Uzye Mukaezya Ukulola Vino Yeova Akaasuka Mapepo Inu?

Mu Baibo mwaya amapepo aingi yano Yeova waswike. Lino aomvi yakwe Leza yaweni vino Yeova waswike mapepo yao, tusikutwisika ukuti utailo wao wakomileko. Fwandi icicindama ukupepa umukulungatika nu kulola vino Yeova akwasuka mapepo itu. Mwaiusya ukuti limwi Yeova angasuka amapepo mu nzila ipusaneko nanti sile ukucila pali vino itulenga. (2 Kol. 12:7-9; Efes. 3:20) I vyani limwi vino Yeova angacita pa kwasuka mapepo itu?

• Angatupeela amaka, kutwazwa ukuteeka umwenzo, nanti ukuya nu utailo ukome pakuti tuzizimizye intazi.—Filipi 4:13

• Angatupeela mano akutwazwa ukupingulapo ningo pa vintu.—Yako. 1:5

• Angatupeela amaka nu mwenzo wakulondesya ukuomba.—Filipi 2:13

• Angatwazwa ukuteeka umwezo lino tuli na masakamika.—Filipi 4:6, 7

• Angalenga antu yauze ukutwazwa muli vino tukulondekwa, kututeekezya, nanti ukutukomelezya.—1 Yoa. 3:17, 18

• Angazwa yano tukupepelako.—Mili. 12:5, 11

TAMBINI VIDYO IYAKUTI YEOVA ‘AKAUVWA MAPEPO,’ ALINO MWASUKE MAUZYO ALONDELELAPO:

• Uzye ivyacitikile Umwina Shimizu vyatukomelezya uli ndi cakuti tukufilwa ukuomba wakwe vino twaombanga pa mulandu nu kulwala?

• Uzye tungakolanya uli Umwina Shimizu?