali umwi umba lya yasilika ya mwene, mu maumba yaa mwali akalamba ya ndupwa, intunguluzi zya pa yantu masauzandi ni zya pa yantu 100 alino ni ntunguluzi izyasakamalanga maumba yaa. Maumba yaa yalekanilanga cila mwezi umu mwaka; nupya umwi umba lyonga na lyonga mwayanga aonsi 24,000.

2 Uwangalilanga iumba lya kutandikilako umu mwezi wa kutandikilako wali a Yasyobeamu mwana Zabidieli, nupya umwi umba lyakwe mwali asilika 24,000. 3 Mu ya mu lupwa lwakwe Pelezi, Yasyobeamu u wali ali mukalamba pa ntunguluzi zya maumba izyapeezilwe umulimo umu mwezi wa kutandikilako. 4 Uwangalilanga iumba lyakwe ciili umu mwezi wakwe ciili wali a Dodai Umwina Ahoi, nupya Mikiloti u wali intunguluzi, umwi umba lyakwe mwali asilika 24,000. 5 Uwangalilanga iumba lyakwe citatu ilyaombanga umu mwezi wakwe citatu wali a Benaya mwana Yeoyada simapepo mukalamba, nupya umwi umba lyakwe mwali asilika 24,000. 6 Benaya wali umusilika uwa maka pi umba lya yasilika aiyele 30 nupya u wayangalilanga, nupya Amizabadi umwanakwe u watungululanga iumba lyakwe. 7 Uwangalilanga iumba ilyalenga 4 umu mwezi uwalenga 4 wali a Asaeli umwina wakwe Yoabu, nupya Zebadiya umwanakwe u wamupyanyile, mwi umba lyakwe mwali asilika 24,000. 8 Uwangalilanga iumba ilyalenga 5 umu mwezi uwalenga 5 wali a Syamuti Umwina Izila, nupya umwi umba lyakwe mwali asilika 24,000. 9 Uwangalilanga iumba ilyalenga 6 umu mwezi uwalenga 6 wali a Ila mwana Ikesyi Umwina Tekoa, nupya umwi umba lyakwe mwali asilika 24,000. 10 Uwangalilanga iumba ilyalenga 7 umu mwezi uwalenga 7 wali a Helezi Umwina Peloni uwa mu mutundu wakwe Efulemu, nupya umwi umba lyakwe mwali asilika 24,000. 11 Uwangalilanga iumba ilyalenga 8 umu mwezi uwalenga 8 wali a Sibekai Umwina Husya uwa mu Ina Zela, nupya umwi umba lyakwe mwali asilika 24,000. 12 Uwangalilanga iumba ilyalenga 9 umu mwezi uwalenga 9 wali a Abi-eza Umwina Anatoti uwa mu mutundu wakwe Benjamini, nupya umwi umba lyakwe mwali asilika 24,000. 13 Uwangalilanga iumba ilyalenga 10 umu mwezi uwalenga 10 wali a Maalai Umwina Netofa uwa mu Ina Zela, nupya umwi umba lyakwe mwali asilika 24,000. 14 Uwangalilanga iumba ilyalenga 11 umu mwezi uwalenga 11 wali a Benaya Umwina Pilatoni uwa mu yana yakwe Efulemu, nupya umwi umba lyakwe mwali asilika 24,000. 15 Uwangalilanga iumba ilyalenga 12 umu mwezi uwalenga 12 wali a Helidai Umwina Netofa uwa mu lupwa lwakwe Otinieli, nupya umwi umba lyakwe mwali asilika 24,000.

