Yacuza Yakwe Leza Yakacita Ivisuma

Ndi mwakwata cuza wino mwacindika sana, mukaezya ukumukolanya. Baibolo ikatunena ati: ‘Yeova umusuma kapya umololoke.’ (Masamu 25:8) Ndi tukulonda ukuya yacuza yakwe Leza, tulinzile ukuya asuma kapya aololoke. Baibolo ikati: “Pano mwemwe ana yakundwa yakwe Leza, mwaezya kukolana na aliwe. Lekini umi winu watungululwa nu kutemwa.” (Efeso 5:1, 2) Inzila zimwi zino mungacitilamo vii a izi:

Mwaavwa auzo. “Tulinzile ukucita ivisuma ku muntu wensi.”—Galatiya 6:10.

Mwaombesya. “Muntu wino wiyanga alinzile kuta kwiya, nga atandike ukuomba kwaula usomvi kuti azanilemo uwikazi.”—Efeso 4:28.

Muye a usaka uku mwili nu mu miyele. “Tulinzile kufumako ku vintu vyonsi vino vikakowezya mili ni mipasi itu. Acino pa koopa Leza twaezya kwikala umi wa muzilo.”—2 Kolinto 7:1.

A mu lupwa lwinu mwayatemwa nu kuyacindika. ‘Cila monsi alinzile kutemwa muci wakwe, ndi vino wene waitemwa umwisikulu. Cila mwanaci alinzile kucindika iya wakwe. Mwe ana, mulinzile ukuyela akwasi inu.’—Efeso 5:33–6:1.

Mwatemwa na antu yauze. “Twatemwana; pano ukutemwa kukafuma kuli Leza.”—1 Yoane 4:7.

Mwauvwila masunde ya kuno mwikala. ‘Umuntu wensi alinzile ukuyela amaka yakwe yakateka. Mupeele uteko vyonsi vino muli nu kupeela, musonko kuli yakasonkisya.’—Loma 13:1, 7.