IVINGAMWAZWA UKUCEFYAKO MASAKAMIKA

Uzye Ukusakamikwa Kuli Kutuuli?

Ukusakamikwa avivi vino umwili ukaya ndi kwacitika vimwi. Uwongo ukalenga insandensande zino yakaama ukuti mahomoni ukusalangana umu vilundwa vyonsi ivya mwili. Cii cikalenga umwenzo ukutunta sana, ukulenga uwazi ukusimulisya, ukufuuteka nu kutintika kwa mikole. Lino umuntu atali amanye ivikucitika, ala umwili wene wati uipekanya kuli vino vimacitika. Ndi cakuti amasakamika yasila, umwili ukaya ningo nupya.

UKUSAKAMIKWA UKUSUMA NU KWIPE

Ukusakamikwa i miyele ino twaumbwa nayo iikatwazwa ukuiteyanya uku vintu ivingatuletela uzanzo. Nupya kukatandikila uku wongo. Ukusakamikwa ukusuma kukalenga itucitapo cimwi zuwa. Ukusakamikwa ukulinge kungamwazwa nu kufikilizya amauyo nanti ukuomba ningo, wakwe insita ya masindano, lino yakumuuzya pa ncito ino mukulonda, nanti lino kuli ivyangalo.

Nomba ukusakamikwa sana pa nsita itali, kungalenga umi ukuya umu uzanzo. Lino umwili watonta sana na masakamika, tungatandika ukucula umu mwili alino nu mumelenganyo. Imiyele inu, ukwikako sile na vino mukacitila yauze, vingasenuka. Ukusakamala sana pa insita itali kungalenga umuntu ukutandika ukuomvya imilembo ikavulunganya uwongo, ukumwesya uwengwa alino nu kuya ni misango yuze iipe. Nupya kungalenga umuntu ukuya sana ni cikonko, ukutonta sana, nanti ukulaelenganya pa kuikulika.

Nanti cakuti antu yonsi yasikwata amasakamika ali yamwi, lelo ukusakamikwa kungaleeta indwala izingi. Nupya kungalenga ivilundwa vya mwili umupipi na vyonsi ukuculilamo.

VINO UKUSAKAMIKWA KUNGALENGA UMWILI WINU UKUYA

Insandensande izikalenga umwi ukumanya ivikucitika umu mwili.

Insandensande zii zikafumya mahomoni wakwe adrenaline na cortisol (Insandensande izikalenga umuntu acita vimwi). Cii cikalenga umwenzo ukutunta sana, ukulenga uwazi ukusimulisya, nu kuvuzya syuga umu wazi—vyonsi vii vikalenga umuntu ukuya umu uzanzo. Ukusakamikwa sana kungalenga umuntu

ukulasoka zuwa, ukuya na masakamika, ukuya ni cikonko, umutwe ukuwaya, nu kufilwa ukukasula

Mikole na mafupa ivikalenga umwili ukuomba ningo.

Imikole ikatintika pakuti tutacisika. Ukusakamikwa sana kungalenga

umwili ukuwaya sana, ukucula umu melenganyo, ni canzi

Vilundwa ivikaomviwa pa kufuuta.

Kukaya ukufuuta sana pakuti mwingizye umuza uno yakati oxygen. Ukusakamikwa sana kungalenga umuntu

ukufuuteka nu kwingizya umuza unono, ukwikako sile nu kwelenganya ukucila umu cipimo ndi cakuti kuli vino umwi watasakamikwa

Imisipa muno uwazi ukapita.

Umwenzo winu ukatunta sana pakuti usalanganye uwazi umu mwili onsi. Imisipa ikayulika nu kutwala uwazi umu vilundwa muno ukulondekwa sana, wakwe umu mikole. Ukusakamikwa sana kungalenga

uwazi ukulasimulisya, ulwale waku mwenzo, na situloko

Vilundwa ivikafumya mahomoni akaombela umukapita uwazi.

Ivilundwa vii ivyaya umu mwili winu vikapanga mahomoni akaamwa ukuti adrenaline na cortisol, aakalenga umuntu ukusakamikwa nanti foo. Itima likavuzya syuga wamu wazi pakuti umwili ukwate amaka. Ukusakamikwa sana kungalenga umuntu

ukukwata ulwale wakwe syuga, ukwambula zuwa indwala nu kulwalilila, ukusokasoka, nu kufina ukucila umu cipimo

Vilundwa umukapita ivyakulya.

Inzila ino ivyakulya vikaombelamo umu mwili ikavulunganyiziwa. Ukusakamikwa sana kungalenga umuntu

ukulauvwa umuselu, ukuluka, ukupolomya, nu kucuula pa kusumba usali

Vilundwa vya uvyazi.

Ukusakamikwa kungavulunganya insuuna ya kupanga icupo ni miombele ya vilundwa vya uvyazi. Ukusakamikwa sana kungalenga umuntu

ukukanakwata amaka ya onsi aakupanga icupo, ukukaanaya ukumwezi pa nsita zimwi