16 Intunguluzi zya mitundu ya Ina Izlaeli aezi: Mu mutundu wakwe Lubeni, Elieza mwana Zikilai u wali intunguluzi; mu mutundu wakwe Simyoni, a Syefatiya mwana Maaka; 17 mu mutundu wakwe Levi, a Hasyabiya mwana Kemueli; mu lupwa lwakwe Aloni, a Zadoki; 18 mu mutundu wakwe Yuda, a Eliu wenga pa ina yakwe Devedi; mu mutundu wakwe Isakali, a Omuli mwana Mikaeli; 19 mu mutundu wakwe Zebuluni, a Isyimaya mwana Obadiya; mu mutundu wakwe Nafutali, a Yelimoti mwana Aziliyeli; 20 mu mutundu wakwe Efulemu, a Hosyia mwana Azaziya; muli afu wa mutundu wakwe Manase, a Yoweli mwana Pedaiya; 21 muli afu wa mutundu wakwe Manase uwa mu Gilyadi, a Ido mwana Zekaliya; mu mutundu wakwe Benjamini, a Yaasieli mwana Abineli; 22 mu mutundu wakwe Dani, a Azaleli mwana Yeloamu. Yakwene aali ya cilolo mu mitundu ya Ina Izlaeli.

23 Devedi ataapenzile aali ni myaka 20 ukwiza pansi, pano walanga Yeova walaya ukuti Aina Izlaeli yali nu kuvula wa ntanda zya mwi yulu. 24 Walanga Yoabu mwana Zeluya watatandika ukupenda antu, lelo ataamazile; pano Leza wasokiile Aina Izlaeli pa mulandu nu kupenda kuu, nupya impendwa iiyo itaalemvilwe umwi lyasi lya mpiti ilya Mwene Devedi.

25 Azimaveti mwana Adiyeli u wangalilanga ivipao vya mwene. Yonatani mwana Uziya u wangalilanga ivikuulwa umwa kusungila ivintu ivyali umu mpanga, mu misumba, mu mizi na muze umwa kusungila ivintu. 26 Ezili mwana Kelabu u wangalilanga alimanga ivyalo. 27 Syimei Umwina Lama u wangalilanga ivyalo vya myangazi; Zabidi Umwina Sifu nawe wangalilanga kuno yasungilanga waini. 28 Baali-hanani Umwina Gedeli u wangalilanga ivyalo vya miolivi ni miti ya masamvu mu Syefela; Yoasyi nawe wangalilanga ukwa kusungila mafuta. 29 Syitilai Umwina Syaloni u wangalilanga ing’ombe zino yacemelanga umu Syaloni; Syafati mwana Adilai nawe wangalilanga ing’ombe zino yacemelanga umu mikonko. 30 Obili Umwina Isumaeli u wangalilanga ingamila; Yedeiya Umwina Melonoti nawe wangalilanga ya punda. 31 Yazizi Umwina Hagili wangalilanga imfwele ni mbuzi. Yonsi yaa aliyo yangalilanga ivyuma vyakwe Devedi.

32 Yonatani umwipwa wakwe Devedi wali i mpandamano, umonsi uwilukanga nupya wali a kalemba, Yehiyeli mwana Hakimoni nawe wasakamalanga ana ya mwene. 33 Aitofeli wali impandamano ya mwene, Husyai Umwina Aliki nawe wali a cuza wa mwene. 34 Pa cisila cakwe Aitofeli, Yeoyada mwana Benaya na Abiata aliyo iizile iyaya impandamano; nupya Yoabu wali umukalamba wa yasilika ya mwene.

28 Lyene Devedi wakolonganike ya cilolo yonsi amu Izlaeli uku Yelusalemu, kuli kuti ya cilolo ya mitundu, ntunguluzi zya maumba aombelanga umwene, ntunguluzi zya pa yantu masauzandi ni zya pa yantu 100, asakamalanga ivyuma vyonsi ivya mwene kumwi ni viteekwa vyakwe alino na asakamalanga anakwe kumwi na aomvi ya kwi sano alino na aonsi amaka nupya afikepo. 2 Lyene Umwene Devedi wimilile nu kulanda ati:

