“Uwene Wako Wize”

Yeova walaya ukuti: ‘Kutalaya ukulila, ukuvwa ukuwaika, kulwala, nanti imfwa. Ndakumbula minsozi yonsi umu manso yao. Ivintu vyonsi vya mpiti vilililika.’

Yeova waumvile Adamu na Eva nu kuika umu calo ca Edeni muno yali nu kulaikala umu mutende nupya ansansa. Yali nu kulapepa Isi wao uwa kwi yulu nu kukwata ana aingi mpaka yazuzye insi. Adamu na Eva yatuvwilile Yeova, lelo nanti ciye vivyo ukulonda kwakwe kutasenwike. Umwi buku lii itulola ukuti vyonsi vino Leza walaya vikafikiliziwa. Uwene wakwe ulaleta mapaalo aingi pano nsi, wakwe vino walavile Abulahamu.

Likwene sile Satana ni viwa vyakwe, alino na antu aipe yalononwa. Antu yonsi alaya nu umi yalaapepa Yeova. Tutalaalwala nanti ukufwa. Lelo, cila wanda tulaazyuka na amaka nu kuipakizya umi. Insi ilaya paladaise. Antu yonsi yalakwata ivyakulya ivisuma na mang’anda asuma. Antu yatalaya ankalwe, lelo yalaya ni cikuuku. Inyama zya mu mpanga zitalaatutiina, naswe kwene tutalaazitiina.

Tulaya sana ni nsansa lino Yeova alatandika ukutuutulula afwe. Tulazengela antu afwile mpiti sana wakwe, Abeli, Noa, Abulahamu, Sala, Mose, Luti, Esita, na Devedi. Tulaombela pamwi nayo ukulenga insi yonsi ukuya paladaise. Kulaya imilimo ingi isuma iyakuomba.

Yeova akalonda ukuti naawekwene ukikale umu nsi iyo. Ulamanya ivingi pali aliwe vino utaatala welenganyapo. Lekini twapalama sana kuli Yeova cila wanda, alino na manda pe.