Twalililini Kuloleela mu Kuteeka Umwenzo

A lilaci lino mwatandike kuloleela Uwene wakwe Leza? Uzye mwatwalilila kuloleela asi mulandu nu kucuziwa? (Loma 8:25) Aina Klistu yamwi yayapata, yakayacuzya, kuyika mu vifungo, nanti sile kuyatinya ukuti yamayakoma. Yauze nayo yakalwalilila indwala izisipola nanti sile ukote.

I cani cingatwazwa kutwalilila kuloleela lino tuli ni ntazi? Tulinzile kuwelenga Baibo lyonsi nu kwelenganyapo pali vino tukuwelenga. Tulinzile ukwika mano ku upalilo witu. (2 Kol. 4:16-18; Ayeb. 12:2) Tulinzile kupapata Yeova nu kumulenga ukuti atupeele umupasi wakwe uwa muzilo. (Luka 11:10, 13; Ayeb. 5:7) Tata witu uwaya nu kutemwa angatwazwa kuposya “nu kuteeka myenzo mu vintu vyonsi. Mu nsansa.”—Kolo. 1:11.

TAMBINI VIDYO YAKUTI TULINZILE “KUSIMULA NU MUKOZYA”​—KUSIMULA UKUTI TUKAPOKE CILAMBU, ALINO MWASUKE MAUZYO ALONDELELAPO:

• 

  I vintu ci “vyaula ukwenekela” vingatucitikila? (Kasa. 9:11; NWT)

• 

  Uzye ipepo likatwazwa uli nga twaponelwa na mezyo?

• 

  Ndi cakuti ndakai tusikwanisya kuomba vino twaombanga mpiti mu mulimo wakwe Yeova, i cani cino tulinzile ukwikila sana mano kuli vino tungakwanisya?

• 

  I cani cingatwazwa kusininkizya ukuti tulapoka icilambu?