“Uvwini kuno mwe inane na mwe yantu yane. Nalondanga ukukuula ing’anda umwakuti imbokosi ya upangano yakwe Yeova iyaikala na kuti aino Leza alyatapo ingazo, nupya napekinye ukuti nkuule. 3 Lelo Leza wa cumi wanenyile ati, ‘Utalakuula ing’anda apa kucindikila izina lyane, pano waalwa sana inkondo nupya waakoma antu aingi.’ 4 Lelo Yeova Leza wa Ina Izlaeli wansoolwile ukufuma muli yonsi amu ng’anda yakwe tata kuti inje umwene pa Ina Izlaeli amanda pe, wasoolwile Yuda ukuya intunguluzi, nupya umu lupwa lwakwe Yuda wasoolwile ulupwa lwakwe tata, nu mu yana yakwe tata wasoolwile nene ukuya umwene wa Ina Izlaeli yonsi. 5 Na pa yana yane yonsi aonsi yano Yeova wampeela, wasoolwile Solomoni kuti aikale pa cilimba ca wene cakwe Yeova pakuti ateeka Aina Izlaeli.

6 “Wanenyile ati, ‘Solomoni umwanako aliwe alankuulila ing’anda ni misolo pano namusoolola ukuya umwanane nupya nani ndaya isi. 7 Ndalenga uwene wakwe ukuya ukome amanda pe ndi cakuti alauvwila masunde yane wakwe vino akucita ndakai.’ 8 Fwandi nkulanda apa nkoleelo ya yantu yakwe Yeova Aina Izlaeli ukuti: Mwamanya nu kulondela masunde yakwe Yeova Leza winu pakuti mukikale umu mpanga isuma nu kuleka ana inu yakapyane impanga iiyo amanda pe.

9 “Naawe Solomoni mwanane, umanye Leza wakwe tata wako nupya uwamuombela nu mwenzo onsi ni nsansa, pano Yeova akalola umu myenzo ya yantu yonsi nupya akamanya vyonsi vino yakwelenganya. Nga wamulonda alaisokolola kuli wewe, lelo nga wamusya alakukana amanda pe. 10 Lola, Yeova watakusolola kuti ukuule ing’anda ya muzilo. Sipa nu kuomba umulimo.”

11 Lyene Devedi wapeezile Solomoni umwanakwe pulani uwa muputule wa pa wingililo ni miputule yuze ipusanepusane, miputule ya kusungilamo ivintu, miputule ya papela, miputule ya mukasi, nu muputule wa kwelelelwamo imembu. 12 Wamupeezile na pulani yakwe vyonsi vino umupasi wakwe Leza wamusokolwelile pali vino imisolo ya pa ng’anda yakwe Yeova yali nu kupangwa, pa miputule yonsi iya kuliilamo, pa vipao vya mu ng’anda yakwe Leza wa cumi na pa vipao umwali nu kuya ivintu vya muzilo; 13 wamunenyile na vino maumba yakwe ya simapepo yaali nu kuya na maumba ya Ina Levi, wamunenyile na pa milimo iyaali nu kulaombwa pa ng’anda yakwe Yeova alino na pa viya vyonsi ivyali nu kulaomviwa umu ng’anda yakwe Yeova; 14 walanzile na pali goldi iyaali nu kuomviwa, kuli kuti goldi iyaali nu kuomviwa uku viya vyonsi ivyali nu kulaomviwa umu milimo ipusanepusane, nupya walanzile na pa kufina kwa viya vyonsi vyakwe siuva ivyali nu kulaomviwa umu milimo ipusanepusane; 15 na pa kufina kwa vya kuteekapo ya lampi vyakwe goldi ivipusanepusane na ya lampi, alino na pa kufina kwa vya kuteekapo ya lampi vyakwe siuva ivipusanepusane na ya lampi; 16 na pa kufina kwakwe goldi uwali nu kuomviwa kuli ya tebo ya kwikapo umukate wa muzilo, alino na pa kufina kwakwe siuva uwali nu kuomviwa kuli ya tebo yakwe siuva, 17 pali ya foloko, imbale, insembo zyakwe goldi umwengululwe ningo, na pa kufina kwa mbale zyakwe goldi izinono, alino na pa kufina kwa mbale zyakwe siuva izinono. 18 Wamunenyile na pa kufina kwakwe goldi umwengululwe ningo uwa kuomvya uku ulambo wa kocelapo ivinunkile, nu wa kuomvya kuli ya kelubi yakwe goldi aakonzolwile mapa yao nu kuvimba imbokosi ya upangano yakwe Yeova, aimililangako iceleta lyakwe Leza. 19 Devedi walanzile ati: “Yeova wantungulwile nu kumpeela amano aakulemba vyonsi vii pali pulani.”

