Iusyini Umuci Wakwe Loti

Loti wikalanga na Abulaham isi munono, u mu mpanga iya Kenani. Lino papisile insita, Abulahamu na Loti yakweti iviteekwa ivingi sana icakuti ni mpanga ino iikalangamo yacefile. Abulahamu wanenyile Loti ati: ‘Tutanga tutwalilile ukwikala pamwi. Fwandi soolola kuno umatemwa ukuya, nani nimaya kuuze.’ Abulahamu ataali na ukaitemwe.

Loti waweni incende isuma umupiipi nu musumba uwa Sodoma. Kwali amanzi aingi, nu mulemvwe. Fwandi wasoolwile incende kwene iyo, nupya akuno yakuukile nu lupwa lwakwe.

Antu aa mu Sodoma alino nu mu musumba wa mupiipi uwa Gomola yacitanga sana iviipe. Yacitanga sana iviipe icakuti Yeova wasoolwilepo ukuyonona. Lelo Leza walondanga ukupususya Loti nu lupwa lwakwe, watumile ya malaika yaili aile iyayaneena ati: ‘Pitisyini! Fumini mu musumba uu! Yeova amaonona umusumba.’

Loti ataafumile umu musumba papo kwene. Watwalilile ukusiitoka. Ya malaika yalemile Loti apikasa, pamwi nu umuci wakwe, na ana yakwe akazyana yaili nu kuyafumya umu musumba zuwa zuwa, iyayaneena iyati: ‘Simulini! Mupususye maumi inu, mutapeepela icisila. Pano nga mwapeepela icisila mumafwa!’

Lino yafisile umu musumba wa Zoali Yeova walesile ukuti umoto watoonya wamvula pa musumba wa Sodoma na Gomola. Imisumba iiya yononyilwe. Lino umuci wakwe Loti wakanyile ukuvwila Yeova, nu kupeepela uku cisila, wasangwike iwe lya musilya! Lelo Loti na ana yakwe akazyana yapuswike pano yuvwilile Yeova. Lino umuci wakwe Loti atuvwilile, ulupwa luu lufwile luvwile sana uyi. Lelo yatemilwe sana pano yene yuvwilile vino Yeova wayanenyile.