Mauzyo Yano Aakawelenga Yakauzya

U mulandu ci uno impapulo zyakwe ya Nte Yakwe Yeova zitazumiliziwa ukwikwa pali webusaiti ya muntu nanti imisango iliyonsi iya pa intaneti?

Apa mulandu wakuti tukapeela antu impapulo izikalanda pali Baibo uwila sile, cikalenga yamwi yaelenganya ukuti ukukopolola impapulo zizyo nu kuzika pa mawebusaiti yauze nanti musango ulionsi wakwe intaneti kwazumiliziwa. Nomba, ukucita vivyo kukalenga silea imiomvyezye ya masunde ya mawebusaiti itu ukutwisikwa nupya kwaleta intazi izipisye. Wakwe vino calondololwa mu masunde yayo, kutaya aliwensi uwazumiliziwa ukwika pa intaneti (pa webusaiti iliyonsi, pa mawebusaiti ya kutumilanapo ivyeo, mawebusaiti ya kutumilanapo mavidyo, nanti musango uli onsi wa pa intaneti), “ivikope, impapulo zya pa kompyuta, ivimanyililo vi uvi litu, inyimbo, mapikica, mavidyo, nanti ivipande vya malyasi aya pa webusaiti itu.” U mulandu ci uno iikilako amasunde yaayo?

Vyonsi vino twika pa webusaiti itu vyazumiliziwa umwi sunde. Asangu alino na yonsi akalonda ukukanya mulimo witu yakaomvya impapulo zitu pa mawebusaiti yao pakuti yapumbule ya Nte Yakwe Yeova na antu yauze. Umulandu uno yakaikila impapulo zii pa mawebusaiti yao, yakalonda ukuti antu aakawelenga impapulo zitu yatwisika ivyayamo. (Masa. 26:4; Mapi. 22:5) Yauze nayo yakaomvya impapulo zitu nanti webusaiti itu ku kulumbilizya ivintu vino yakukazya alino na ma apu (mobile device apps) yano iika pa tuombelo twakwe intaneti. Insambu zino twakwata alino ni vimanyililo vya kumanyilako iuvi litu, vyalenga tukwate insambu zya kulesya yonsi akuomvya uyi uyi webusaiti itu. (Mapi. 27:12) Nomba ndi cakuti twaleka antu yauze nanti aina itu kwene, yatandika ukwika ivyeo vitu pa mawebusaiti yao nanti ukuomvya ivimanyililo vyakwe jw.org lino yakulonda ukukazya vimwi, aomvi ya mu vilye yatange yatutungilile lino tukwezya na maka ukukanya aakalonda ukukanya mulimo witu alino na ya kakazya ya vintu.

Ukukopolola impapulo zitu ukulikonsi ukuluta ukukopolola pa jw.org uzanzo uwiipisye. Yeova wapeela sile umulimo wakupekanya vyakwe Leza ku ‘muomvi mutailwe uwa mano.’ (Mate. 24:45) “Umuomvi” wii akaomvya sile mawebusaiti itu pa kupekanya vyakwe Leza, alikuti www.jw.org, tv.jw.org, na wol.jw.org. Nupya twakwata sile ma apu yatatu akuomvya pa tuombelo twitu utwakwata intaneti, alikuti JW Language^®, JW Library^®, na JW Library Sign Language^®. Twataila ukuti iviombelo vii vitakoweziwa ni miyele ya mu nsi yakwe Satana. Ndi cakuti twakopolola vyakwe Leza ivilivyonsi ukuomvya webusaiti yuze ukuluta pali yaa, tutanga tumanye ndi vyeo vivyo vitasenwilwe nanti kukoweziwa mu nzila iliyonsi.—Masa. 18:26; 19:8.

Nupya ukwika impapulo zitu pa mawebusaiti akazumilizya ukulandapo vimwi pali vino umuntu wataikapo, kukalenga asangu na yauze sile akakanya umulimo witu ukulanda iviipe pi uvi lyakwe Yeova. Aina na ya nkazi yamwi ingila mu maumba kwene yaa akulandapo, nupya cico calenga ukuti izina lyakwe Yeova lyazewanilako. Ukulanzyanya kwa pa intaneti asi inzila isuma iya ‘kulungikilamo yao akatulwisya.’ (2 Tim. 2:23-25; 1 Tim. 6:3-5) Nupya cazanwa nu kuti antu akapanga mawebusaiti yaufi pa intaneti, yapanga mawebusaiti yaa ukuomvya izina li uvi litu, Iumba Ilikatungulula alino na ina aya mwi umba kwene lii. Nomba, kutaya nanti awenga uwa mwi Umba Ilikatungulula uwakwata webusaiti yakwe nanti ukwika vimwi vino antu yangaalola pa intaneti.

Ukunena antu ukuya pa jw.org kukalenga “ilandwe lisuma” lisalangane. (Mate. 24:14) Iviombelo vino swensi kwene cila muntu tukapokelela ivya kuomvya mu mulimo wa kusimikila vikuya vikuzipilako sile. Tukalonda aliwensi aipakizya ukuomvya iviombelo vii. Nomba, wakwe vino Amasunde pa Miomvyezye yalanda, mungatumila sile umwi ivyeo nanti ulupapulo pa intaneti nanti ukumutumila ukuomvya inzila izyaya pa jw.org. Ndi cakuti mukutungulula antu aakulonda ukusambilila pa mawebusaiti itu, ale mukuyapalamika ku ‘muomvi mutailwe uwa mano,’ aakapekanya vyakwe Leza.