Leza Walaya Ukuti Insi Ilatwalilila Ukuyako

Yaa ali mazwi yano aakalondelezya pa kusenuka kwa micele umu mpanga izipusane pusane yalanzile. Ndi cakuti mwazumila muli Kaumba aakasakamala antunze, ala amazwi yano ya sayansi yalanzile yangamwiusyako pa vintu vino Leza waumba ivikalenga insi yaizifya.

Lelo pa mulandu na vino antu yonona sana insi, insi itanga iizifye iineco. U mulandu ci uno tungatailila ukuti Leza alacitapo cimwi pali cii?

Lolini Malembo aali umu kambokosi aakalenga tusininkizye ukuti insi ilatwalilila ukuyako nupya ilazipa.

• Leza u waumvile insi. “Pa kutandika Leza waumvile iyulu ni nsi.” —Utandiko 1:1

• Leza ali mwineco wa nsi. “Insi kumwi na vyonsi ivyayamo ivyakwe Yawe (nanti Yeova)a.”—Masamu 24:1

• Leza wapanzile insi ukuti ikatwalilile ukuyako. “Wasimpisya insi ndi, isi yakutelengana foo.”—Masamu 104:5

• Leza walaya ukuti umi ulatwalilila ukuyako pano nsi amanda pe. “Leza uwetetwile nu kupanga insi . . . ataiumbile apakuti mutaya kantu nanti kamwi, lelo kuti iye incende umwakwikala antu.”—Ezaya 45:18

• Leza walaya ukuti antu yalatwalilila ukwikala pano nsi amanda pe. “Antu aololoke yalikala umutende umu mpanga, nu kuipyana umuyayaya.”—Masamu 37:29

Leza waumvile insi kuti antu yaipakizya umi ukwaula ukuti yonone insi. Baibo yalaya ukuti apa nsita yakwe ilinge, Yeova alasisyapo vyonsi ivikaonona insi.—Kusokolola 11:18

Baibo yatulaya kuti Leza alazifya insi nu kuilenga ukuya paladaise nupya ‘alikusya consi icaumi.’—Masamu 145:16