VINO SWE INA KLISTU TWAAYA
Mwe Yapainiya Mwalumbanya Yeova
Aina Izlaeli yakweti imilandu icindame iya kulumbanyizizyapo Yeova. Wayafumizye umu Ejipti nu kuyapususya uku asilika yakwe Falao! (Kufu. 15:1, 2) Yeova watwalilila ukucitila antu yakwe ivisuma. Tungalanga uli ukuti tukataizya?—Masa. 116:12.
Inzila yonga u kuombako upainiya wa nsita inono nanti uwa nsita yonsi. Mungalenga ukuti Leza amwazwe ukulalondesya nu kumupeela amaka aakuombako upainiya. (Filipi 2:13) Aingi yakatandikilapo ukuomba upaniya wa nsita inono. Nga mwatandika upainiya wa nsita inono, mungasoololapo ukulaomba maawazi 30 nanti 50 umu mulimo wa kusimikila mu mwezi wakwe Maaci nu mu Epuleo alino nu mu mwezi uno umwangalizi wa ciputulwa akutandalila icilongano cinu. Nga mwalola insansa izyaya umu kuombako upainiya wa nsita inono, limwi mungalondesya ukutandika uwa nsita yonsi. Na antu yamwi kwene akaomba incito nanti akalwalilila yakakwanisya ukuombako upaniya wa nsita yonsi. (mwb16.07 ifwa 8) Ukwaula nu kutwisika, Yeova akatemwa sana vino tukaezya na maka ukumulumbanya!—1 Mila. 16:25.
TAMBINI VIDYO IYAKUTI: YANKAZI YATATU AKU MONGOLIA, LYENE MWASUKE MAUZYO ALONDELELAPO:
I ntazi ci zino yankazi yatatu yacimvizye pakuti yatandike upainiya?
Aamapalo ci yano yapokelela pa mulandu nu kuombako upainiya?
Aamasyuko ci yano yakwata aakuombela Yeova pa mulandu nu kuombako upaniya?
Uzye vino yasoolwilepo ukucita vyazwilizye uli yauze?