20 Lyene Devedi wanenyile Solomoni umwanakwe ati: “Usipe nupya uye umukome nu kuomba umulimo. Utuvwa intete nanti ukutiina pano Yeova Leza, Leza wane ali naawe. Atalakusya nanti ukukutazyela lelo alaya naawe ukufikila umulimo onsi uwa pa ng’anda yakwe Yeova uce usile. 21 Nupya maumba yakwe ya simapepo na Ina Levi aakuomba imilimo yonsi iya pa ng’anda yakwe Leza wa cumi aeya. Watukwata aomvi aipeelesye nupya amanyile imilimo ipusanepusane pamwi na ya cilolo na antu yonsi aalaomba vyonsi vino ulaayanena.”

29 Lyene Umwene Devedi wanenyile antu yonsi ati: “Solomoni umwanane, wino Leza wasoolola u mwance nupya atamanya imilimo, nupya umulimo uukalamba pano asi wa kukuula itempele lya muntu lelo itempele lyakwe Yeova Leza. 2 Nupya imbombesya ukupekanya ivya kuomvya uku ng’anda yakwe Leza wane, kuli kuti goldi, siuva, koopa, ivyela, imbao, mawe yakwe onikisi, mawe aiyele, tumawe utunono utwa kuyemvezya, mawe ya mutengo apusanepusane na mawe yakwe alabasita aingi sana. 3 Nupya pa mulandu wakuti natemwa ing’anda yakwe Leza wane, kuli na goldi na siuva iviiyele vino nimapeela uku ng’anda yakwe Leza wane, kulunda pali vino napekanya ivya kuomvya uku ng’anda ya muzilo, 4 kwikako na matalanti* 3,000 yakwe goldi uwafumile uku Ofili na matalanti 7,000 yakwe siuva umwengululwe ningo uwa kupaka uku viumba vya mang’anda, 5 goldi uwa kupangila ivintu vyakwe goldi na siuva uwa kupangila vyakwe siuva ni vintu vyonsi vino aamanya ivya kupangapanga yalaomvya. Uzye ilelo a weni aamaitemelwa ukwiza umu kupeela ica upe kuli Yeova?”

6 Fwandi ya cilolo ya ndupwa, ya cilolo ya mitundu ya Ina Izlaeli, akalamba ya pa yantu masauzandi na pa yantu 100, ni ntunguluzi izyangalilanga uculuzi wa mwene yaitemilwe ukupeela ivya upe. 7 Nupya vii avino yapeezile uku mulimo wa pa ng’anda yakwe Leza wa cumi: matalanti 5,000 yakwe goldi, impiya zyakwe goldi zya ku Pezia 10,000, matalanti yakwe siuva 10,000, matalanti yakwe koopa 18,000, na matalanti ya vyela 100,000. 8 Yonsi aakweti mawe ya mutengo yayatwazile umu cipao ca mu ng’anda yakwe Yeova cino Yehiyeli Umwina Gesyoni wasakamalanga. 9 Antu yasansamwike pa kupeela ivya upe vii pano yavipeezile kuli Yeova ni myenzo yao yonsi, nupya umwene Devedi nawe kwene wasansamwike sana.

10 Lyene Devedi walumbanyizye Yeova pa nkoleelo ya yantu yonsi. Watiile: “We Yeova Leza wakwe Izlaeli tata witu, ulumbanyiziwe amanda pe. 11 We Yeova, wewe mukalamba, uwa maka, umuyembe nupya umucindame, pano ivya mu mayulu vyonsi ni vya pano nsi i vyako. Uwene u wako we Yeova. Wewe mukalamba pali yonsi. 12 Ivyuma nu ucindami vikafuma kuli wewe, wewe ukateeka ivintu vyonsi, wakwatisya amaka, nupya ukalenga antu ukuya na maka. 13 We Leza witu tukukutaizya nu kulumbanya izina lyako ilisuma.

