Mungaomvya Mazwi Yaa

Pa Kutandika Masambililo pa Ciwelusi ca Kutandikilako Umu Novemba

“Imukwatila iuzyo ilisuma sana. [Welengini iuzyo lya kutandikilako ilili pifwa lya kusyakilizya mu Lupungu lwa Mulinzi lwakwe Novemba 1.] Uzye mwemo mungaasuka mutuuli? [Welengini mapalagalafu yaili aali pisika liuzyo, muwelengepo ni lembelo nanti lyonga pali yaayo aalipo.] Uzye mungatemwa ince mbwele pakuti tukiize tukalanzyanye icalenzile ukuti Yesu aatutulula afwe nu mulandu uno cacindamila kuli sweswe?”

Ulupungu lwa kwa Kalinda Novemba 1

“Uzye mwatala mwelenganyapo umulandu uno ivintu viipe vikacitikila muno nsi? [Lekini yasuke.] Baibo yalondolola umulandu pali Umbwilo 12:9. [Welengini.] Lyene cikomo 12 cikatuneena umulandu uno tungataila. [Welengini Umbwilo 12:12.] Likwene sile iviipe vino Satana akacita vili nu kufumiziwapo. Cipande cii cino cikweti umutwe wa kuti ‘Uzye Tulinzile Ukutina Satana?’ cikulanda pali vino tungacita pakuti Satana atatutungulula ndakai, alino ni ivilamucitikila. Mungasyala na mangazini wii.”

Loleni! Sepetemba–Okotoba

“Swe yantu yonsi sile tukaponelwa ni ntazi izipusane-pusane zili wa amazanzo, kulwalisya, nanti ukufwilwa. Uzye mwamanya ukuti caya icicindame ukulaelenganya napa visuma lino ivintu vyamusango uu vyamucitikila? [Lekini yasuke.] Antu aingi yazana ukuti Baibo ikayaazwa ukuzizimizya ndi yaponelwa ni ntazi. [Welengini Loma 15:4.] Mangazini yii ikulondolola vino Baibo ingatwazwa ndi twaya ni ntazi.”