LWIMBO 4
‘Yeova U Mucemi Wane’
Vino Mungapulinta
1. Yeova ’kacema wane;
Ndaamulondela konsi.
Wamanya vino nkalondesya,
Na vino vingangazwa.
Akantwalu ku mulemvwe,
Kuno nkacingililwa.
Wene akantungulula ningo,
Kuno kwayu mutende.
Wene akantungulula pee
Kuno kwayu mutende.
2. Inzila zyako zyazipa,
Zyaya nu wololoke.
Ngazwe kuti ntapumbukamo;
Nayu wa cumi lyonsi.
Nanti mpite umu mfinzi
Umansunganga lyonsi.
Nakapya ntanga ntiine amavya,
Pano wewe cuzane.
Napya ntanga ntiine amavya
Pano wewe cuzane.
3. Yeova, wewe mucemi!
nkakonka sile wewe.
Ukankomya nu kunteekezya;
ukampeela vyonsi pyu.
Wewe Leza manda yonsi,
Ndakutaila lyonsi.
Si cikuuku cako caya nani
Mu umi wane onsi.
Cikuuku cako caya nani,
Mu umi wane onsi.
(Lolini na Masa. 28:9; 80:1.)