Uzye Baibo Iliyo Ikamutungulula Muli Vyonsi Vino Mukacita?

Ukuwelenga Baibo cila-wanda kungatwazwa ukwika “imisisi” [nanti imisila] muli Klistu nu kuya “akomeleke umu utailo witu.” (Kolo. 2:​6, 7) Lelo pakuti Baibo iyatutungulula muli ­vyonsi vino tukucita, tufwile ukwelenganyapo sana pa visinte vya masunde ivyayamo alino nu kucita vino tukuwelenga. (Ayeb. 4:​12; Yako. 1:​22-25) Yoswa 1:8 ikalanda ivintu vitatu vino tufwile ukucita lino tukuwelenga Baibo: (1) Tufwile ukuwelenga Baibo lyonsi “umusanya nu usiku.” (2) Tufwile ukuwelenga umu musango uwakuti ala tukwelenganya sana pali vino tukuwelenga. (3) Tulinzile ukwezya ukucita “vyonsi vino vyalembwa mwenemo.” Ndi cakuti tukucita vii vitatu, ‘tulaya nu longo nupya tutalaposiwa.’