ISAMBILILO 17
Ukulanda Ivyuvwike Kuli Yauze
1 Kolinto 14:9
IVILI UMWI SAMBILILO LII: Mwaazwilizya ya kakutika ukumanya upiliulo wa vyeo vino mukulanda.
IVYA KUCITA:
Mwapituluka sana umu vyeo vino muli nu kulanda. Manyini ningo ilyasi linu pakuti mungalilondolola umu nzila iyangupale nupya umu mazwi inu.
Mwaomvya amasentensi aipi nu kuomvya iumba lya mazwi angupale. Nanti icakuti caya sile ningo ukuomvya masentensi atali, mwalondolola ivisinka vikalamba ukuomvya iumba lya mazwi umu nzila iyangupale na masentensi angupale.
Mwalondolola mazwi yano antu yataelezya. Ndi cingacitika, mutaomvya amazwi yano ya kakutika inu yataelezya. Ndi cakuti mwaomvya izwi ilitamanyikwa sana, ukulanda pa muntu atamanyikwa ningo uwalembwa muli Baibo, nanti pa vipimo vino yaomvyanga mpiti nanti pa ntambi zya mpiti zino antu yatamnya ningo, mwalondolwela ya kakutika inu.