Mwalonda Incende Isuma

Uzye mungatemwa ukulaisambilizya ningo Baibo? Ivyalondelelapo vingamazwa kulaisambilizya ningo Baibo:

• Mwalonda incende isuma. Nga cingacitika mwalonda incende isuma nupya ukuli uluswepo. Mungikala pa cilimba nanti pali tebo, nanti mungalonda incende isuma panzi.

• Mwalonda incende kuno mungaya mwenga. Yesu wapepanga “katondotondo” nupya wayanga “uku ncende ukutaali antu.” (Mako 1:35) Ndi cakuti citanga cicitike ukuya mwenga, munganenako ya lupwa lwinu nanti yano mukaikala nayo insita ino mwatantika ukulaisambilizya alino nu kuyalenga ukuti yatamupumvyanya.

• Mwaikako mano. Mutapumvyanyiziwa. Ndi cakuti mukuomvya foni nanti tabuleti mwaika pano itanga ilile nanti ukutinika pano itanga imupumvyanye. Nupya ndi cakuti mwiusya ukuti kuli vimwi vino mulinzile ukucita, mungalemba pamwi nu kutwalilila ukuisambilizya. Ndi cakuti cikumutalila ukwikisyako mano, mulinzile ukukatuka nu kololokako.