Mwakomya Utailo Winu Muli Yeova na Yesu Ukuomvya Ibuku Lyakuti Mungaya ni Nsansa Manda Pe!

Pakuti asambi ya Baibo yazanzya Leza, yalinzile ukuya nu utailo ukukome. (Aeb. 11:6) Tungaomvya ibuku lyakuti Mungaya ni Nsansa Manda Pe! pakufika asambi pa myenzo. Mwi buku lii mwaya malembo aakalanda pa visinka ivikalamba, ulondolozi uwangupale, mauzyo asuma, mavidyo akafika pa mwenzo, alino ni vikope ivisuma. Pa kwazwa asambi ukuya ni miyele ya wina Klistu nu kuya na ucuza usuma na Leza, tukaomvya iviombelo ivingayazwa ukucimvya intazi zyaya wa moto.—1 Kol. 3:12-15.

Yamwi cikayatalila ukuzumila ukuti yangaya ya cuza yakwe Leza wino yasilola. Fwandi tulinzile ukuyazwa ukumanya Yeova nu kumutaila sana.

TAMBINI VIDYO IYAKUTI MWAOMVYA IBUKU LYAKUTI “MUNGAYA NI NSANSA MANDA PE!” PA KUKOMYA UTAILO WINU MULI YEOVA, ALINO MWASUKE MAUZYO ALONDELELAPO:

• I vyani vikulangilila ukuti nkazi ali wapekanya ningo ivya kutungulula isambililo?

• Uzye nkazi ali waomvya uli ningo mauzyo pa kwazwa musambi ukuvwikisya ilembo lwakwe Ezaya 41:10, 13?

• Uzye vidyo ni vikomo vya muli Baibo vino iyabelenga ivyazwa uli umusambi?

Antu aingi yatamanya vino ilambo lingayazwa, nanti sile ukulilola ukuti u wila uno Leza wa yapeela pa lwao. (Gala. 2:20) Fwandi tulinzile ukuyazwa ukukomya utailo wao umwi lambo lyakwe Yesu.

TAMBINI VIDYO IYAKUTI MWAOMVYA IBUKU LYAKUTI “MUNGAYA NI NSANSA MANDA PE!” PA KUKOMYA UTAILO WINU MULI YESU, ALINO MWASUKE MAUZYO ALONDELELAPO:

• I vyani ivikulangilila ukuti umwina ali wapekanya ningo ivya kutungulula isambililo?

• Uzye umwina ali waomvya uli ivyeo ivyaya pa ciputulwa cakuti “Londelezyini” pa kwazwa umusambi?

• Uzye umulandu ci uno cacindamila ukupepelako umusambi?