14 “Nemo na antu yane sweswe ya sile sile, uzye lyene tungakupeela uli ivya upe wakwe vii? Pano vyonsi vyafuma kuli wewe, nupya twakupeela ivyafuma kuli wewe kwene. 15 Kuli wewe twaya wa yantu aafuma uku mpanga yuze nupya aenyi, wakwe vino ivikolwe vitu vyonsi vyali. Pano manda itu aakwikala pano nsi yaya wa cinzingwa icakuti tutakwata upaalilo wa kuya nu umi. 16 We Yeova Leza witu, ivintu vii vyonsi vino itupekanya ku kukuulila ing’anda yako apa kucindikila izina lyako vifumile kuli wewe nupya vyonsi i vyako. 17 Namanya ningo ukuti we Leza wane, ukalola umu mwenzo nupya watemwa antu aakaele. Inkupeela ivintu vii vyonsi nu mwenzo onsi, nupya intemwa sana ukulola antu yako yakupeela ivya upe kuli wewe. 18 We Yeova, Leza wakwe Abulahamu, Leza wakwe Isaki nupya Leza wakwe Izlaeli ivikolwe vitu, leka antu yaa yatwalilile nu kuya nu mwenzo wa kuitemelwa nu kulakuombela ni myenzo yonsi. 19 Azwa umwanane Solomoni kuti alondesya uku kuombela nu mwenzo onsi pakuti auvwila masunde, umwazwe ukulacita vii vyonsi nu kukuula itempele ukuomvya ivintu vino napekanya.”

20 Lyene Devedi wanenyile antu yonsi ati: “Lumbanyini Yeova Leza winu.” Nupya antu yonsi yalumbanyizye Yeova Leza wa vikolwe vyao nu kufupama pa nkoleelo yakwe Yeova na pa nkoleelo ya mwene. 21 Uwanda uwalondelilepo yatwalilile ukupeela ivya upe kuli Yeova na malambo ya koca kuli Yeova, kuli kuti ya cipambasi 1,000, ya suuku 1,000, imfwele izinono 1,000 ni vya upe vyakumwa, yapeezile malambo aingi aa Ina Izlaeli yonsi. 22 Pa wanda uuwa yatwalilile ukulya nu kumwa pa nkoleelo yakwe Yeova ala yali sana ni nsansa, nupya isile Solomoni mwana Devedi pa wene muku wakwe ciili, nu kumwitulwila mafuta pa nkoleelo yakwe Yeova kuti aye intunguluzi, yasonsile na Zadoki ukuya simapepo. 23 Solomoni wikazile pa cilimba cakwe Yeova ica wene ukupyana Devedi isi, nupya ivintu vyamuzipilanga na Ina Izlaeli yonsi yamuvwilanga. 24 Ya cilolo yonsi, asilika ya maka, na ana ya Mwene Devedi yonsi yuvwilanga Umwene Solomoni. 25 Yeova walenzile Aina Izlaeli yonsi ukucindika Solomoni nupya wamulenzile ukucindama sana ukucila ya mwene ya mu Izlaeli yonsi aamukoleelile.

26 Fwandi Devedi mwana Yese wateesile Aina Izlaeli yonsi, 27 nupya imyaka yonsi ino wateesile Aina Izlaeli yaali 40. Mu Hebuloni wateesile imyaka 7, mu Yelusalemu namo imyaka 33. 28 Wafwile ala ali ni myaka iingi nupya ala watakota, wakweti ivyuma ivingi nupya walumbwike; Solomoni umwanakwe wamupyanyile pa wene. 29 Ilyasi lya mpiti ilikalanda pa mwene Devedi, kufuma pa kutandika ukufika uku mpela lyalembwa mu vyalembwa vyakwe Samweli kalola wa vilolwa, vyakwe Natani kasesema, na vyakwe Gadi kalola wa vilolwa, 30 ivyalembwa vivyo vikalanda pa miteekele yakwe yonsi, pa maka yakwe, na pa vintu ivyacitikanga mu manda yakwe na Ina Izlaeli alino na pa mawene yonsi aamuzingulwike.