Amazwi ya Kutandikilako

UMWIBUKU lii muli malyasi acumi pa vintu ivyacitiike. Yaafuma umwibuku likalamba sana pa mpanga ya pansi lino tukati Baibo. Malyasi yaayo yakalanda apa vintu ivyacitika pano nsi kufuma lino Leza watandiike ukupanga ivintu kufika na ndakai. Nupya yakalanda na pa vintu vino Leza alacita uku nkoleelo.

Ibuku lii likukulondolwela ningo vino Baibo waya. Likalanda pa yantu yano Baibo yalandapo alino ni vintu vino yaacitanga. Nakapya, likalangilila ukuti uku nkoleelo tulikala amanda pe lino insi ilaya paladaise.

Umwibuku lii mwaya malyasi 116. Lyene malyasi yaayo yaaya umu viputulwa 8. Ponsi apakutampila iciputulwa conga na conga pali mazwi akulondolola ivili umu ciputulwa cico. Malyasi yatantama ukulingana nalino ivintu vyacitikanga. Kuli kuti yalakwavwa ukumanya lino ivintu vimwi vyacitikanga.

Malyasi yaalembwa umu mazwi angupale. Mwe yance aingi mulaaiwelengela malyasi yaa. Namwe mwe yavyazi mulazana ukuti ana inu anoono sana yalauvwa ningo ukuyawelengela malyasi yaa imiku iingi. Fwandi mulazana ukuti ance na ikolo kwene yalaatemwa ivyaya umwibuku lii.

Pa mpela iilyasi lyonga na lyonga pali malembelo. Tukumukomelezya ukuti mwawelenga malembelo yayo muli Baibo pakuti mwamanya apafumile ilyasi lino mukuwelenga.