Mungaomvya Mazwi Yaa

Pa Kutandika Masambililo ya Baibo pa Ciwelusi ca Kutandikilako mu Okotoba

“Tukutandalila anji kuti tulandeko panono pa mitekele isuma. Uzye mukwelenganya ukuti kwaaya mitekele iingafumyapo iviipe ivikacitika ivili wa unkalwe nu lufyengo?” Lekini yasuke. Lyene yaneenini ukuti mwi pepo lyakuti Tata Witu wa Mwiyulu, Yesu wasambilizye alondezi yakwe kupepela Uwene Wakwe Leza ukwiza. Yalangiini icipande ca kusyalikizya mu Ulupungu lwakwe Okotoba 1, mulanzyanye ivyeo ivili apisika lya cuzyo ca kutandikilapo alino ni lembelo nanti lyonga sile. Yapeeliini ya mangazini, muvwane na lino mulaswililako pakuti mukalanzyanye apiuzyo ilyalondelelapo.

Ulupungu lwa kwa Kalinda Okotoba 1

“Tukulanzyanya na anji pa nsita sile inono pa mazwi aaya umwi pepo ilyamanyikwa lino Yesu wasambilizye alondezi yakwe. [Welengini Mateo 6:9, 10.] Uzye vwilini mungalondolola mutuuli Uwene Wakwe Leza alino nupya u mulandu ci uno Yesu waulandilangapo sana lino wasambilizyanga? [Lekini yasuke.] Mangazini yii ikulanda pali vino Baibo ikalanda pa Wene Wakwe Leza alino ni visuma vimwi-vimwi vino ulaletela antunze.”

Loleni! Sepetemba–Okotoba

“Swe yantu yonsi sile tukaponelwa ni ntazi izipusane-pusane zili wa amazanzo, kulwalisya, nanti ukufwilwa. Uzye mwamanya ukuti caya icicindame ukulaelenganya napa visuma lino ivintu vyamusango uu vyamucitikila? [Lekini yasuke.] Antu aingi yazana ukuti Baibo ikayaazwa ukuzizimizya ndi yaponelwa na macuzi. [Welengini Loma 15:4.] Mangazini yii yatilondolola vino Baibo ingatwazwa ndi twaponelwa ni ntazi.”