Mulinzile Ukusambilila Pali Leza

Nga mukulonda ukuya cuza wakwe Leza, mulinzile ukusambilila pali aliwe. Uzye yacuza yinu yamanya izina linu, alino uzye yakaliomvya? Ee, avino yakacita. Na Leza kwene akalonda kuti mumanye izina lyakwe, nu kuliomvya. Izina lyakwe Leza a Yeova. (Masamu 83:18; Mateo 6:9) Kapya mufwile nu kumanya vino watemwa na vino wapata. Mulinzile ukumanya yacuza yakwe na alwani yakwe. Pakalengela pa kumanya umuntu. Baibolo ikati icisuma ukusyalako ni nsita ya kusambilila pali Yeova.—Efeso 5:15-16.

Yacuza yakwe Leza yakacita vino watemwa. Elenganyini pali yacuza yinu. Uzye ndi ca kuti mukayacitila iviipe, nu kucita vino yapata, yangatwalilila ukuya acuza yinu? Yatanga yezye! Icili cimwi na Leza kwene, ndi mukulonda ukuya cuza wakwe, mufwile ukucita vino watemwa.—Yoane 4:24.

Yaasi amacalici yonsi angalenga umuntu ukuya cuza wakwe Leza. Yesu, cuza wino walemana sana na Leza, walanzile pa nzila zili. Inzila yonga, iisalale kapya mwazuula antu. Inzila yiyo ikatwala ukuononesi. Inzila yuze, ifyenkane na akapitamo yatavula. Inzila yiyo ikatwala uku umi wa pe. Kuli kuti ndi mukulonda muye cuza wakwe Leza mulinzile ukumanya inzila yampomvu iya kumupepelamo.—Mateo 7:13, 14.