Mungaomvya Mazwi Yaa

Lupungu lwa Mulinzi Epulelo 1

“Tukupeelako antu yonsi kapepala kaa. [Yapeelini kapepala kakuti Uzye Mwemo Mukati Baibo I Buku Lya Musango ci? nupya yuzyini iuzyo ilili pa nkupo ya kutandikilako. Lyene yalangini vino Baibo ikaasuka iuzyo lilyo pali 2 Timoti 3:16, nupya muyakomelezye ukuti ndi yakwata insita yace yawelenge kapepala konsi.] Antu aingi yatamanya ningo vino Baibo ika-asuka mauzyo yaa. [Yalangini mauzyo akutampilapo aali umu cipande ca kutandikilako umu Lupungu Lwa Mulinzi.] Magazini ii ikulondolola vino mungazana masuko muli Babo inu kwene.”

Loleni! Epulelo

“Tukutandalila antu kuti tulanzyanye nayo mazwi anono sile. Ndakai antu aingi yakusakamala sana ndi yalola vino ivintu vikusenuka umu ndupwa. Mpiti, avyazi aliyo yakweti amaka ya kutungulula, nomba ndakai, mu ndupwa zimwi cikaloleka kwati ana aliyo yakatungulula. Uzye mukwelenganya ukuti i cacumi avyazi yakasambilizya ana yao vino cilinzile ukuya? [Lekini yasuke.] Baibo ikalanda ukuti ukusunda ana kwacindama wakwe cimwi. [Welengini Mapinda 29:17.] Magazini ii ikulanda pali vimwi vimwi vino Baibo ikalanda pa kusunda ana.”