Kuzengela Aenyi Kwaya pa “Vintu Visuma” Vino Tungacitila Yauze (Mate. 12:35a)

Kwaula nu kutwisika, swensi kwene tukalonda ukucitila anji “vintu visuma” kupitila umu “kuzengela alendo.” (Loma 12:13) Ya eluda yakaya pa nkoleelo ukupekanya ukuti kalanda umwenyi wasakamalwa ningo, nu kuti impiya zya kupitila zino wataomvya yamuwezezya. Nomba limwi swemo cila-muntu tungaafilwa ukuzengela aenyi nanti ukulola kwati tutanga tusakamale umwenyi pa mulandu wa kutiina ukuti limwi swemo sweswe yapina. Nga tukwelenganya sana pali vino Yesu wanenyile Mata, cingatwazwa sana ukukanayuvwa vivyo. (Luka 10:39-42) Yesu walanzile sana ukuti “cintu campomvu” cino tungacita, u kuya sile capamwi na anji nu kukomelezyanya’ asi kuti suka tuyapekanyizizye ivyakulya ivisuma sana, nanti ukukwata ing’anda iyembe cuze. Nga tukukonka isunde lii, tulaacitila aina itu “vintu visuma” kulingana na vino Izwi Lyakwe Leza likatusambilizya.—3 Yoa. 5-8.