ISAMBILILO 16

Uzye Aomvi ya mu Cilongano Yakaomba Imilimo Ci?

Muomvi wa mu cilongano akupeela antu amabuku — Myanmar

Muomvi wa mu cilongano akulanda ilyasi pali vyakwe Leza — Akulanda ilyasi

Muomvi wa mu cilongano akulanzyanya ni umba — Kwi umba lya mulimo

Muomvi wa mu cilongano akuzifya apa ng’anda ya wene — Yakuzifya pa Ng’anda ya Wene

Baibo ikatusambilizya ukuti kwaya maumba yaili aa Ina Klistu aonsi, aapeelwa imilimo yakuomba umu cilongano—kuli kuti “angalizi na aomvi.” (Filipi 1:1, NW) Ilingi kwene aonsi yaa yakaya aingi umu cilongano. Uzye i milimo ci ino aomvi mu cilongano yakatucitila?

Yaka-azwa iumba lyakwe ya eluda. Aomvi mu cilongano a onsi akoma muli ukapepa, nupya yatailwa, alino yakaombesya, yamwi aacilumendo, nga yauze aakalamba. Yakaombesya umu milimo ipusane-pusane iikaazwilizya imiombele ya cilongano; na cii, cika-avwa ya eluda ukwika mano uku mulimo wa kucema.

Yakatucitila ivintu ivingi vya kutwavwa. Aomvi yamwi, yakaomba umulimo wa kuzengela aakwiza umu kulongana. Yauze yakaombela uku viombelo vya mazwi, ku kutupeela mabuku yano tukulonda, kupenda impiya zino tukasangula, nanti ukutupeela ivifulo ukwa kuyasimikila. Nakupya, yaka-azwilizya uku kuzifya Ing’anda ya Wene. Limwi ya eluda yanganeena aomvi yaa ukwavwilizya akoloci. Aomvi ya mu cilongano yakaitemelwa ukuomba imilimo yonsi ino yapeelwa; na cii, cikalenga amu cilongano yonsi ukupeela umucinzi uku yonsi yaa.—1 Timoti 3:13.

Yakaombesya ukutulanga vino swe Ina Klistu tufwile ukuya. Aonsi aakasontwa ukuya aomvi, yaaya ni miyele isuma iya ukapepa. Nga yakupeela malyasi apa kulongana, tukakomeleziwa cuze. Yakaombesya umu mulimo wa kusimikila, icakuti nafwe tukalonda ukuombesya vivyo kwene. Lyene vino aomvi yaa yakaombela pamwi ni umba lyakwe ya eluda, cikalenga ukuti swensi kwene umu cilongano twaya nu luzango nu kuombela pamwi. (Efeso 4:16) Kukaaya insita lino aomvi yaa nayo yakasontwa ukuya ya eluda.

Uzye aomvi ya mu cilongano a onsi ya musango ci?
Uzye aomvi yaka-azwa yakutuuli icilongano pa kuti caomba ningo?